حل لباب ديال لبيت كيبان ليه صقيل تمشى بهدوء و عينيه كيقلبو عليها سمع لحس فدريسينغ جلس فوق ناموسية مفرق رجليها وحاط ليديه مشابكين عليهم كيتسناها تخرج باش يدويو مكدباتش ملي قالت نت لي غادي تندم ،وسع عينيه كتر ملي بانت ليه خارجة لابسة حوايجها و جارة من موراها ڤاليز ديالها كيحاول يفهم اش واقع هي بالمقابل شافت فيه عينيها حمرين بالبكا مدواتش و تمات غادة تا كتحس بالڤاليز تنترات من ليديها و هي تخبطات مع لحيط هزات عويناتها باش تشوفو واقف مكاليها مع لحيط و عينيه ماكيبشروش بالخير نطق بصوت هادئ عكس ما هو عليه دبا صقر: فين غادة ياسمين تنهدات و نطقات بهدوء: بحالاتي بلاصتي ماشي معاكم تأوهات بألم ملي حسات بيه زير ليها على ليدها نطق بشرار و جدية: بلاصتك معاها و حدايا كتسمعي من نهار تكتبات سميتك حدا سميتي، اتبقاي معايا تال نهار تموتي و لا نموت عضات على شفايفها بحزن و شافت فيه بنظرة انكسار تمنى يموت و مايشوفهاش نطقات بصوت خافت و حزين: عرفتي نتايا بهاد تصرف لي درتي لتحت اش بينتي ليا شافت فعينيه نيشان و نطقات: انك عمرك ادير ليا قيمة قدام مرتك لولة نهار تحضر هي، انا قيمتي والو قدامها سكتات شوية و كملات كلامها: ماحولتيش تسولني تا علاش تصرفت هكاك واخا عارفني منقدرش نتصرف هكاك بلا دافع قوي مي نت لا اول فرصة ليك هنتيني قدامها انا سمحت فكرامتي بزااف مي تال هاد نقطة و حبس منقدرش نزيد نكمل معاك شافت فعينيه بجدية و نطقات: بغيت نطلق و ولدك نهار نولدو مغاديش نحرمو منك كون هاني مهم عندي طلا و مزال تا ماكملاتها تلاح على شفايفها كيعض فيهم كيعاقبها على لهضرة لي قالت كفاش قدرات تنطقها واش معارفاش انه ولا كيموت عليها ميقدرش بلا بيها بمرة راه على قبلها يقتل و يتقتل بعد عليها كينهج شدها من عنقها مطلع ليها راسها كتر و كيمسح شفايفها من دم نطق بهدوء و حنية: منقدرش سمعتي واخا نبغي منقدرش دازت ليها دمعة لحسها ليها نطقات بحزن: ماقادراش نصبر على اهانات ديالك و انا متأكدة غايجي نهار و تقدر تفرط فيا حيت هاد زواج ماشي حقيقي هادا زواج المتعة تنهد و زير على شفايفها كتر حاط جبهتو على جبهتها نطق بجدية و حب: ياسمين عمري نفرط فيك عشت معاك تجارب و شعور عمري حسيت بيهم من قبل هاد شارف لي قدامك ميقدرش ازيد نهار بلا بيك نتي، و زواجنا ولا حقيقي نهار مطلقناش سمعتي شاف فعينيها نيشان نطق بصوت خافت و حنين: نبغيك ابنتي ونموت فيك وسعات عينيها كتر و قلبها بدا كيضرب مامتيقاش و اخيرا قالها واش بصح عناها ولا غير مابغاهاش تمشي و علاش مايبغيهاش تمشي سوى لا كان كيبغيها بصح و ماباغيش يتخلى عليها شافت فيه ملي سمعاتو نطق: كلمة كنبغيك قليلة فحقك ماباغيش نفيق شي نهار و ملقاكش جنبي خليتيني نطيح فيك بهدوءك و حنية ديالك و اي كلمة قلتها دبا كنعنيها زير على دراعها تا تاوهات و كمل كلامو: عمرك تفكري تبعدي عليا سمعتي بلاصتك معايا فيما مشيت ابنتي سلا هضرتو و تلاح على شفايفها و هاد لمرة هي متجاوبة معاه وعينيها دايزين بدموع لفرحة
لتحت جالسة زينب تنهدات و هي كتفكر فحريرة صحبتها ساهية فواحد لوردة قدامها و شعرها كيطير مع لبرد و هو فالمقابل ساهي فيها و كيشوف كفاش ساهية باغي يعرفها فاش كتفكر وربي كبير تقدم لعندها و جلس حداها و هي ماحاساش بيه تاهوا بقا غير كيتمنظر فيها تا شافها شافت فيه و شهقات نطق بصوت رجولي : خلعتك نطقات و هي كترد شعرها من مورى ودنها: امين منينتا و نت هنا مد ليديه لشعرها كيبعدو على عينيها و هو كيتأمل فيها: غير دبا عاد جيت بتاسمات ليه بهدوء و رجعات شافت قدامها نطق بهدوء: زينب لا خطبتك من عند ياسمين تقبلي تلفتات ليه مزنگة و نطقات بمزاح كيف ديما: على لقا حسن منك تقاد فالجلسة و شد ليها وجهها بين ليديه كيشوف فيها بجدية: كدوي بصح و لا كضحكي سرطات ريقها و نطقات: اا شاف فيها بهدوء و نطق: دبا انا مكنضحك كندوي بصح لا خطبتك تقبلي كترمش فعينيها مامتيقاش حيت ديما كيضحكو فهاد لموضوع خافت تدوي من نيتها و يكون كيضحك خصوصا انها ديجا معجبة بيه خافت تقمع و هو بحال الى كان عارفها فاش كتفكر نطق بهدوء: قسما بالله تا داوي من نيتي لا جيت خطبتك تقبلي بيا حنيكاتها تزنگو كتر و حدرات راسها عضات على شفايفها بحشمة و هزات راسها بهدوء بإيجاب ديك ساعة تلاح عليها معنقها نطق بحب : كنت خايفك ماتقبليش و الله بعدات منو و هي كتقاد فشعرها باسها فجبهتها و نطق: انحاول ندوي هاد ليامات مع الحاجة و نتي دوي مع ياسمين صافي نطقات بصوت خافت: واخا امين شد ليها فليديها و نطق بحب: كنحلف ليك انحاول نخليك اسعد بنت فالعالم بتاسمات ليه بهدوء و حدرات راسها حشمانة من الموقف و هكا داز داك نهار امين لي دوا مع الحاجة و تافقو على كولشي و لي هو سيمانة جاية يديرو خطبة اما دوك جوج فراه ملي دخلو لداك لبيت مخرجوش منو شدها مطلقش منها فدا فيها كلمة طلاق تا ولات كتكره ديك لكلمة غرقها فالحب و الحنان لي بين ليها داك نهار مخرجو تال لعشا تعشاو و رجعو و كولشي فرح ملي شافوهم مامخاصمينش
