𝕸𝖔𝖓𝖆𝖗𝖈𝖍

Episode: 11

Warning: a little bit of spicy scene ahead

မြင်းလည်းပျောက် ခြေလည်း ခေါက်သည်ကြောင့် ထိုတစ်ညတာကိုတော့ မိုးမခတော၏ အိုအေစစ်လေးအတွင်း၌သာ ကုန်ဆုံးရသော အရှင်နှင့် ကိုယ်ရံတော်ကင်မ်။ အကြောင်းအရာတချို့အား ရောက်တတ်ရာရာပြောဆိုပြီးချိန်တွင်တော့ ပင်ပန်းသည့်ဒဏ်နှင့် ဒဏ်ရာအရှိန်ကြောင့် အရှင်လေးမှာ ပထမဆုံး heatဖြစ်ခဲ့သော ထိုဂူငယ်လေးအတွင်းမှာပင် နှစ်ခြိုက်စွာ အိပ်မောကျသွားခဲ့လေသည်။

ကိုယ်ရံတော်ကင်မ်သည်တော့ အတွေးနယ်ချဲ့ရင်း အရှင်လေးအား စောင့်ကျပ်ကာနေလေသည်။ အဖြေရှာရန် မလွယ်ကူသော မေးခွန်းပေါင်းများစွာနှင့် ရေရာသေချာခြင်းမရှိသော ခံစားချက်တို့သည်လည်း အလုံးစုံလွန်ဆွဲလှုပ်ရှားလျက် အတွေးများနေလေတော့သည်။

သက်ပြင်းရှည်တချက်ချကာ အတွေးတို့ကို ရှင်းလင်းမိရင်း အိပ်မောကျနေသော အရှင်လာဗင်ဒါလေးထံ အကြည့်ပို့မိလေတော့ စိတ်နှလုံးက အထိန်းအကွပ်မဲ့စွာ လှုပ်ရှားခုန်ပေါက်တော့သည်။ တချိန်တည်းမှာပင် ရေကြည်တပေါက် သောက်လိုက်ရသကဲ့သို့ အေးမြကြည်လင်ခြင်းကိုလည်း ခံစားလိုက်ရသေးပြန်သည်။

ဖြာကျနေသော လရောင်နုနု၏အောက်တွင် အေးချမ်းစွာ အိပ်မောကျနေသော အရှင်လာဗင်ဒါလေးသည် လှရက်လိုက်လေခြင်း။ မျက်နှာပေါ်သို့ ကပိုကရိုကျနေသော ဆံနွယ်နုနုတို့သည် နီစွေးစွေး နှုတ်ခမ်းဖူးလေးကိုတောင် ပွတ်တိုက်မိနေသည်မို့ ပန်းချီကားတစ်ချပ်အား ကြည့်နေရသဖွယ်ပင်ဖြစ်သည်။

တမေ့တမော ငေးကြည့်မိနေစဥ် လူးလွန့်လှုပ်ရှားလာသော အရှင်လေးကြောင့် ခပ်မြန်မြန်ပင် ကိုယ်နေဟန်ထား ပြင်ဆင်လိုက်ပါသေးသည်။ သို့သော်လည်း တဆက်တည်းမှာပင် ကြားလိုက်ရသော ညုတုတုအသံလေးကြောင့် အကြောအချဥ်များပင် တုံ့ဆိုင်းသွားတော့သည်။

"ဟင်း...ကိုယ်ရံတော်ကင်မ်..."

ညုတုတု ​ညည်းညူသံနှင့်အတူ ထွက်ပေါ်လာသည်က သူ့အမည်နာမတဲ့။ နာကျင်၍ ညည်းညူသည့် အသံမျိုးမဟုတ်ပဲ သာယာမှုဖြင့် ရမ္မက်ဆန်ဆန် ညည်းညူသော လေသံဖြစ်၍ မွှေးညင်းနုလေးများ ထောင်သည်အထိ ​ကြက်သီးထမိသည်။ ပထမဆုံး heatဖြစ်ခဲ့စဥ်က ရမ္မက်ခိုးဝေနေသော လာဗင်ဒါလေးအား မြင်ဖူးခဲ့သည့်တိုင် ယခုလို မိမိအမည်အား ခပ်ညုညုဖြင့် ငြီးတွားလာသည်ကို ကြားရသည်မှာ ပထမဆုံးဖြစ်၍ ဘာလုပ်လို့ဘာကိုင်ရမှန်းပင် မသိတော့ပါ။