🌞أصبحنا و أصبح الملك لله🌞 جالسة فبلاصتها و حداها زينب كتشربها فلحسوة تا قالت الله تهنيت هاد نهار ولكن غير نعسات و فاقت جابوها لزنزانة مشافتش فعايشة بمرة حولات تبعد ما امكن حيت صافي عيات و جهدها تقادة خصوصا ان عندها امل باش تخرج من هاد لحبس و حيت كيديرو ليهم نهار يبقاو فزنزانة و نهار يخرجو كان هاد نهار عندهم لحق يخرجو لساحة عاوناتها زينب تا دوشات دغيا بلا متقيس راسها لبساتها بيجامة سميطات طويلة شوية فايتة ركبة جمعات ليها شعرها و لبسات زينب تاهي كسوة طويلة و خرجو لساحة كانو جالسين كيف ديما و هاد لمرة ياسمين كملات لمعاودة لزينب على قصتها و فالجهة مقابلة كان هو جالس فالبيرو سمع دقان و نطق : دخل تمات داخلة نفس حارسة لي كتجيب ليه ضواسا ولكن هاد لمرة كانت دايرة ميكاب و فاتحة ازرار لولين ديال قميجة و على غير لعادة كانت مدخلاها فسروال كاشفة على لمستور، كيف ديما كانت لابسة لبسة حارسات سروال و قميجة نطقات بصوت هادئ و ناعم موسيو: ها قهوتك صقر هز عينو بتبات شاف فيها طلعها و هبطها و فهمها اش حاولات دير ولكن مشكيلة ماشي هنا مشكيلة ان هادشي لي ادير ايخرجها فشي حوايج ما اتبغيهمش كاينين جوج حلول ،يا اما ايحو*يها و ايبقا يحو*يها تا يرجع لخدمتو او ايحو*يها و متعجبوش و يجري عليها ،غير لمحها حطات ليه قهوة و تحنات تا بان صدر*ها وقف ديك ساعة و تمشا ناحية شرجم، و هو ما حاملش احتمال تاتي هاد ساعة محتاج ليها لخدمتو حيت هي قديمة هنا و لا جرى عليها ماغاديش اوصل لمعلومات لي باغي، و هو فعز تفكيرو لمح ياسمين جالسة مربعة رجليها فوق لكورسي و قدر المح رجليها لي عريانين كيف مرة لي سبق، زادت كملات على ما بيه و دغيا رجعو ليه افكار ديال لبارح و ليوم لي طول نهار و هو كيفكر فهاد لحل سمعها نطقات بتحلوين و هو نسا اصلا واش باقا واقفة حارسة: موسيو بغيتي شي حاجة نطق صقر بصرامة و جدية: كلمي ليا سجينة لي كانت لبارح عند طبيبة نطقات حارسة بإستغراب: واش ياسمين شافتو ما جاوبهاش نطقات بكلمة قبل ما تخرج: واخا خرجات و خلاتو هو كيحل فأزرار قميجة لفوقانيين و كيستغفر الله مشا لبيرو ديالو هز سروال من جيهة حجرو و عاود جلس ،عامر و عمر بزااف و هادشي معصبو بزااف بدا كيفكر فهادشي لي مقرر و ماعارفش فين ايخرجو دغيا فاق من تفكير ملي سمع دقان فلباب نطق بتبات كيف ديما :دخل هي كانت جالسة فأمان الله تا وقفات عليها حارسة و قالت ليها المدير بغاك فرحات حيت قالت مع راسها لقا ليا حل و ايخرجني ديك ساعة ناضت كتجري من موراها وصلات قدام لباب و توترات حدرات راسها و ملي سمح ليهم بدخول تمات داخلة بخطواتها بطيئة و راسها محدور سمعاتو نطق بختورية كيف ديما صقر ماكيشوفش ناحيتها نهائيا نطق موجه هضرتو لحارسة: امكن ليك تخرجي اومأت ليه حارسة و خرجات خلاتهم بجوج صقر شاف فيها و نطق بجدية : جلسي ياسمين هزات راسها و جات عينيها فعينيه توترات راه واحد لهيبة طاغية عليه شي حاجة بزااف كتافات غير تأومأ ليه و تحرك ناحية لكورسي جلسات و نطقات بصوت هادئ ياسمين: بغيتيني اموسيو نطق صقر بعد ما جلس جلستو معتادة و شابك ليديه : اه بغيت ندوي معاك فواحد موضوع لي جدي كمشات ملامح ديالها بتساؤل و شافت فيه : احم واخا نطق بجدية لي خلاتها تفهم كلامو و تاخد حدر ديالها قبل ما تصرف: مي نبغيك ما تقاطعينيش حيت اعدى حاجة عندي هي هادي تفقنا اومأت ليه ياسمين بإيجاب ماغاديش القا معاها مشكيل فهادي متعودة تسمع و تفكر عاد تدوي نطق بجدية و بصوت هادئ و رجولي و ها علاش هي كتفضل كبار سن: نفترض اني عاونتك و خرجتك من لحبس ممكن نعرف اش اديري شافها كمشات ملامح ديالها بتساؤل نطق مكمل هضرتو: يعني ملي اتخرجي فاش اتخدمي وهاد سؤال لي كيبقا قاتلها نهار كامل فدماغها حيت عارفة مزيان انها يا حسرة عمرها كان عندها سوابق و ماتقبلاتش فلخدامي لا عساك دبا شافت فيه بجدية و بملامح حزينة نطقات : باين فاش حيت حاجة لحرام هي لي غادي تقبل على اي واحد شاف فيها صقر لمدة طويلة خلاها تشك فراسها و نطق بجدية: و لا هداك حرام حولناه لحلال ياسمين تسناتو باش يكمل ملي بان ليها ماكملش سرطات ريقها و نطقات بتوتر: مافهمتش صقر وقف بشوية و بهدوء جبد گارو من جيبو دارو ففمو تا شعلو و تقدم ناحية ديال واحد تلاجة صغيرة حلها جبد منها قرعة و هز كاس من فوقها خوا ليه كاس و تم غادي ناحية شرجم رشف رشفة و نطق بتبات : يعني فبلاصت متكوني عاهرة فلحرام تكون عاهرة فلحلال يااه و شحال قتلاتها ديك لكلمة اه هي مولفة كتقولها مي ماشي بحال الى قالها ليها شي حد بقات ساكتة كاضور هضرتو فدماغها ولكن والو ما وصلات تا بنتيجة نطقات بتوتر و حزن و جدية كولشي مخلط عليها ياسمين: واخا تجيني بشكل مباشر و تقول ليا اش كاين بلا ألغاز صقر ساط دخانو و نطق بجدية: اش بان ليك فزواج المتعة هي شداتها لقوة اه فعمرها 20 سنة فقط مي عارفة اش معنات هاد لكلمة عارفة اش قصد بيها مزياان حيت كتعرف بناات كيمشيو مع سواعدة بهاد طريقة فإطار كولشي بلحلال نطقات بصدمة ياسمين : و لكن امسيو صقر تلفت ليها تماشا بخطواتو موزونة تا وصل لبلاصتو طفا گارو شرب ما تبقا من كاس و رجع جلس جلستو معتادة
