تنهدات و عينيها مركزين فعينيه نطقات بحزن: غير على قبل دارنا باسها فجبهتها بهدوء و بعد حط نيفو على نيفها كيستنشق ريحتها نطق بهدوء مفضل باش مايحرجهاش : نهار تبغي تشوفيهم يحضرو عندك و لا نديك عندهم صافي بتاسمات بحزن و قدر هو يلمح لحزن بدل لفرحة عرف كاين عاوتاني شي مشكيل بيناتهم ففضل ميدخلش نطق بجدية هاد لمرة و عينيه فعينيها صقر: ملي ندخل اي حاجة قلتها و لا تقالت ليك من احسن ماتنطقيش صافي عرفات لي تابعها ماشي ساهل هزات راسها بايجاب بعد ما ميلات راسها قرب ليها و حط شفايفو على شفايفها كيقبل فيهم بحال الى كياخد جرعة ديال صبر و هدوء من عندها حيت ايحتاجها بزااف ،بعد على شفايفها كينهج و هي هكاك نطق ببرود خلا قلبها يرجف صقر: وجدي راسك فأي لحظة للعقاب خرجات عينيها و فمها، مصدومة عرفات راسها مامنو هروب مشات فيها كان منظر ديالها كيضحك بتاسم ابتسامة خفيفة و بعدها عليه رجعها لبلاصتها نطق بهدوء: نزلي ابنتي نزل هو و تاهيا نزلت بعد ما لبسات سندالتها صيبات لبسها و هزات راسها كتكمل تبرگيگها حسات بليديه محاوطة خصرها و تمشاو داخلين لقصر و بزااف اسئلة كيراودو راسها دخلو بانو ليه مجموعين كيف ديما فصالة كولشي كاين لمياء الحاجة و اديب امين و تا من زينب كانو كيشربو القهوة مجموعين باغين يستفسرو شكون هاديك لي مع امين تاهوا معطاهمش راس لخيط قال ليهم ضيفة ،كلهم هزو راسهم ملي سمعو صوت خطوات بان ليهم داخل وهو محاوط خصر وحدة خرى كولشي كيشوف باستغراب من غير امين و زينب لمياء قلبها بدا كيضرب بعنف نطقات باستهزاء محاولة منها تنفي هادشي لي فبالها : امم شفت ليوما كولشي جايب معاه ضيفة سكتات شوية و كملات: شكون هاد ضيفة احبيبي ياسمين عضات شفايفها كاتمة غصة لي فحلقها و فقلبها ملي سمعاتها كتنعتو بحبيبي ضرها خاطرها خصوصا انها كتشوفها زوينة بلا قياس و هنا راسها طرح عليها سؤال علاش خلاها واخا راها نعمة انوتة نطق بهدوء كيف ديما و برود بعد ما كان وصل عندهم: هادي ماشي ضيفة اديب كيشوف فيها بتساؤل كيحس براسو شايفها فشي بلاصة و ديك ساعة تفكر فين مي لي خالعو طريقة لي كان شاد فيها باباه و هديك شادة عارفها مزيان كتعني لباباه انها شي حاجة من ممتلكاتو: ماشي ضيفة؟ نطق صقر ببرود : هادي مرتي تسمعات شهقة فصالون وقفو كلهم من غير امين و زينب و لحاجة لي مشلولة هاد اخيرة نيت لي نطقات بتوتر حاجة: ولدي اش كتقول نطق صقر بنفس برود لي كيقتل: كيف سمعتو اميمتي نطق اديب مصدوم باباه مزوج و جايب ضرة على ماماه و من لفوق صغيرة بزاااف تقدر تكون قدو شكون عرف : لواليد واش شي نكتة جديدة هادي نطقات لمياء معصبة كترعد : كفااش مرتك واش كضحك عليا اصقر هو مبرد على اخر امين و زينب لي كيشوفو فين ايخرجهم هادشي ياسمين لي قلبها كيضرب ماحملاتش راسها جاب ليها الله انها ادمر عائلة على قدها ما عرفاش ان ديك عائلة مدمرة من شحال هادي تقدمات لمياء لعندهم و بلا سابق إندار صرفقات ياسمين خلات اتار ديال صبعها على حنكها كولشي شهق من منظر نطقات بغيض: تلويتي عليه اللفعة اشفارة ديال رجال دوي ياله اتهز ليدها تجمعها معاها تا شدها من ليديها مورك عليها و عينيه كيخرجو شرار كيفاش قدرات تقيسها ماشي من حقها هو لوحيد لي من حقو يخلي لحمها فيه اتار ديال ملكيتو شكون تكون باش تقيس ليه بنت قلبو ،طلق من ليديها و جمعها معاها بتصرفيقة تا رعفات ماعمرو كان كيستقوى على نسا مي جبداتو و جبدات شيطان كون صرفقاتو هو يقول ليها من حقكك واخة داك لحق مبقاش من شحااال هادي مي ماشي من حقها تقيس بنتو هز صبعو على وجهها كيشوف فيها شادة حنكها و مخرجة عينيها مصدومة نطق بصوت زلزل لقصر صقر: اخر مرة تقربي ليها سمعتي جهد فصوتو و نطق: ماشي غير نتي هاد الهضرة ليكم كلكم سمعتو هي خط احمر سالا هضرتو خلاهم كيشوفو و شخص واحد لي ضارو قلبو بين هاد حضور كلو هو اديب كيشوف فمو كتهان و معندو مايدير تاحد ميقبل انه يشوف واليديه مخاصمين و لا مفارقين و هادشي لي وقع لاديب اما تا لمياء فراه همها لوحيد انها خايفة على سمعتها وان شي وحدة خرى ولات كتحمل سمية ديال راجلها هادشي لي همها حيت قلب ماعندهاش كيهمها غير تلبس و تخرج و تشري و تبان على صحاباتها صافي اما الحاجة فراه كانت عارفة مزيان ان هاد نهار غادي يجي واخا يوقع لي وقع حيت بليديها زوجاتو بوحدة ما باغيهاش و خصوصا من بعد داك مشكيل لي وقع كون ما هي كون طلقها و لا رماها شلا هدا ،امين غير مصدوم علاش مايتصدمش و هو كيلمح شرار خارج من عينين خوه و ماشي اي شرار هادي شرارة لحب عرفو كيبغيها و طايح فيها نطقات لمياء و هي كتشوف فياسمين: اندمك كنحلف ليك تا غادي تندمي سالات هضرتها و طلعات لفوق تا اديب خرج مفضل ينساحب بقاو 5 اشخاص فصالون ،مسح صقر على وجهو معصب لواحد درجة لي كبيرة كولشي شافو فيها ملي سمعوها نطقات الحاجة: اجي امرت لغالي نشوفك اجي بتاسم فوسط احزانو ميمتو لي ليه فهاد دنيا يقتل على قبلها شاف فياسمين لي كتشوف فيه بتساؤل اومأ ليها ديك ساعة مشات لعندها جلسات حداها كتشوف فهاد مرأة لي قدامها كتبان فيها ضريفة بلا قياس حسات بليديها كيدوزو على شعرها نطقات بهدوء و حنية الحاجة: مشاء الله اش سميتك ابنتي نطقات ياسمين بنفس نبرتها لهادئة: ياسمين اميمتي
يتبع...✏️ صرفقها يا خوتي 💃🔥 لمياء👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
