تشنج صدرو من هضرة لي قال عندو صح اي مشكيل كان كيواجهو مع مرتو كيستفسر من امين كيحاول القا معاه حل مي علاش دبا ماحملش يدوي على ياسمين عض شفايفو تعصب من راسو ما باغيش شي مشاعر تواجهو فهاد لحظة نطق بجدية: ماكينش اشكال او اختلاف امين نطق بهدوء و هو كيكمي: كيبان ليا لعكس عرف كفاش يستافزو و صقر باش يبين ليه انه مكينش اختلاف عاود ليه على سبب زواج و كفاش وقع و لا غير، واخا تنادم معاه لحال ملي سمع امين نطق باستفزاز امين: ادن تسالي مدة لحبس اطلقها نطق صقر و هو مزير على ليديها : انا لي كنقرر امتى نطلقها سالا هضرتو و وقف نطق بجدية قبل مايتحرك: هضرة تبقا هنا بقا امين متبعو بعينيه تا خرج بتاسم بغباء و نطق: طحتي فبنت ل20 خيبة تال معاودة طالع لبيت و ماحاملش اطلع داز عند ولدو شافو توادع معاه حيت فصباح راجع و مو كان توادع معاها قبل ما يطلع ،كمل طريقو لبيتو تنهد قبل ما يحل لباب دخل بانت ليه جالسة فلبالكون بشوميز دونوي واصل لحد فخاض معرية رجليها و صدرها كيبان كانت فاتنة لدرجة زوينة سد لباب و دخل لدوش ديركت تنهد و هو كيشوف فلمراية هو ماباغيش اعاشرها ميقدرش انسا فعلتها بمرة قبل كان كيتنسا غير امتى ولكن دبا لا فاتت حدودها و تكبرها طغا بدا فتدواش تنهد بحيرة بعد ما سالا دوش لبس سروالو و بقا عريان من فوق خرج غادي ناحية سرير باش ينعس و قبل ما يوصل كانت معنقاه من كرشو و كيحس بشفايفها على ظهرو كتقبل فيه بطريقة متيرة نطقات بجرأة لمياء: حبيبي مشهياك سالات هضرتها و جات قدامو و بدات كتقبل فيه بشهوة و تاهو نساجم معاها بدات كتحل ليه فسروال و كتحط فحوايجها تا لاحتو فوق ناموسية طلعات فوقو و بدات كتبوس فيه و ديالها كيتحاك مع ديالو قلبها و طلع فوق منها هبط نيفو لعنقها كيقلب على ريحة لي باغي هو ولكن والو ماقدرش حاول يكمل و يتناسا مي شي حاجة مانعاه كيحس براسو بحال الى كيخون تقة شي حد مفهمش شعور لي حس بيه حاول مرة خرى يمشي مع ريحة لمياء متيرة ولكن والو كل ما كان كيقلب عليه هو ريحة ياسمين باغي ياسمين ماشي لمياء باغي طفلتو صغيرتو لي تكون تحتو و يخليها تبكي بلعنف يمتعها و تمتعو ما باغيش غيرها و بلا ما يزيد يفكر ناض من فوقها كيلبس سروالو و خرج من لبيت مخليها مصدومة لأبعد حدود مفهماتش اش وقع او بلأصح مرضاتش حسات بأنوتها تقاست رفضها هو دبا رمات عليها بينوار و خرجات معصبة ناحية لبيت لي حداها عرفاتو ايكون تماك حيت فيما كيتخاصمو كيجي ليه حلات لباب ولكن كان مسدود دقات ماجاها تا صوت عرفاتو ما ناويش احل ليه خبطات رجلها بغيض مرضاتش و رجعات لبيتها مخلياه هو ناعس على كرشو و خاشي وجهو فلمخدة مغمض عيني ماباغيش افكر باغي ينعس و غدا يخرج من هاد دار
✨اصبحنا و أصبح لملك لله✨ نهار جديد و أحدات جديدة جالس فبيروه خدام فلبيسي هز ليديه شاف ساعة كانت 3 لعشية ياله وصل غير ساعتاين دبا و مقادرش اركز كيحس بشي حاجة ناقصة شاف تاعيا هز تيلي ديالو و وقف خشاه فجيبو و خشا تا ليدو و تحرك بتبات عينيه كيقلبو عليها مبانتش ليه هبط لتحت قدر يلمحها واقفة مع حارسة لقديمة نطق ببرود بصوت عالي باش تسمعو صقر: نعيمة هي شافتو بحال الى تخوا عليها سطل لما باارد وسطو تلج شداتها سخفة ما عرفات ما دير من غير تقدم لعندو بخطوات بطيئة نطقات بتوتر: نعام اموسيو قدر المح توتر ديالها ولكن مهتمش كتافا غير ينطق بهدوء: جيبيها ليا بقات ساكتة مانطقاتش عينيها كيدورو مقدراتش تنطق ولا تشوف فيه على عكسو هو لي عينيه غير عليها كيتسناها تحرك وهي عاد ما لسقات نطق بجدية و عينيه مصغرين فيها صقر: دويت سرطات ريقها شافت فيه بتوتر و نطقات: ناعسة هي هز حاجبو باستغراب وقت ماشي ديال نعاس نطق ببرود: فيقيها تالبيت و تكمل نعاسها نطقات بزربة و هي كتقفقف ماعرفاش ردة فعل ديالو كيفاش اتكون: متقدرش صقر خرج ليديه ببرود من جيبو شاف فيها بجدية و نطق: اعدى حاجة عندي هي دخول و لخروج فلهضرة انسولك سؤال واحد نبغي جواب يكون صريح تفهمنا كتافات غير تحرك راسها بإيجاب نطق بتبات: ياسمين مالها نطقات نعيمة بندم و خوف: عند طبيبة على خلاها كملات لهضرة ديك ساعة تحرك بزربة شعور لخوف تسلل ليه لقلبو ماعرفش اوصف شعور ديالو من غير انه بصح خاف على ديك طفلة لي خلا هنا حل لباب و دخل عينيه كيشوفو فيها و غير قرب و لمح وجهها توسعو عينيه بصدمة ما متيقش اش كيشوف بمرة جاي ناوي يلقاها صافية مافيها تا بقعة باش فلخر يلقاها مزوقة هكا اه هو يزرقها و يفلعصها ولكن تحت جناحو مرتو ميخليش شي حد يزرقها و لا يحط ليدو عليها هز ليديه و حطها ليها على شعرها لي كيبان مخربق حيدو من على وجها باش يبانو علامات زرقاء كتر و جبهتها لي محلولة ليها كتم غضبو بصعوبة ملي لمحها حلات عينيها فيه بخوف مي دغيا تمحا داك لخوف و بانت لمعة حزن و براءة فيهم نطقات بصوت خافت و قدر يسمعها ياسمين: صقر سالات كلمتها و هبطات دمعة على خدها حس بقلبو تعصر لواحد درجة كبيرة اول مرة ميحملش اشوف دموعها كان بلعاني كيبغي يعاقبها باش يشوف دموعها لي كيعطيوها جمالية كيفكر بأنانية ولكن دبا لا كون لقا حس دموع يحيدو من عينيها نطق بنبرة حنينة بعد ما هبط باس ليها دمعة صقر: قولي ليا غير شكون نطقات بحزن كبير بعد ما حلات عينيها فيه: تعطلتي بزااف شاف فيها بهدوء و نطق بجدية: رتاحي دبا
يتبع ...✏️ قفراتها عويشة🙂
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
