بتاسمات ببراءة و فرحة كان عارف انها كتحاول تقولها ليه مي مقدراتش وهو راجل و راجل هو لكلمة قال ليها فلوس ايوصلو لداركم هيا يوصلو نزل عينيه لحناكها لي تهزو ملي ضحكات هبط نيفو كيتحسسو باسها بحنان بعد و نطق : نوضي جمعي داكشي لي ايخصك ابنتي وقفات و قلبها كيضرب بجهد حنان باش باسها قدر يوصلها مافهماتش سبب هاد حنان جاها إحساس غريب جمعات بيجامات و هي ساهية هزات غير طوال كتحاول تبعد من قصار على حساب عايشة ماحاملاش ترجع لزنزانة و لعداب مي اش عندها ما دير تنهدات ، قفزات ملي سمعاتو نطق صقر: هديك بلاش شافت اش هازة فليديها كانت هازة كسوة بلا سماطي حد لفخاض كتافات تحرك ليه راسها بإيجاب و تحطها كانت ناوية تنعس فيها و لكن معندها مادير شافت فيه و نطقات بعد ما سدات ساك: صافي نمشي وقف و تمشا ناحية ديالها شدها من خصرها و قربها ليه هبط راسو لعنقها كيشم فيه و يقبل بهدوء جاها فشكل مامولفاش ليه بمرة بعد من عنقها و طلع لفمها كيبوسها و يعاود ختم قبلتو بعضة خفيفة بعد منها و نطق : سيري دبا سرطات ريقها و حناكها حمرين تلفتات تحنات هزات ساكها دغيا قفزات و وقفات ملي حسات بيه جمعها معاها حطات ليديها على طر*متها كتبرد فدقة جمع ليها شعرها و بعد شافت فيه بإبتسامة مسخاتش بيه بمرة ضارت خرجات من لبيت و تمات غادة ناحية دروج مخلياه كيحك فراسو كيحس بشي حاجة فشكل واحد إحساس جاه ماعرفش افسرو وقفات قدام زنزانة شافتها نعيمة و باستها فحنكها: على سلامة هاد لمرة طولتي لغيبة بتاسمات ياسمين و نطقات: الله اسلمك هاني معاك دبا بتاسمات ليها و حلات ليها لباب تماشات داخلة بانو ليها كيتعشاو غير شافتها زينب ناضت تجري تلاحت عليها و هي توعت تا تأوهات زينب نطقات ببراءة: ياختي توحشتك بتاسمات ليها ياسمين و نطقات بحنان: تانا وقفات عايشة و شافت فيها بغضب و نطقات: فين بسلامة ياله اتنطق ياسمين قطعاتها نعيمة: كانت معاقبة ضحكات عايشة بجهد: بصحتك متسوقاتش ليها ياسمين وتمشات فبلاصتها نعسات و جلسات حداها زينب شافت فساكها و نطقات : منين جاوك بتاسمات ياسمين: جابهم ليا لا عجباتك شي حاجة خوديها بتاسمات ليها زينب و بدات كتقلب و هي فلمقابل تنهدات و نعسات كتحس بألم فصدرها كلمة ديال لواليد و ان عندو ولد بغات تصطيها بقا فيها لحال مجهد مي ماعندها مادير فأخير كتبقا عاهرة ديالو لا غير
دازت كتر من سيمانة دازت عليها عداااب ما حيلتها ليه هو لي طووول هاد مدة و هو غايب قال ليها سيمانة ولكن دبا دازت 10 يام ما بان و لا سول و من جيهة لاخرى كاينة عايشة لي مدوزة عليها عداب ماخلات ما دوزات عليها تا قالت لحمي رجع بيض مي عايشة كانت ليها بلميرصاد مخلات ما دوزات عليها عداب صافي تنهدات بحزن ناضت من فوق صابون غسلات ليديها و دخلات طواليط قدات غراضها خرجات و شهقات بصدمة بانو ليها حوايج عايشة كلهم كحلين ما فهمات والو بدات كتبكي و تعاود تصبن داكشي والو متحيدش ماعرفتش تا شنو داكشي ولا اشنو وصلو لحوايج، تنهدات بألم ملي حسات بشي حد جرها من شعرها كانت عايشة لي أصلا هي لي دارت هكا خبطات ليها راسها مع حيط تا تجرح ليها و نطقات بغيض عايشة: اش هاد لحالة درتي ليا فحوايجي تلاحت عليها كتصرفق و تعاود عطاتها لعين تا زراقت ليها غوتات ياسمين بألم حسات بلحگرة بجهد ولات موت لي كطلب فهاد لحظة زينب سمعات غوات فاقت من نعاس كانت 12 ليل واخا هكاك كانت عايشة منوضاها كتصبن جات زينب كتجري بغات دخل كانو حابسينها لبنات لي مع عايشة معرفات مدير من غير طلبهم ولكن والو عيات كتحاول دفعهم باش دخل ولكن كانو كتار و صحاح منها ،غير لمحات عايشة اش كدير و ياسمين لي غوتات بألم كبييير و كطلب فيها خرجات عينيها و وقفات جامدة مشات تجري لجيهة لباب كدق على نعيمة لي تاهيا ناعسة و هادوك لبنات كيحاولو يدخلوها و يحبسوها ولكن لحسن حظها نعيمة حلات لباب غير لمحات وجه زينب عرفات ان ياسمين فخطر بحال ديما دخلات كتجري ولكن تاهيا وقفات كتشهق ملي بانت ليها عايشة اش كدير ياسمين لي غير سمعات صوت زينب تلفتات ليها كتستنجد منها و دغيا غوتات بألم ملي حسات بعايشة شادا ليها طرف فوقاني من شعرها و ليديها فيها زيزوار راه اكتر حاجة كتستفزها فياسمين هي شعرها بدات كضرب ليها فشعرها من طرف فوقاني كضرب بعشوائية جاب الله زيزوار حافي عدبها ،واخا هكاك هادشي مخلاش شعرها ينفد من عايشة بدات كطلب و ترغب مي شكون سمع ليها ياسمين: عاافاااك شعري لا نبوس ليك راسك شعري لا بابا عافاااك اجي عتقني نطقات عايشة بغيض بعد ما تعصبات: لمك نرجعك قرعة غير بلاتي لاحت زيزوار ملي عصباتها شدات شعرها بدات كتجر فيه بسنانها مهم يتقطع و ربي كبير مي دغيا بعدات و جات طايحة ملي حسات بشي حد دفعها كانت نعيمة مشات ليها هزات ليديها تال سما و عطاتها لحنك متحكماتش فأعصابها بقات كتركل كتركل تبرد حر عافية لي شعلات فيها ملي شافت ياسمين بلا حنين و لا رحيم ،بعدات منها دفلات عليها و مشات لعند ياسمين لي فقدات لوعي خلات عايشة كتحلف عليها
يتبع ..✏️ تخيلو تموت 🙂هانتوما البنات راه فنيد ماشي بضرورة كل مرة راه نقول ليكم شرباتو راه مهما و انها معاه داخل لحبس راه اتشربو ♥️ 👇زينب
Oops! This image does not follow our content guidelines. To continue publishing, please remove it or upload a different image.
