🔞🍷سجينة العشق 🍷🔞
بقلمي✏️:خولة غزالي🌺
🔞📝بارت 4📝🔞
ديك ساعة عايشة شداتها من شعرها كتنتف فيها و تقول مانتفت نطقات بلغوات: انا لقح*بة مك تعايريينيي واخا انا نوريك شكون لي مسخ
شداتها لاحتها و طلعات فوقها و بدات كتصرفق فيها و دم نازل ليها من فمها و نيفها فواحد لحظة شداتها من شعرها و خبطات ليها راسها مع أرض تا خرج ليها دم من جبهتها و كولشي شهق خصوصا ملي شافو ياسمين غمضات عينيها و لاحت ليديها مرخية
عايشة شافتها هكاك تخلعات متكدبش و لكن لي فيها فيها وقفات و ضارت لعندهم شافت فيهم بنظرة كتخلع و نطقات: لي بغات تعارضني ايكون مصير ديالها كتر من هاد قحب*ة سمعتو
مشات وحدة من صحابات عايشة جراتها و جلساتها فوق ناموسية عاد مشات لباب غرفة و بدات كدق تا تحل لباب و بانت مرأة حارسة ديال زنزانة غير حلات لباب بانت ليها ياسمين فديك لحالة شهقات مشات ديريكت لعند عايشة و نطقات : اش هاد لحالة درتي لبنت
عايشة ميقات فيها و نطقات : نعيمة متمرضينيش فراسي شوفي اش خاصك ديري
نعيمة عضات شفايفها بغضب و نطقات: ماسوقيش لا ساق ليك لخبار كوني اكيدة مغاديش ندخل و نتي لي ماخليتي فلبنت غير لي نسيتي
خلاتها اتموت فسمها و فقصتها و تاجهات لعند ياسمين لي كيحاولو يفيقوها شافت فلبنات و نطقات بصوت جدي: اجيو عاونوني نديها اجيو
جاو جوج بنات عاونوها و هزوها معاها تاداوها لعند طبيبة خلاو زينب بغات تموت بقوة لخوف على صحبتها
اما عند طبيبة لي غير شافتها شهقات: اويلي مال لبنت
نطقات وحدة صاحبت نعيمة: غير زلقات و طاحت
شافت فيها طبيبة بغضب حالتها باينة ديال شي وحدة تعداو عليها ماشي ديال زليق ، خرجاتهم و بدات كدويها و دوك لبنات داتهم نعيمة لزنزانة ديالهم
داوات ليها لاطراس لي فوجهها باينة ديال صباع وتا جنب شفايفها مجروح داوات ليها راسها حاولات متخيطوش ليها و لوات ليها فاصمة على راسها و خرجات لعند نعيمة لي هاد اخيرة غير شافتها جات تجري لعندها
نعيمة: كيف بقات لبنت شوية
طبيبة تنهدات بحزن: حرام عليهم هادشي لي دارو لبنت
نطقات نعيمة بحزن: ماعندنا منديرو نخاف يكون تا هاد المدير فاسد اما نقولها ليه
شافت فيها طبيبة و نطقات: هي دبا مغيبة عطيتها مهدئ على قبل صداع ماغادي تفيق تال غدا ان شاء الله
نعيمة بخوف: خيطتي ليها راسها
طبيبة بنفي: لا من احسن بلاش درت ليها غير واحد لصقة كتجمع لحم
بتاسمات ليها نعيمة و نطقات: شكرا بزااف نخليك دبا عافاك ما ردي ليها لبال
طبيبة تاهيا ردات ليها ابتسامة و نطقات: كوني هانية
نصارفات نعيمة و خلات طبيبة لي دخلات لعند ياسمين فحصاتها و تقدمات ناحية بيسي ديالها تكمل خدمتها
و بهاكا داز نهار و جا نهار جديد
كان جالس فوق لفوتوي جلستو رجولية خاترة خدام فلبيسي تا سمع دقان نطق بعد ما نظف حلقو بريقو: دخل
