ရာသီဥတုသာယာသော နေ့တစ်နေ့ဖြစ်သော်လည်း Eldoraအရှင်မှာ စိတ်အစုံတို့ မကြည်လင်နိုင်ပေ။
အကြောင်းအရင်းမှာတော့ ဇာစ်မြစ်ရှာ၍မရသော ခေါင်းခဲဝေဒနာနှင့် အလိုက်ကန်းဆိုးမသိစွာဖြင့် သူ့အား တစုံတခုကို အားတက်သရော တိုက်တွန်းထားသည့် တာဝန်ခံအမတ်တို့၏ စာလိပ်များကြောင့်ဖြစ်လေသည်။
"တစ်ခါလာလည်း လက်ဆက်ဖို့ တစ်ခါလာလည်း ဆက်ခံသူနဲ့ ဒီလူတွေ ရူးများနေကြပြီလား!"
ဖတ်လက်စ စာလိပ်အား ဆောင့်ချလိုက်သည့် အသံကျယ်ကျယ်ကြောင့် ပြတင်းပေါက်ရှိ ကျေးငှက်လေးများပင် ထိုနေရာမှ ရှောင်ခွာသွားကြလေသည်။ အရှင့်ဘေးရှိ အကြံပေးကြီးမှာတော့ လန့်သော်လည်း ရာဇအိဒ္ဓြေက ရှိသေးသည်မို့ ဟန်မပျက်သာ ပြန်၍ ရပ်ကာ အရှင့်ကို ဖြောင်းဖျတော့သည်။
"စိတ်လျှော့တော်မူပါ အရှင်"
"မလျှော့နိုင်ပါဘူး။ ဒီလူတွေ တင်ပြစရာက ဒီအကြောင်းအပြင်မရှိဘူးလား မသိ"
အရှင်က စောစောက ဆောင့်ချလိုက်သည့် စာလိပ်အား ခပ်လှမ်းလှမ်းရှိ စာလိပ်အပုံလိုက်ဆီသို့ လှမ်းပစ်လိုက်ပြီး ခေါင်းခဲဝေဒနာ သက်သာလို သက်သာငြား နားထင်ကို လက်ဖြင့် ခပ်ဖြေးဖြေး ပွတ်သပ်ကာ စိတ်ပျက်လက်ပျက်ပြောလေသည်။
"အရှင်ဟာ လက်ဆက်ပြီး ဆက်ခံသူ ရယူရမယ့်အချိန်ကိုရောက်လာပြီလေ အရှင်။ ဒီလိုအချိန်မှာ အရှင့်လိုလူကို သားမက်မတော်ချင်တဲ့သူများ ရှိမယ်တဲ့လား. omega သားသမီးပျိုရှိတဲ့ မိဘတိုင်းကတော့ ဒီအခွင့်အရေးကို အလွတ်မခံပဲ ကြိုးစားကြမှာပါပဲ"
"အဲ့လိုဆိုတိုင်း သူတို့ မတော်လောဘကို ဖြည့်ပေးဖို့ omegaသားသမီးပျိုတွေက လက်ဆောင်ပဏ္ဍာဆက်သလို ဆက်သခံရမယ်တဲ့လား. သိပ်ကို မလွန်လွန်းဘူးလား အကြံပေးကြီး"
"ဒါကတော့ ထုံးထမ်းပဲလေ အရှင်ရယ်. omegaအနေနဲ့ မွေးဖွားလာပြီးပြီမို့ ဒီနည်းလမ်းဟာ သူတို့အတွက် အကောင်းဆုံးပဲလေ. ဘုရင့်မျိုးဆက်ကိုလည်း မွေးဖွားပေးရဦးမယ်. တတိုင်းပြည်လုံးရဲ့ လေးစားခြင်းကိုလည်း ခံရမယ်။ ဒါဟာ သိပ်ကို ကြီးမြတ်တဲ့ အခွင့်အရေးမဟုတ်လား။ အရှင်ကပဲ နားလည်ပေးလိုက်ပါ"
YOU ARE READING
𝕸𝖔𝖓𝖆𝖗𝖈𝖍
Fantasy𝑌𝑒𝑠 𝑀𝑎𝑗𝑒𝑠𝑡𝑦, 𝑦𝑜𝑢'𝑟𝑒 𝑡ℎ𝑒 𝑡𝑟𝑢𝑒 𝑚𝑜𝑛𝑎𝑟𝑐ℎ •••••••••••••••••••••••••••••••••••••••••••••• Taekook Omegaverse Start: 06/06/22 End: --/--/-- Disclaimer: this fiction is based on author's imagination and doesn't concern with real...
