Mateဖြစ်ပြီးနောက်ပိုင်း အရှင်နှင့် alpha၏ ဆက်ဆံရေးသည် ရဲတင်းသထက် ရဲတင်းလာခဲ့သည်။ ယခင်က လာဗင်ဒါလေးအား လွတ်မြောက်ခွင့်ပေးလိုလျှင်တောင် မိုးမခတောအထိ သွားတတ်သူ အရှင်လေးက ယခုတွင်တော့ မိမိနန်းဆောင်ထဲအထိပင် alphaဖြစ်သူနှင့် ရံဖန်ရံခါ ရမ္မက်တိုက်ပွဲဆင်နွဲသည့် အနေအထားပင်ဖြစ်လာသည်။ အမှုထမ်းများသည်တော့ အနံ့မခံနိုင်သူ betaများသာဖြစ်သည်မို့ ပူစရာမလိုပါလေ။ ထို့အပြင် သမားတော်မင်၏ ကူညီမှုကြောင့် အခြားalphaများနှင့် မဖြစ်မနေတွေ့ဆုံရသည့် အချိန်ဆိုလျှင်တောင် အခက်အခဲမရှိပါလေ။
Innerwolfမှ စွဲလမ်းရသူ Alphaနှင့် အနီးကပ်ရှိနေရသည့်အပြင် Mateဖြစ်နေပြီ ဖြစ်သည်မို့ ကိုယ်တွင်းရှိ ထိုalpha၏ ဟော်မုန်းတို့က ဆေးတို့၏ ဘေးထွက်ဆိုးကျိုးတို့ကို သက်သာစေသလို ဝေဒနာလည်း လျော့နည်းစေသည်ကြောင့် အရှင်လေး နေထိုင်ကောင်းနေသည်ပင်။
လပြက္ကဒိန်၏ ဒုတိယမြောက်သော လပြည့်သည် Eldora၌ ပွဲတော်ကျင်းပနေကျ အထိမ်းအမှတ်နေ့ဖြစ်သည်ကြောင့် တတိုင်းပြည်လုံး စိတ်လှုပ်ရှားကြသည့်နေ့လည်းဖြစ်သည်။ ထိုနေ့တွင် နယ်ခြားကုန်သည်အချို့လည်း ထူးထူးခြားခြားဝင်ခွင့်ရသည်မို့ ဒေသစုံမှ ပစ္စည်းစုံ အစားအသောက်စုံလည်း ရှိတတ်သည်။ ထို့အပြင် လူကုံထံကော သာမန်လူတန်းစားပါမချန် ဆင်နွှဲကြသည့် ပွဲတော်မို့ မြို့ထဲမှာပင် အလွန်စည်ကားပါသည်လေ။ ချစ်သူစုံတွဲများသည်လည်း နှစ်ကိုယ်တူလည်ပတ်ခြင်း လက်ဆောင်လဲလှယ်ခြင်းဖြင့် အမှတ်တရများ ဖန်တီးကြတတ်သော နေ့ပင်ဖြစ်သည်။
"အရှင်~ ကျုပ်တို့ လပြည့်ပွဲတော်မှာ လည်ကြမလား"
"ဖြစ်ပါ့မလား.."
"မိုးမခတောမှာတောင် ၅ရက်လောက် သွားနေခဲ့သေးတာပဲ။ တညနေလောက်လည်တာက အဆင်ပြေမယ်ထင်ပါတယ်"
"အင်းနော်။ ခင်ဗျားပြောတာလည်း ဟုတ်ပေမယ့်.. မသိတော့ပါဘူး"
မိုးမခတောက လူသူရှားပါးသော်လည်း ယခုက မြို့ထဲ လည်ပတ်မည်မို့ အခြေအနေမတူပါလေ။ မတော်၍ မိမိအား သိသည့်သူသာရှိနေခဲ့လျှင် mateလည်းပါနေသည်မို့ စိုးရိမ်ရသည်မဟုတ်လား။
YOU ARE READING
𝕸𝖔𝖓𝖆𝖗𝖈𝖍
Fantasy𝑌𝑒𝑠 𝑀𝑎𝑗𝑒𝑠𝑡𝑦, 𝑦𝑜𝑢'𝑟𝑒 𝑡ℎ𝑒 𝑡𝑟𝑢𝑒 𝑚𝑜𝑛𝑎𝑟𝑐ℎ •••••••••••••••••••••••••••••••••••••••••••••• Taekook Omegaverse Start: 06/06/22 End: --/--/-- Disclaimer: this fiction is based on author's imagination and doesn't concern with real...
