حاطة راسها على لمخدة لي حرام واش تكون مخدة كلمة حجر غتكون أفضل ،مغمضة عويناتها و جامعة شعرها شفنجة كانت لابسة بيجامة طويلة فلباج تنهدات بألم ملي حسات بشي واحد حط ليدو على جنبها حلات عينيها لكحلين بحال سواد ليل دوراتهم شوية و هي تبان ليها واقفة على راسها و كتشوف فيها بأسف ...: سمحي ليا أختي ياسمين ياكما وعتك ياسمين بتاسمات إبتسامة باهتة بشفايفها صغيورين نطقات بصوت حنين: لا ازينب متخافيش سالات هضرتها و تنهدات حاولات تنوض بشوية عليها تا جلسات فوق ناموسية لي مابقا ليها والو و توصل لسقف دورات وجهها لعندها ملي سمعاتها نطقات زينب بحنان: نوضي اختي تاكلي قبل ماتجي و تصدق محرراها علينا نطقات ياسمين بتبات: اسيري كولي نتي انا و الله مافيا نطقات زينب و هي كتشوف فيها: هبطي عندي ندويو ياسمين عرفاتها لاش كتلمح تنهدات و اومأت ليها بإيجاب تحركات بشوية و هبطات من سلوم و جلسات حداها فوق ناموسية ،كانت ناموسية لي فيها جوج ،وحدة فوق وحدة و ماشي غير ناموسية وحدة لي كاينة لا كان لبيت عامر غير بيهم كانو شي 12 لناموسية و كل وحدة بالفقانية ديالها علاش لا و هي راه زنزانة ديال الحبس هادي، لي مجموع فيها كل وحدة و جريمة ديالها نطقات زينب وهي كتدوز ليديها على عنقها: نبدا انا و لا نتي نطقات ياسمين بمرارة: ابداي نتيا زينب تكات و دارت بلاصة حداها لياسمين هاد أخيرة لي تكات حداها عاد نطقات زينب: منين انبدا ليك واش من اني بنت زنقة و لا من عداب لي دزت منو و لا مناش انا اياسمين وحدة لي حليت عينيا فلميتم ما عارفة لا ماما لا بابا شكون كبرت فالخيرية مغاديش نقول ليك معززة مكرمة لا بالعكس لهلا يوريك عداب لي دزت منو تحرقت تضربت تهرست لدرجة حاجة لي بقات ليا مادروهاش و هي إغتصاب اه 100 مرة تعرضت ليه ولكن الحمد الله ديما مسلكة راسي تال نهار درت 18 عام و كان لا بدة نخرج من الميتم واخا ميتم عشت فيه اسوء يماتي واخا هكاك كان حاميني من دياب ديال زنقة وغير وصلت لسن قانوني رماوني بلا مايحنو فيا دوزت يامات فزنقة فراشي أرض و غطايا سما ناعسة و مناعساش كنبات عاسة على راسي من دياب و كلاب بقيت هكاك تا لقيت خدمة سرباية فلقهوة واخا تعرضت لتحرش ولكن كنت قادة براسي بقيت خدامة فيها عام تا وليت كنشوف مدير ديالي زعم و لا باغي يتلمس و يدوي و انا كنت كنصدو اولا حيت مزوج و تانيا حيت كرهت جنس البشار ،شحال من مرة سكر تا شبع و جا لعندي بغا يغتصبني ولكن كنحمد الله كان كيجي مني تال نهار لي غلبني و ملقيت باش ندافع على راسي من غير واحد خشبة خبطتها ليه مع راسو تا داز دم و غيب هربت من تماك حيت كان عند بالي قتلتو ،ملي سمعت بوليس كيقلبو عليا مشيت لعندهم برجلي ولكن تصدمت لقيتو باقي حي و من فوق كادب عليهم و قال ليهم بغيت نشفر، غوت و قلت لي كاين مي شكون لي تاق بيا او بالأصح عطاهم رشاهم باش يتيقوه اوى كيف كتشوفي انا معاك هنا بتهمة السرقة و الإعتداء ولكن معانات مسلاتش هنا لا عاد ما بدات ملي دخلت لحبس و ليت كنقول كون غير تغتاصبت على ليد راجل و لا هاد لعيالات مكبوتات لي هنا باغين غير فرصة باش انهشو لحمك و ملي ما كتعطيهمش شفتي اش كيوقع راه نفس حاجة وقعات ليك تا مابقيتيش قادرة تحركي الى مخليتيهمش اغتاصبوك كيعدبوك و كيدلوك اه انا اختي واخا عندي 19 سنة مي دماغي كبر من هكا و ليت كنطلب غير الموت و صافي حيت كوني اختي اكيدة كون قالو ليا يا نبقا عايشة يا نموت ننتمنى موت الف مرة سكتات و هي كتمسح فدموعها ضارت لعند ياسمين لقاتها كتشوف فيها و عينيها مغرغرين بدموع كملات كلامها: ايه و نتي اختي ياسمين شناهيا حكايتك ياسمين تنهدات بمرارة و نطقات : انا اختي هي لي تزاديت وسط عائلة فقيرة واخا هكاك كنا حامدين الله و شاكرينو تال نهار كيموت فيه درع حامي ديالنا مات بابا و خلا عندي 13 عام ماعارفة والو فهاد دنيا و بالحكم انا كبيرة فخوتي خرجت من قرايا و خرجت نخدم فديور عباد الله باش نقري خوتي عندي اخ فايتاه ب 3 سنين و اخت فيتاها ب5 سنين كنت كنظل نهار كلو فالخدمة باش ملي نجي لي حتاجها خويا و ختي نعطيها ليهم و هوما كيعرفو غير خاص خاص كيكبرو و وتا طلبات ديالهم كبرات تا من ماما ولات باغا ماكينة صابون و لات باغا تلاجة جديدة و لات باغا فران جديد و حيت ميمكنش رفض لماما شي حاجة كنت كنخدم جوج خدمات مهم نضبر على لفلوس بقيت على هاد لحال تا درت 20 سنة و لي هي دبا كنت جالسة ناض خويا قال ليك خاصني ما نلبس و كدا قلت ليه صبر عليا تا نخدم راني خرجت من لخدمة ولكن شكون تسوق ليك ماخليت فين قلبت على خدمة والو تال نهار لي كنتصدم ملي شفت ماما كتلمح ليا ... و مزال ما كملات هضرتها غوتات لربي لي خلقها ملي حسات بشعرها ايتحيد من بلاصتو كانت مرة غلييظة لابسة ضوني و شورط و وجهها مضروب جامعة شعرها صفر بفيليل ديال درهم شادا ليها شعرها و كتغوت ...: هايهاي على لقحب*ة واش حنا خدامين عندك، عند بالك جالسة فاوطيل انوضي تحركي القحب*ة خدمي على كر*ك
يتبع...✏️ 👇ياسمين
Oops! This image does not follow our content guidelines. To continue publishing, please remove it or upload a different image.
