انحنى من أجل الحب

البارت الثانى

متنسوش الفوت والكومنت 💛🔥

"""""""""""""

توقف مصطفى وقلب عينيه فى ملل شديد...
فهو ليس بحاجة ابداً ـ لسخافتها الآن!

_ما لسا بدرى يا درش !

نطقتها شمس فى سخرية شديدة و ابتسامتها السخيفه لم تفارقها

رد بتعابير تمثيليه _ معلش يا ماما..نسيت انى عندى مدرسة الصبح ..

حسناً... فلينل بعض من المرح والتسليه قليلاً؛

لوت فمها بسخرية_ امممم .. طب متنساش بقي تشرب اللبن و تغسل سنانك قبل ماتنام

ارتسمت ابتسامة واسعه على محياه و اقترب منها و وقف امامها مباشرة .. نظر بعيناها بتركيز...

واجاب بود مزيف إختلط بالخبث وبصوت نوعا ما خافت_ بقولك اى صحيح ... ماتخليكى فى حالك احسن"

تجاهلت سخريته واردفت بحده_ كنت فين لحد دلوقتى .. انت مفكر ان محدش هيحاسبك !

رد بغضب وصوت عالى_ و أنتِ مالك

ارتجف جسدها لغضبه ثم تابع بمكر _ و بعدين مش قولنا خليكى فى حالك...اقولك على حاجه احسن..ما تخليكى فى جوزك...خليكى فى فارس ..اه و الله...فارس حنين و طيب و على نياته لا و ايه .. بيسمع الكلام كمان...

اقترب خطوة منها ونظر بتلاعب فى عينيها _ اصل انا بصراحه مفيش منى فايدة

احمر خديها من حديثه وقالت بغضب_ انت بتقول اى يابنى ادم انت !!!

_ اللى سمعتيه ياحلوة...

تركها وقال تلك الكلمات بجديه

أغاظها كثيراً ..اشتعلت ناراً..صرخت بصوت عالى بعدما أولاها ظهره وتركها_ انت مفكر نفسك مين ؟

كان يتجه نحو الدرج ليصعد لغرفته .. استمع ولم يعطها بالاً وواصل التقدم .. رأى فارس يهبط على الدرج ...
توقف وضحك بسخرية على مايرتديه

سخر من ما يرتديه لقد كان يرتدى بجامة نوم موديل قديم لا يلائم فخامة ما يرتديه مصطفى فأستنكر عليه وسخر

_ اى يابني دا

التف حول نفسه وقد حسب أن ملابسه بها شيئ خاطئ..مسكين وسليم النية او بالإحري ساذج ..لا يعلم أن أخيه يسخر منه ليس إلا

قال بصدق وهو يلتف حول نفسه _ فى حاجه فى هدومى ولا ايه

انفجر مصطفى فى الضحك مرة اخرى .. فكم راق له شكل فارس بتلك الطريقه

قطع وصلة ضحكه ثم قال ساخراً مرة اخرى _ هههههه و انت اى أللى مسهرك لحد دلوقتى يا بيضه

لم يتبين الإستهتار فى كلامه فقال بعدما عدل نظارته بحركه لا يفعلها الا من قضوا حياتهم يدرسون _ انا كان عندى بحث بشتغل عليه..( ثم تابع بدهشه
حقيقيه )تخيل يامصطفى !؟