تحل لباب و تمات داخلة واحد حارسة لابسة قميجة زرقة و سروال تاهو زرق لبسة رسمية ديال حارسات سجن ، تكون فعمر تلاتينيات عطاتو تحية و نطقات بجدية: عيطتي ليا اشاف
هز عينيه بهدوء فيها و نطق ببحة رجولية: بغيت ضواسا جميع سجناء ديال عاد عمايان و جيبي ليا معاك قهوة
نطقات حارسة باحترام: واخا سيدي
نصارفات و خلاتو خدام بعد مدة كانت جابت ليه داكشي لي طلب و نصارفات خلاتو كيشوف فضواسا
رشف من قهوتو و حطها طفا گاروه و بدا كيقرى معلومات لي فضوسي سالا و حطو بإهمال تا ضرب كاس و طاح تهرس
تنهد و هبط كيجمع زاج سمع دقان علا راسو و نطق : دخل
وبلا ميرد لبال جرح ليدو جرحة كبيرة خلات دمو ينزف غير شافتو حارسة نطقات بعد ما شهقات: سيدي دم
وقف بهدوء و هو شاد فليدو شاف فيها ببرود و نطق: ماشي شي حاجة
نطقات حارسة بجدية: تبغي نعيط لطبيبة اسيدي
شاف فيها معلي حاجبو بتساؤل : ماعندها حد
نطقات حارسة بنفي: لا عندها سجينة
شاف فيها بهدوء و نطق: انمشي عندها بلا متجي هي
و بلا ميتسنى جوابها هز تيلي ديالو خشاه فجيبو و تم غادي بخطواتو الموزونة و هادئة تا وصل قدام باب غرفة لي فيها طبيبة دق فلباب كإحترام لخصوصية ،سمع ادنها ديال دخول و تم داخل حاني راسو كيشوف جرحة ديالو طلع راسو ملي سمعها نطقات
طبيبة: موسيو
هز راسو كتبان ليه طبيبة واقفة كتشوف فليديه حول عينيه ماغاتجي غير فعينيها سوداء كتشوف فيه ببراءة حول عينيه لطبيبة و نطق : تجرحت
طبيبة بتوتر: اه تفضل معايا نشوف ليك جرح
تقدم بخطوات تقيلة ناحية لفوتوي جلس و مد ليها ليدو كتنظف ليه لجرح دارت ليه فاصمة عاد وقفات و نطقات
طبيبة: ساليت متخافش جرح ماغارقش
وقف بهدوء حول عينيه لناحية ديال ياسمين دور عينيه فملامح ديالها و فالفاصمة لي على راسها عاد شاف فطبيبة و نطق بجدية: خرجي
طبيبة وسعات عينيها مافهماتش : اا
نطق المدير بجدية: خرجي تانسالي و دخلي
ديك ساعة خرجات تقدم بخطواتو لناحية سرير لي متكية فيه ياسمين جلس فوق كورسي و عينيه فعينيها نيشان كيشوف فيها كفاش كدور فعينيها متوترة و ليديها كتحكهم مع بعضياتهم نطق بهدوء
مدير: شكون دار فيك هكا
سرطات ريقها و عينيها تغرغرو حسات بلحگرة بغات تقول ليه ولكن خافت جات فبالها هضرة زينب يعني كون ما رشاتوش مغاديش تقرب منها خافت بجهد نطقات بصوت خافت و حنين: تاحد غ احم غير طحت
يتبع..✏️
أنت تقرأ
قصة بالدارجة المغربية🌹تحت عنوان: #سجينة_العشق🔞🔥
General Fiction🥀بِـــــقَــــــلَــــــمِــي✍️: 🥀 خــــولــة غـــزالــــي🥀 💎هـــو يـــقـول:مــجْـنُـونـه هِـي تَـطلُـبُ الـرّحـمـة فِـي فِـراشــــي وَ هــي تَــعـلَــم أنّ أشْــهَـى هِــوايـــاتِــي جِــسـمٌ يــتلـوى وَ صَــرخـاتٌ تَـتَعالَى 💎و هـــي تـ...
