انحنى من أجل الحب

البارت السادس عشر

علشان نتواصل مع بعض وتعرفوا عنى كل جديد اضغطوا هنا 👈 fatma_novels واعملوا اتبع او follow حسب اللى هيظهر ...

⁩

__________""""""""""_______"""""""_______

المحامى مجاش يعنى ؟!

قالها فارس بجمود وهو يحاول الإبتعاد عن تلك الملتصقه به تحاول تقبيله او حتى التأثير عليه

ردت برقه وانوثه _ هو قريب يوصل .. ركز معايا أنا!

وجذبت وجهه بيديها واقتربت منه محاولة تقبيله ولكن فارس نزع يديها من وجهه وقام من على تلك الأريكة التى كانوا يجلسون عليها فى هذا الصالون الواسع جدا و الأنيق ، المليئ باللوح التى يبدو عليها انها مهمه ونادرة ، بأثاث فخم وراقى

_ إيميلى إبعدى !

هدر بها بقوة عندما كانت على بعد إنش واحد فقط منه

وقف يُعدل من هيئته وللحظه فقد سيطرته على نفسه

_ لا لا بقولك إى ... احنا بقالنا ٣ سنين ميت فل وعشرة... إى ياتنين فيه إى لا إمسك نفسك كده

كان هذا صوت المنطق الذى تحدث مشجعاً فارس على التماسك أما صوت العاطفه

_ يااه يافارس ... خلاص .. بقيت من فارس لتنين .. خلاص مات قلبك الطيب ورقتك وتسامحك...لا وقاعد كمان مع واحدة زى دى وبتساومها على نفسك عشان حتة توكيل تزل اخوك بيه !

المنطق_ اخد الحق صنعه ياسى العاطشيفه ... وهو مش هيغضب ربنا ولا حاجه ولا هيخليها حتى تمسه لا من بعيد ولا من قريب ... دا واحد اتظلم ولازم ياخد حقه ... وبعدين إى بتساومها على نفسك دى ... هو معملش كده... هى طول عمرها وهى عوزاه ... فليه ميستغلش حاجه زى دى لمصلحته وبذكاء من غير ما يعمل حاجه حرام ... أنا شايف الموضوع عادشي يعنى .... مش عارف انت ليه بقي محروق من جوا أوى كده وأصفر من ناحيتى ... ولا أنا عشان بقيت البريموا ؟! ... اسلكوا من جوا بقي جتكوا القرف مليتوا البلد

العاطفه _ إنت هتضيعه ... أفعالك كلها غلط .. فارس مش لازم يسمع كلامك... مش فاكر لما خليته يسامح إيميلى لما اعتذرتله لأ وكمان بقوا أصحاب ... ولا مش فاكر لما خليته يسيب مراته من غير ما يسمعها أو يديها فرصه ، مراته دى إى يعنى .. مش فاكرلها أى حاجه حلوة... طب انت إزاى يافارس ضعت كده ومعدتش عارف تفرق بين كلمة بحبك اللى كانت بتقولها من قلبها ..اسألنى أنا يافارس .. أنا كنت بحس بيها !!

_ نعم نعم يادالعدى " ألد عدو" يدى فرصه مين يلا ياللى كرامتك اوطى من الموس ع الأسفلت..بقولك إى ياجدع انت انا مولع كده ومشعلل منك .. لا ومش أنا بس ... دا كل خلق الله عاوزين يولعوا فيك .. أنا مش عارف انت لسه عايش ليه ؟!!

_ إى فارس .. فيه هاجه؟!

فاق فارس على نفسه بعدما أدرك أنه قد أخذ وقت غير قليل فى التفكير ومتابعة ذاك الصراع الدائر بداخله