အမျက်ဒေါသတို့ကို တတ်နိုင်သမျှ ချုပ်ထိန်းကာ နန်းဆောင်ဆီသို့ ပြန်လာခဲ့တော့သည်။ အတွေးအခေါ်ကျဥ်းမြောင်းရုံသာမက နှုတ်စည်းကမ်းမရှိသော အရာထမ်းဆိုသူတို့ကြောင့် ဒေါသဖြစ်ရပုံမှာ သွေးနားထင်ပင် ဆောင့်မတတ်။ အခွင့်အခါသင့်လျှင်တော့ မှတ်သားလောက်အောင် ပညာပေးရပါဦးမည်။
ဒေါသစိတ်ဖြင့် တံခါးချပ်ကို 'ဝုန်း'ခနဲမြည်အောင် ဆွဲဖွင့်လိုက်သည်အခါ အနည်းငယ်လန့်သွားဟန်ပေါ်သည့် လူကို သတိထားမိသွားသည်ကြောင့် မျက်စောင်းခဲကာ ဆူဟောက်လိုက်တော့သည်။ ဘယ်ချိန်ကတည်းက သူ့နောက်ကလိုက်လာတာများလဲ။
"ဘာလိုက်လုပ်တာလဲ!"
ထိုအခါမှ တပါတည်း လိုက်ပါလာသူ ထိုalphaက မလုံမလဲ မျက်နှာပေးဖြင့်
"မင်းအရမ်း ဒေါသဖြစ်နေတာဆိုတော့ စိတ်မချလို့လိုက်လာတာပါ။ ဒေါသထွက်ရင် အမှားပါတတ်တယ်လေ"
"ကျစ်။ ကျုပ်ဘယ်သူ့ကိုမှ ခြေလွန်လက်လွန်ဖြစ်အောင် မလုပ်ဘူး။ ခင်ဗျားလည်း မဆိုင်တဲ့ကိစ္စကို ဝင်မပါနဲ့။ ပြန်တော့"
စိတ်ရှိအတိုင်း ဝင်မည်ပြုသော်လည်း တုပ်တုပ်မလှုပ်သည့် ထိုalphaကြောင့် စိတ်အနှောင့်အယှက်ဖြစ်စွာ သက်ပြင်းချလိုက်ကာ
"ခင်ဗျား ဘာလိုချင်သေးလို့လဲ။ သွားလို့ရပြီလို့ပြောတယ်မဟုတ်လား"
"တောင်းပန်မလို့"
"ဘာရယ်"
"အစောက ကိစ္စ... မင်းခွင့်ပြုချက်မပါပဲ အတင်းနမ်းမိတဲ့ ကိစ္စလေ.. အဲဒီအတွက် ကျုပ်တောင်းပန်တယ် လာဗင်ဒါ။ "
"တော်တော့ ပြန်မပြောနဲ့တော့"
နှုတ်ခမ်းသွေးစို့လောက်တဲ့အထိ ဖြစ်စေပြီးမှ လာတောင်းပန်နေသည်က ရိုက်ပစ်ချင်စရာ သိပ်ကောင်းသည်။ သို့သော်လည်း ပြဿနာတို့အလွန်အလွန် မဖြစ်ရလေအောင် တားဆီးပေးခဲ့သည်မို့ ကျေအေး၍သာ ပေးလိုက်ပါသည်။ ထိုalphaသာ ဝင်မတားခဲ့ပါလျှင် ခုချိန် ထို အမှုထမ်းဆိုသူတို့နှင့် ပြဿနာပို၍ကြီးမားရုံသာ ရှိမည်လေ။
"ကျုပ်က စိတ်လိုက်မာန်ပါလုပ်လိုက်မိတာပေမယ့် မင်းရဲ့ မာနနဲ့သိက္ခာကို ထိခိုက်သလိုဖြစ်သွားခဲ့တာ... တကယ်ပဲ မင်းကို စော်ကားဖို့ အကြံအစည်တော့ မရှိခဲ့ပါဘူး။"
YOU ARE READING
𝕸𝖔𝖓𝖆𝖗𝖈𝖍
Fantasy𝑌𝑒𝑠 𝑀𝑎𝑗𝑒𝑠𝑡𝑦, 𝑦𝑜𝑢'𝑟𝑒 𝑡ℎ𝑒 𝑡𝑟𝑢𝑒 𝑚𝑜𝑛𝑎𝑟𝑐ℎ •••••••••••••••••••••••••••••••••••••••••••••• Taekook Omegaverse Start: 06/06/22 End: --/--/-- Disclaimer: this fiction is based on author's imagination and doesn't concern with real...
