قصة بالدارجة المغربية🌹تحت عنوان: #سجينة_العشق🔞🔥

8

🔞🍷سجينة العشق 🍷🔞
بقلمي✏️:خولة غزالي🌺
        🔞📝بارت  8📝🔞

جالس فوق فوتوي و حاط بيسي على ركابيه كيشوف فيه بجدية سمع دقان و نطق بنبرتو معتادة : دخل
بلا مايهز راسو سمع باب تحل و تمات داخلة حارسة لي جابت ياسمين لبارح نطقات بصوت متصنعة حنان
حارسة: موسيو حارسة ديال زنزانة 108 بغات تشوفك
نطق صقر بلا ميشوف فيها : دخليها
و ياله اتخرج وقفات ملي سمعاتو نطق: وهاد لمرة لابغاني شي حد متحتاجيش تمنعيه تا تجي تسوليني خليه ايجي نيشان مفهوم
حارسة سرطات ريقها بخوف من تخنزيراتو نطقات بصوت متوتر: واخا سيدي
خرجات دغيا شافت فنعيمة و نطقات بغيض: دخلي عندو
نعيمة شافت فيها تاهي بشوفة ناقصة و تحركات دقات عاد دخلات باقي كيف هو متحركش حنحنات و نطقات بتساؤل
نعيمة: موسيو سجينة فزنزانة 108 قالت ليا نجيبها عندك حيت نت قلتي ليها بغيتيها
صقر شاف فيها و نطق بملامح باردة: ياسمين؟؟
نعيمة كمشات عينيها بشك و حركات راسها بإيجاب و هو فالمقابل بتاسم بجنب فمو هادشي لي كان باغي يعرف عرفها موافقة حيت كون مكانتش موافقة اتسناه تا يكلمها هو ولكن لا هي لي بغات تجي و هدا اكبر دليل على انها موافقة و اصلا هو تصرف هاد تصرف عن عمد
شاف فيها بهدوء و نطق: جيبيها
سكت و كمل كلامو بكل جدية: و من ليوم فيما بغات تجي لعندي جيبيها بلا ماتخدي إدن مفهوم
شافت فيه نعيمة بكل جدية و نطق: مفهوم اسيدي
حرك ليها راسو بختورية و ديك ساعة نصارفات و هو فالمقابل شابك ليديه مع بعض و سرح بنظراتو لنقطة وحدة ماعارفش فين غادي يوصل بهادشي لي قرر اصلا فين عمرو فكر انه غايتصرف بحال هكا ،ولكن حاجة وحدة لي كتهمو هو اذيب ولدو لا ساق لخبار لهادشي شناهيا ردة لفعل ديالو واش غادي افهمو ،مامسوق لحد اخسرهم كلهم ولكن يبقا ليه ولدو

