صدمة قدر يلمحها فوجه ياسمين لي حالة عينيها على وسعها فأديب و كتأكد واش بصح سمعات مزيان واش ولدو هداك طلعاتو و نزلاتو كيبان كبير ماشي صغير سرطات ريقها كتر ملي جات عينيها فهداك لي كان ملاحظ وجودها ملي دخلو لبيرو كيطلعها و يهبطها مزيان بملامح تساؤل و نفس ملامح ولاو فوجه اديب تاهي صغرات عينيها و ميلات راسها كتحقق فيه جابت ليه ضحكة كان لابس سورڤيط فلكحل شافت فلملامح ديالو مزيان كان شهب و لحية خفيفة مزينة وجهو عطاتو وسامة حققات فأديب بان ليها تاهو كيشبه ليه خرجات عينيها كتر ملي طاحت فبالها انه ممكن خوت ادن ملي هداك صغير ولد موسيو صقر ادن تاهدا ولدو سرطات ريقها و قفزات ملي سمعاتو نطق بنبرة باين فيها لغضب واخا ملامح ديالو باردة صقر: خرجي برى طول لوقت و هو ملاحظها كيفاش كتشوف بعويناتها لكحلين فيهم ولكن لي عصبو كتر نظرات ديال شخص لي حدا ولدو شاف فيها عض شفايفو ملي شاف لبسها عاد طلعات معاه ،راه كيبقا راجل شرقي و ماغاديش ابغي لحم مرتو يبان واخا زواج ماشي حقيقي رمشات بزربة تلفتات ناحية فوطوي كتقلب على سندالتها لقاتها مقلوبة و من غبائها تحنات تا كوزات لهدوك جوج قلباتها و لبساتها دغيا و رجعات ضارت لقات شخص لي حدا ولدو مخرج فيها عينو ببلاهة و من توتر لموقف تبسمات بغباء و تمات خارجة دازت من حداه و قدر يلمح زروقية لحمها و شفايفها لي مجروحين تلفت ناحية صقر بان ليه فشكل ملامحو مابقاتش باردة شي حاجة فشكل، قدر يلمح لغضب لي باين من عينيه و هو كيشوف فيها و فيه بتاسم بجنب فمو و نطق قبل ما تخرج ...: احح تيتيز كاين فمكتب لخوادري صقر طفح ليه لكيل كيحس بنار شاعلة فيه شاف فيه واحد شوفة لي اول مرة يديرها فخوه رجع شاف ناحية ياسمين لقاها كتشوف فخوه و ميلات راسها هاد لحركة بضبط كتجننو هو مي هي دبا دارتها لخوه ادن تا خوه ايتجنن نطق بنفاد صبر و لأول مرة ايخسر لهضرة قدامها او قدام ولدو صقر: يااااسميييين قو*دييي قفزات عينيها خرجو بصدمة فيه ماعوداتهاش معاه ديك ساعة خرجات كتجري كتقلب على نعيمة ملقاتهاش مشات لغرفتو سدات لباب و تكات عليه كتقفقف نطقات بصوت فيه لبكية: اش درت انايا لاش غوت عليا واش قفرتها اووف صافي هي مشيت فيها سكتات شوية و خبطات راسها: قال ليا تحركي كان عليا نتحرك لاش بقيت لاش تمشات ناحية لمراية جلسات كتشوف فشفايفها لي مجروحين نطقات بحزن شديد: عندو ولد ادن مزوج واش كبر مني ولدو سكتات شوية و لكن دغيا بتاسمات و نطقات بفرحة: مي لاخور خوه ماشي ولدو تنهدات ناضت فوق ناموسية تكات على جنبها ما كاملة تا 5 دقايق و مشات غفات
عندو هو لي وقف بهدوء وتمشا ناحية ديالهم وقف قدام خوه كيشوف فيه نطق ببرود: اش كدير هنا نطق اديب بزربة: راه ماشي انا تا جا وقف عليا قال ليا ياله عند باك صقر ماحيدش عينو من خوه نطق بجدية: امييين بتاسم امين ملي لمح جرحة لي فشفايفو نطق بتساؤل: شكون هاد ياسمين عينيه فعينين صقر و قدر يلمح ديك شعلة لي فعينيه عرف شي حاجة ما زگياش تماك بقا محافض على نفس ابتسامة مي دغيا توسعات ملي شافو عطاه بضهر منخلو راجع لبيرو نطق معصبو و ربي كبير: اديب تيتيزة هاد ختنا اديب نطق تاهو من نيتو: صراحة بجهد اشكال انها كتبان قدي كون غير صغر مني منضيعهاش نطق صقر لي جلس فبلاصتو و شعل گارو كينتر منو ببرود: كبر منك تحركو تاهما ناحية لبيرو و نطق امين بنبرة لعوبة: ولكن صغر مني انا قدر يلمح عروقو لي تشنجو كيتسناه اجاوب مي مجاوبوش نطق صقر ببرود: واليدة صافا امين تقاد فلجلسة و نطق بإبتسامة لي مكتخطاش وجهو: بيخير عليها سكت شوية و كمل كلامو: علاش ما قلتيش ليا جاي نطق صقر ببرود: جاي لخدمة ماشي عطلة امين نطق بإبتسامة: و خوك انا متوحشتينيش صقر بتاسم ابتسامة خفيفة و نطق: ضارب بيك لعقد انا نطق اديب ببراءة: و تا هاديك لي ضارب بيها لعقد ما دات لا حق لا باطل بقا غير نت للحظة طاحت صورة ديال ياسمين فبالو عواض مرتو لي داوين عليها كتافا بصمت بلا مايجاوبو نطق امين محاول يغير موضوع: اوى هو هدا ملي شفناك وقف امين و تبعو اديب شاف فيهم صقر بجدية و نطق: اتمشي امين نطق بمزاح : اتوحشني طفا صقر گاروه و نطق: راه لباب شفتيه نطق امين و هو غادي لباب: شفتو شفتو كون هاني و ياله ايحل لباب حس بليديه على كتفو تلفت ليه و نطق و هو كيشوف فيه: كنت عارفك متخلينيش نخرج بلا ماديرها بتاسم صقر و جرو عندو معنقو عناق رجولي راه ماشي غير خوه راه حاسبو ولدو و صاحبو تربية يدو نطق اديب بنبرة مزاح: فعمرك 34 و كتعنق فيه من نيتك بعد امين من صقر خربق ليه شعرو و نطق : عرفناك غرتي سالا هضرتو شاف فصقر و نطق بمزاح: كنت ناوي منرجعش هنا مي دبا كون متأكد ارجع على قبل ديك تيتيزة و قبل مايجاوبو جر اديب و خرجو من لباب خلاه مزير على قبضة ليديه بغا اتحرك ولكن تراجع ملي بان ليه طل عليه و نطق بجدية بعيدة عن مزاح امين: مزال انرجع و ندويو باش نعرف شكون هي
يتبع ....✏️ 👇امين
Oops! This image does not follow our content guidelines. To continue publishing, please remove it or upload a different image.
