نطق اديب لي طول لمدة و هو ساكت باقي مصدوم: انا شفت اش وقع تلفتو ليه كيشوفو فيه بتساؤل تنهد و وهو كيشوف فصقر و نطق: واليد انا شفت اش وقع و هي راه طاحت من دروج كنت واقف قدام الكوزينة و بانت ليا ماجيت فين نوصل لعندها تاكانت وصلات لتحت تنهد صقر و هو كيحس بقلبو ضارو: خاصها ترد لبال نطق اديب مقاطعو و صوت باين فيه توتر: لواليدة لي دفعاتها شاف فيهم كيشوفو فيه بصدمة كمل كلامو: مطاحتش بوحدها شفتها ملي دفعاتها صقر عروقا ديال ليديه و جبينو برزو لواحد درجة مكتصورش عينيه حمارو كتر عض على شفايفو و نطق: لمياااء خلاهم و تم غادي خارج من كنينيك تبعو اديب كيجري و تا امين بان ليهم مضارب مع لوطو ديال امين احلها حيت ماعندوش ساروت بدا كيضرب فيها و كيشتم بان ليه امين جا لعندو كيجري نطق بغضب واضح : طلق سارووت دغيا امين حل ليه لوطو و عطاه ساروت ركبو قبل منو باش مايهربش عليهم غادي مكسيري ماكيشوف والو من غير صورة مرتو فديك لحالة و ماكيسمع والو من غير جملة" لواليدة لي دفعاتها" وصل لقصر هبط من لوطو و تم داخل و هما تابعينو بانت ليه جالسة هي و زينب و و الحاجة لي هاد اخيرة غير شافتو نطقات الحاجة: ولدي كيف بقات بنتي هما شافوه داخل وقفو كولهم كيشوفو فحالتو كيف دايرة تملكهم الخوف خصوصا لمياء مي كتحمد الله حيت معندو منين يعرف ولكن قلبها كان ايسكت ملي تلاح عليها بتصرفيقة تا طاحت و دم نزل ليها من نيفها مكفاهش هادشي هزها و شدها من عنقها كيخنق فيها ماكيسمع لوالو عينيه تعماو و هي بين ليديه كتقفقف و نفس غادا و كتحبس فيها و هما كلهم كيغوتو و كيحاولو معاه مي والو عينيه معميين كيشوف غير صغيرتو و محبوبتو فديك لحالة طلقها ملي حس بأمين عطاه كروشي لكرش باش يفيق هز عينيه لحمرين فيها كتبان ليه كتفتف هزها من شعرها كيطلعها لعندو تا وقفات و شعرها بين ليديه كيزير عليها نطق بغضب واضح و صوت عاالي صقر: حدرتك لمرة لولة قلت ليك فرقيها عليك هي وولدي مي نتي اش درتي قتلتيه شهقات زينب و الحاجة هاد اخيرة لي غمضات عينيها و دازت دمعة منهم عرفات راسها مغاديش تقدر تعتقها صرفقها تا طاحت هز صبعو عليها و نطق: عيييت و انا كنسمح ليك على اغلاط عيت و انا كنحاول نغمض عيني من نهار تزوجنا كنقول غادي ديري عقلك صقر نعل شيطان راه بنت خالتك نهار الحاجة بغات تزوجك ليا قلت نغمض عيني حيت اتكوني متفاهمة معاها هي بعدا و انا من بعد نبغيك مي نتي لا تزوجتي بينتي ليها وجهك لحقيقي حاولتي تقتليها و نتي سبابها فشلل لي جاها تاهيا لحتيها من دروج كولشي شهق هنا اديب جلس صافي بدات كتبان ليه حقيقة مو و خبت ديالها نطق صقر مكمل كلامو: كنت انطلقك حيت كولشي نصبر عليه تال الحاجة مي نتي عاودتي لعبتيها و تلويتي عليها عرفتيها متقدرش تسمح فحفيدها و هددتيها تهربي عرفتيها كتشوفني متعلق بيه تاهيا خيراتني بين سخط و رضى باش نبقا معاك تانا بقيت مزوج بيك واخا طجيت من هاد دار بسبابك وليت كنجي نشوفهم غير هما و نخرج و مشكيلة كون غير بغيتيني نقدر نشفع عليك ولكن نتي باغا غير لفلوس كيهمك غير تلبسي و تباني على صحباتك و كنت ساكت ليك مي تال مرتي و ولدي و حبسي تجاوزتي حدودك بزااف و نبغي نبشرك هنا فاض كاسك و ليوما توصلك براتك و تخرجي عليا من هاد دار تلاحت لمياء على رجليه كتبكي و طلب: لا عافاك اصقر مديرش فيا هكا خليني معاكم مبقيت ندير تا مشكيل عافاك انا بنت خالتك مديرش هكا دفعها و نطق: و حيت بنت خالتي مغاديش ندخلك لحبس تعفني غادي نطلقك و درگي عليا وجهك وقفها و نطق بحقد: دبا طلعي جمعي حوايجك ولا نبدل رأي ديالي و نخرجك بلا والو ديك ساعة طلق منها و مشا خرج لعند واحد گارد و نطق : اتخرج لعندك انسة لمياء ديها لبرطمة لي كاينة فتطوان سمعتي كارد نطق حادر راسو: واخا اسيدي خلاه و خرج غادي ناحية لوطو هو عن قصد باغي يبعدها على كازا مابقاش حامل سيرتها و ماغاديش انساها كتبقا مامات ولدو شهريتها توصلها تال نهار اسيق ليها لخبار خدمات عاد يشوف اش يدير معاها لداخل واقفة كتفتف عينيها حمرين كتشوف گاع داكشي لي بنات ضاع كانت كتقول يوقع لي يوقع عمرو يخليها و لكن دبا ضمر كولشي بان ليها غير ولدها مشات كتجري لعندو كتعنق فيه نطقات بحزم: حبيبي انا هادشي كلو درتو على قبلك تيق بيا بعدات منو و نطقات و هي شادا ليه وجهو بين ليديها: هضر مع باباك ميطلقنيش عافاك احبيبي راه غادي نتشتتو بعدها اديب و عينيه مغرغرين وقف و نطق بلا مايشوف فيها: داك لولد ديال 8 سنين و لي تقدري تأتري فيه مابقاش فابلا ماتحاولي بدات كترعد مامتيقاش تامن ولدها متسوقش ليها شاف فيها وكمل كلامو: من احسن تجمعي حوايجك على اقل دي معاك لحوايج خلاها و مشا هي صافي مبقا ليها والو كتشوف كولشي انساحب شافت فالحاجة لي نطقات قبل ماتنساحب تاهيا الحاجة: هاد لمرة ماغاديش نفيدك و نقدر نعتقك فعايلك دارتها ليك ألمياء خلاتها و مشات ديك ساعة طلعات لمياء كتجمع حوايجها و اي حاجة فيها تمن جمعاتها هي ماشي مسطية دير فيها عزة نفسي و تخلي هاد تروات راه غير لبسة وحدة عندها كتساوي لملاين
يتبع...✏️ فرحو تفرگعات رمانة 🤦 اوى يا البنات غدا النهاية فنظاركم ياسمين اش غتكون ردة فعل ديالها ملي تفيق ياله بونوي💋♥️ ياسمين👇
¡Ay! Esta imagen no sigue nuestras pautas de contenido. Para continuar la publicación, intente quitarla o subir otra.
