سالات هضرتها و لاحتها و عفسات ليها على كرشها تا شهقات ياسمين و تأوهات بصوت خافت دموعها كانو على خدها شلال من ديما كتحس بدل و إهانة ولكن تال هاد درجة لا عمرها وصلات ليها ،كتشوف راسها ماعندها ما دير حالفاها فيها هاد مخلوقة، الى دوات شعرها و وجهها إطيرو كتبقا هي بوحدها تحاول تدوي و لا دافع على راسها ايدوروها بيناتهم و ماكاين لي يتسوق ليها كتبقا هي فلحبس ماشي فدارها لقوي ياكل ضعيف اللهم ترضى بلهم ،مسحات دموعها و ناضت متاجهة لبوطة بلا متشوف فيها نطقات عويشة مكشكشة: دبا توجدي لعشا و لقاه ناقصاه شي حاجة نتفاهم معاك سالات كلامها و مشات جلسات فكورسي حدا طبلة خلات ياسمين مسكينة مقهورة و حالتها حالة ولكن واخا هكاك كابرات و وجدات لعشا حطات ليهم تعشاو و مشات هي تنعس عالله تغمض عينها و تنسى شوية مرار عدابها
🌞أصبحنا و أصبح الملك لله🌞 حسات بشي ليد محطوطة ليها على شعرها لعسلي فاقت مخلوعة و لكن غير تلاقاو عينيها كحلين مع عينيها خضرين رتاحت ضورات عويناتها بانو ليها ماكينينش نطقات ياسمين: صباح الخير زينب بحنان: صباح نور ياسمين بتساؤل: فين مشاو واش كلهم عندهم زيارة نطقات زينب بنفي: لا راه طلبونا لساحة كلنا وقفات ياسمين بشوية و هي مدگدگة : علاش كيخليكم تخرجو زينب عوناتها و تمو غادين لحمام: اه راه كنخرجو تلاتة مرات فسيمانة نشوفو فيها شمس قولي نهار اه نهار لا نتي جيتي غير هادي يوماين داكشي لاش مزال ما صادفكش لوقت تخرجي ياسمين كتافات تحرك راسها غير بإيجاب و دخلات لحمام دوشات دغيا غير خوات عليها لما لبسات بيجامة من حوايج زينب حيت هي معندهاش لحوايج، اصلا شكون تسوق ليها راها غابرة و مابيناش وماكينش لي سول فيها نشفات شعرها و بدات كتجمع فيه واخا باقي سارد مستحيل تخليه مطلوق و هي شافتهم كيف كيشوفو فيه و محلفين عليه كان واصل ليها تال تحت ظهرها قوي و لونو عسلي ،لبسات سندالة ديال صباع و تمات خارجة هي و زينب بشوية حيت لعصا لي كلات هاد ليوماين ملي دخلات لحبس بزااف على صحتها طلعات نفس مزيان ملي شمات هواء نقي حلات عويناتها لكحلين فشمس تا دمعو ليها دبا عاد عرفات كفاش كيحس لواحد ملي كيكون محبوس تنهدات و تمات غادة بخطوات صغيرة ، دغيا وقفات ملي سمعاتها نطقات حارسة : ياله كلكم تستفو راه بدلو مديرة ديال سجن و هادي لي جات جديدة بغات تشوفكم ياله دغيا ديك ساعة كاع سجينات تستفو فجوج صفوفة واحد مقابل مع لاخور و بداو كيوشوشو خصوصا وحدة لي ماحملاتش لبلان و لي هي عويشة معروف عليها انها كانت راشية لمديرة لقديمة و گاع داكشي لي كانت كديرو فسجينات عمرها تحاسبات عليه ،ولكن دبا باين ليها مخططاتها مغاديش اكملو سكتو و تسمع صقيل ، تلفتو ناحية صوت لخطوات كولشي طل براسو تا حجبو على ياسمين رؤيا تنهدات و هبطات راسها حيت مافيها لي يتجبد معاهم و هي قصيرة قفزو كلهم و رجعو وقفو مقاد ملي سمعوها نطقات حارسة: اايييه انتظام كولشي شاف قدامو و غير صوت ديال خطوات لي كيتسمعو غادين و كيقربو شوية و تحبسو خطوات طلعو راسهم يشوفو فمقدمة صف و ديك ساعة كولشي شهق بصدمة حيت اول مرة توقع معاهم خصوصا عائشة(عويشة) لي قديمة كولشي توقعو تال هاد موقف مستحيل توقعو نهائيا ياسمين جاها فضول حولات عينيها ناحية لي كيشوفو دغيا توسعو عينيها ملي شافت أقدام ديال رجلين راجل كان لابس سباط بقات مطلعة راسها شوية بشوية، لمحات كوستوم لي مزير على لفورمة ديالو بشكل جداب ولكن غير شافت فوجهو توسعو عينيها بشكل كتر لا مستحيل كتشوف قدامها راجل عاقدهم و عينيه فيهم نظرة ديال جدية و لي صدمها فورمة و وجهو ديال شخص فأواخر عشرينات او تلاتيني ولكن من خلال شعرو لي كاسيه بعض شعيرات بيضاء و لحيتو لي بيضة فيها غير بعض زغيبات كحلين كدل على عكس و انه شخص اربعيني او خمسيني مافهمات والو متسوقاتش انهم قالو مديرة ماشي مدير قد ما تسوقات لشخصيتو و جادبيتو او بالأصح هي مولفة لي شافت فيه شيب راه شارف و عندو لكرش و صلع و غليييض مي دغيا طردات افكرها و قالت فدماغها : اقدر يكون شيب وراتي وسعات عينيها كتر و كملات كلامها: و انا مالي يكون شارف و لا صغير يااه عودات شافت فيه ملي حنحن و نطق بصوت رجولي فيه بحة خاصة خلا قلوب ميمات يتخطفو خصوصا عايشة لي حلات فمها و عينيها كيبريو المدير: السلام عليكم اكيد كتساؤلو شكون انا، انا هو المدير ديالكم جديد معنديش مع قوة لهضرة بزااف مي لي بغيت نقول ليكم عدم انتظام و كترات صداعات بلا والو ما عنديش معاهم و لي دارت شي حاجة كونو اكيدين اتعاقب عليها مفهوم طريقة باش كان كيدوي خلا شوية رعب اتسلل لسجينات كان كيدوي بنبرة قاسية كولشي هز راسو و نطق بمفهوم من غير الأخت لي كانت مزال ساهية وحادرة راسها، كتشوف طريقة ديال هضرة ديالو ما فاقت من صدمتها تا كيبانو ليها رجليه واقفين قدامها هو كيشوف كولشي جاوب تاليها هي لي كانت حادرة راسها كتبان ليه ممسوقاش و هو عدوه لي ميتسوقش تمشا بخطواتو رزينة تا وقف عليها نطق بنبرة امر المدير: كندوي مع حيط انا ياسمين سرطات ريقها بخوف معرفات ما دير هزات راسها ببطئ تا جات عينيها لبريئة فعينيه لحادة و غير من عينيها تقلعها هي ماشي ديال الحبس و جرائم نطقات بصوت خافت : ااا
يتبع...✏️ 👇زينب
Ups! Ten obraz nie jest zgodny z naszymi wytycznymi. Aby kontynuować, spróbuj go usunąć lub użyć innego.
