خلا من موراه اخت محطمة من كل جيهات زينب غير حاطة ليديها على فمها و كتبكي كتشوف صاحبتها فين عايشة كتقول سعداتي انا يتيمة و ماشي بحالها ياسمين فيقها من سهوتها غير تصرفيقة لي نزلات عليها حليمة بيها حليمة كتنطق بشرار خارج من عينيها: هادشي لي بغيتي اش دخلك فينا هزي وسخك و سيري شوفي فين تمشي مابقيت گاع انقدر نهز وجهي قدام ناس لي داز من حدايا كينعتني بمامات القح*بة نهار قلتها ليك قلت اديري نفس فراسك و غادي تهزي راسك و تمشي تهزي رجليك فقنات و تغبري كمارتك فلوسك لي يوصلوني ملي درتيها فلول فرحت قلت بعدا واكلين شاربين و ناس ماسايقين لينا لخبار تا كتجي بشوهتك اش جابك كون بقيتي غارقة فشي جايحة نطقات ياسمين مدمرة لأقصى درجة كتحاول تجمع لحروف لي هربو بقوة الصدمة: واش انا بنتك بصح و لا لا غير قولي ليا اشمن ام نتي ناس كيغبرو على واليديهم كيقلبو عليهم دنيا انا وسط الحبس و كنتسنى فيك تجي لعندي مي نتي فرحانة برى انا وسط الحبس و كنخمم ليكم باش عايشين جايا و كنقول ميمتي اتكون مخلوعة عليا تا كلقاك مامسوقاش و كون لقيتيني غير نبقا تماك مارجعش علاش هادشي علاش راني بشار على اقل لا كانت ناس كلها ضدي فنتي ماما خصك تكوني جنبي واخا ماتكونيش نتي سبابي، ويا حسرة نتي سباب باش قلتي ليا فلانا سيري حلي رجليك خاصك تكوني راضية عليا واخا راني غادة فطريق لحرام قطعاتها حليمة ببرود بحال ماشي بنتها لي قدامها: هادشي كلو لي كتقولي ماكيهمنيش لي كنعرف دبا اتخرجي عليا من هاد دار و لفلوس كل شهر يوصلوني مانعرفك منين جبتيهم مهم انا لفلوس يكونو عندي و لا غادي نسخط عليك نطقات ياسمين و هي مخرجة عينيها: سخطك مابقاش هامني احليمة و هاد دار راه دار بابا ماخارجاش منها انبقا فيها بغيتي تخرجي نتي ها طريق و الله ماغادي نحبسك بغيتي تبقاي بقاي واكلة شاربة ناعسة لابسة مايخصك معايا خير و لكن باش تحلمي اني نخرج فاكوني هانية الى مشيت تا خرجت من هاد دار فوالله مانعقل عليك ريال ماتوصلك و لا بغيتي سخط غير سخطيه هداك لي كنت دايرة بحسابو و ماباغاش نطيح وجهو لأرض راه مات و دفنتو تحت تراب و دبا ما بقا هامني حد واخا نتعرى فزنقة لاحت ليها هاد لكلمات و خرجات من لبيت و من دار كلها كتبكي و تقول ما بقيت غادا و ماهياش هنا و تا من زينب لي موراها كتعيط ليها گعما مسوقة ليها او نقولو گعما سمعاتها ما وقفات تال قدام لبحر كان خاوي ديك ساعة حيت كان صباح جلسات فوق لحجر و دارت راسها وسط رجليها تبكي و تقول مابقيت حسات بشي حد جلس حداها مادواتش بقات غير تبكي و كتسمع تاهيا شي حد كيبكي هزات راسها لي مزنگ و عينيها حمرين بانت ليها زينب حالتها ماشي قل منها نطقات بحزن و صوت باح: مالكي نتيا اش بكاك تلاحت عليها زينب معنقاها و كتبكي نطقات بحزن و صوت مخنوق: سعداتي حيت معنديش عائلة اول مرة نفرح حيت انا يتيمة كون كنت انا فبلاصتك و الله تا نقتل راسي ملي يموت بابا مانتسناش من موراه شي نهار بعدات عليها و شدات ليها وجهها بين ليديها كتمسح ليها دموع نطقات بحنان: انا ختك قلتها ليك داك نهار تموتي نتي نموت انا تعيشي نتي نعيش انا ماديريش فبالك انا ديما انكون معاك و مانخليك تحتاجي والو و الله و عافاك ماتهزيش فخاطرك من ديك لهضرة نطقات ياسمين بصوت باهت و حزين: راها ماما ازينب هادشي لي قاتلني ماما باغا ليا شر و ماهاماهاش انا هامها غير لفلوس ،ماما ازينب هي لي قالت ليا خرجي طريق، ماما علامن انا دايرة هادشي كلو غير باش نحط عليها راسي و لقا حنانها ،لاكانو ناس كلهم كيشوفوني مسخة خاصها هي تشوفني نقية هادشي لي حارقني ازينب نطقات زينب بصوت حنين : كلهم كيشوفوك مسخة ولكن انا عارفاك نقية و تا ربي شايف كلشي لحرام ماقربتيش ليه سمعتي حركات راسها ياسمين بإيجاب مافيها لي يدوي صافي جهدها تقادا بالمزيان تلفتات ناحية لبحر تا سمعات شهقة من فم زينب تلفتات لعندها بانت ليها حاطة ليديها على فمها و مخرجة عينيها نطقات بتساؤل و ليديها صغار كيمسحو دموعها: مالكي نطقات زينب مبعدة ليديها من فمها: مال عنقك شكون دار ليك هكا ياسمين حطات ليديها على عنقها مستغربة ولكن دغيا فهمات اش واقع شافت فيها بانت ليها مصغرة عينيها و ميلة راسها هاد حركة بضبط خداتها من عند ياسمين بلاتها بيها نطقات بتساؤل زينب: واش هو و فعز دموعها بتاسمات ببراءة بدات كتلعب بصباعها و عينيها لكحلين فعينين زينب نطقات بأمل و حب : مطلقنيش ازينب زينب بؤبؤ ديال عينيها وساعو تصدمات: حلفي بالله شوية شوية بدات كتبتاسم نطقات مكملة هضرتها: دبا عاودي ليا اش وقع ياسمين بقات محتافضة على ابتسامة ديالها و نطقات بحب عينيها كيبريو بقوة دموع و لفرحة: اش غايوقع والو حدو عاقبني حيت خدامة تماك و قال ليا راه مطلقناش و وصاني منرجعش لديك لبلاصة شافت فزينب و كملات كلامها: مامطرينش نرجعو لخدمة صافي لفلوس لي على قبلهم نخدمو راه عندي صافي حسات بليدين زينب فوق ليديها نطقات بحزن: نتي اياسمين ماشي مجبرة على هادشي انا انخدم و نضبر على لفلوس منقدرش نخليك معدبة غير بوحدك
يتبع...✏️ بعض المرات كتلقى براني فيهم المحنة على عائلة وهادشي لي واقع بين زينب و ياسمين🙄
Oops! This image does not follow our content guidelines. To continue publishing, please remove it or upload a different image.