واقفة قدام لباب كتسناها تا سمعات لباب كيتحل و بانت ليها نعمية واقفة قدامها بتاسمات ليها ونطقات
نعيمة: ياله مدير كيتسناك
بتاسمات ليها ياسمين بتوتر و شافت فزينب و عايشة لي كانت اتاكلها بعينيها عاد خرجات كتقدم خطوة و ترجع بجوج كتحس بقلبها ايسكت ليها بحالا ايتنادم معاها لحال و خايفة اصلا من انه هو يتنادم معاه لحال و هي لي غادي تخسر
دورات عينيها لقات راسها وصلات لطبقة لي فيها لمكتب كانت طبقة عامرة بأبواب ديال لحديد سجن إنفرادي و حدا لمكتب بضبط كاين باب من خشب كيبان مختالف وعلاش لا وهو لبيت خاص بصقر و حيت خدمتو مكتسمحش ليه يخرج من سجن فاكايبات هنا ،تلفتات ليها ملي سمعاتها نطقات
نعيمة: بينك و بين المدير شي حاجة
سرطات ياسمين ريقها بتوتر و نطقات: لا احم علاش
نعيمة تلفتات فالأرجاء و جراتها وقفات تا حلات باب واحد سجن إنفرادي دخلاتها و سدات لباب ،ياسمين دورات عينيها كتشوف ناموسية فجنب و فجنب لاخور لاڤابو و طواليط وريحة خانزة شوية ،هبطات عينيها ليديها ملي حسات بيها شداتها و داتها لجهة ناموسية جلساتها شدات ليها وجهها بين ليديها و نطقات بنبرة حنينة
نعيمة: تقدري تحسبيني ماما او ختك لكبيرة او صديقتك و عاودي ليا مالك و كوني اكيدة اتلقايني فجنبك فكل مرة تحتاجيني
ياسمين عينيها تغرغرو ديك ساعة تلاحت عليها معنقاها و كتشهق مزيرة عليها بحال الى فشاتها كانت باغا غير علامن تشكي و جاتها نعيمة فطريق عاودات ليها معناتها كلها ،كانت نعيمة مراة ناضجة شوية كبيرة فعمر. 38 تقريبا قد ماماها
سالات بكاها و بعدات عليها كتمسح عينيها لي كانو حمرين حسات بيها غادي تفهمها
نطقات نعيمة و هي كتشوف فيها بأسف: ماماك مكلخة معارفاش بنعمة ديالك،نعمة ديال ان تكون عندك بنت حنينة و ضريفة و زوينة بحالك
ياسمبن هبطات راسها بأسف و عودات هزاتو ملي سمعاتها نطقات: لاش بغاك المدير
سرطات ريقها بحشمة و نطقات: دار معايا اتفاق
نعيمة كمشات عينيها بتساؤل: اتفاق؟
هبطات راسها و نطقات: زواج متعة
قدرات تلمح بؤبؤ ديال عينيها لي وساعو بصدمة ونطقات مكملة هضرتها  عودات ليها اش قال ليها لمدير بالضبط
نعيمة هزات ليديها كدوز ليها على شعرها و نطقات بنبرة حزينة: والله ماعرفت اش ندير ابنتي كون كنت قادرة مغاديش نخليك هكا بلا مانعاونك
ياسمين نطقات بصوت خافت : عادي اختي ولفت
طلعات ليها نعيمة راسها و نطقات بجدية: ولكن نقدر نعاونك بحاجة وحدة
سكتات شوية و كملات كلامها ملي شافتها كتشوف فيها بتساؤل: انعاونك بنصيحة، بنتي ياسمين كون كنت فبلاصتك كنت انوافق بعينيا مغمضين حيت هاد زواج مفيد ليك نتي كتر
سكتات كملات هضرتها: ماتعرفي هاد زواج يرجع حقيقة
ضحكات ياسمين و نطقات بسخرية: مستحييل اصلا انا انوافق غير على قبل ديك وتيقة ديال طلاق
تنهدات نعيمة و نطقات: الى ولا حقيقة اتربحي راجل كامل مكمول ما ولاش حقيقة اتكوني ربحتي ورقة طلاقك
ياسمين سكتات هي ماشي من نوع لي كيشوف بعيد طموحاتها غير على قد لحال ماطامعاش فيه كرجل زواج المتعة وعارفاه طامعة فورقة طلاق و فمصروفها لا غير

جالس فوق فوتوي جلستو معتادة فوق شبعة شاف فساعة و عض شفايفو كاتم غضبو دازت كتر من 10 دقايق تعطلات عليه بجهد عدوه يبقا يتسنى فشي حد و يتعطل
سمع دقان نطق بهدوء: دخلي
تمات داخلة و راسها لأرض قلبها كيضرب بقوة الخوف و توتر هزات عينيها بشوية و ماجات فيه غير تاهوا ياله مطلع عينيه لحادة تبسم بسخرية من ديك حمورية لي فعينيها عطاتها منظر جداب زاح بعينيه من عليها بلا موبالات ونطق: جلسي

يتبع...✏️