شافت فيهم بوحدة بوحدة و ستقر نظرها على مريم نطقات تاهيا بهدوء وليديها مزال مربعين: ايه ملي دويتي دويتي ندويو تاحنا على شكون لي لوات على راجل صحبتها و دارتو تحتها غمزاتها و كملات كلامها: اه ولا ياكما مسكينة صاحبتك مافخبارهاش راه اتجي عليها ضرة بانت ليها مريم صفارت شافت فهجار و كملات كلامها: مبروك زواج احبيبة و غير حضي راجلك ولكن ماشي مني من هاديك لي حداك حيت ناس كلهم عرفو راه ادخل عليك ضرة نتي لي باقا فدار غفلون نطقات زينب و هي مبتاسمة: ايه ها جوج زيدي باقي ليك تلاتة تلفتات هجار لعند مريم مخرجة عينيها كتبان ليها صفرة مغاديش تكدب ياسمين حيت شحال من وحدة قالتها ليها و ماتيقاتهمش واخا راجلها عارفاه عندو نمرتها مي كتقول غير حيت صاحبتها شافت فيها و نطقات بغضب هجار: ياكي هادي هي صحبة و نتي ناوية تغدريني اللفعة مريم نطقات بالغوات و هي مخرجة عينيها: ايوى حدك تم القحب*ة نتي هي اللفعة راه سيدي حمد كان ايكون ليا ولكن نتي لي لويتي عليه هجار ياله اتلاح عليها تا وقفات ملي سمعاتها نطقات ياسمين موجهة هضرتها لنجاة: و نتي اخالتي بلا مانجبد ضواساك يكفي غير ناس عارفينك اش كتسواي من نهار طلقتي، راجل كيما كان نوعو مع 2 ليل يدق بابك خارج مولود و داخل مفقود بدون لعيات هالي مدخلة دجاجة ها لي مدخلة مشة و نتي عارفة مزيان لاش ناس كيحتاجو هادشي بانت ليها بدات كتصفار تاهيا و كملات كلامها: و مانحتاجش نقول انك نتي سباب خدوج باش طلقات بسباب مجامرك عوتاني زينب شافت فياسمين و نطقات: ها تلاتة بقاو جوج و تهناي ياسمين بانت ليها خدوج ادوي عينيها كيخرجو شرار من ناحية صحبتها مي كملات كلامها: ونتي اخالتي خدوج جايا تعايري بنات ناس و نسيتي بنتك نعتات ناحية ايمان و كملات كلامها: كلنا عارفين بنتك اش كاتسوى ماخلات بيران ماخلات قهاوي شيشة، عين دياب عمرها حيدات منو دارك فليل مكاين غير دخول و خروج فيها زينب وصلات ليها ضحكة تال عند ودنها و نطقات : اوى هانتي تهنيتي دبا
سكات ياسمين شوية و كملات كلامها عينيها مغرغرين: انا عمري فكرت نفضحكم و لا نقول فعايلكم ولكن نتوما جبدتو ليا شرافي و طعنتوني فيه، بابا لي فقبرو و ماقلتوهش عليكم الله ياخد فيكم الحق راه ماشي غير لي كدخل فصباح و تخرج فنصاصات ليل راه كتبيع لحمها عمركم شفتوني مع ولادكم و لا رجالاتكم حرام عليكم انا خدمتي خداماها بلحلال(الله امسخك ولكن مالكم راه حلان رجلين فلحلال راه حلال🙂) و مغاديش نشرح ليكم كتر و لي نقول ليكم بابي فرقوه عليكم و وجهي قيلوه عليكم خلاتهم و دخلات غير هي دخلات دوك خمسات طارو على بعضياتهم خلاو درب كلو كيتفرج و مصدومين فياسمين حيت عمرها دوات و ملي دوات قالت غير صح كولشي بقات فيه ولكن محسادات جاتهم كلامها زايد ناقص جلسات فلبيت كتبكي و تقول ما بكيت كتبكي على زهرها و سعدها كتبكي على باها لي ناس دعاو فيه و هو فلقبر و هي سبابو كتبكي على مها لي سبابها و مادافعات عليها بتا كلمة حيدات كاشكول من عنقها و هي بغات تبكي دم تا دخلات مها عينيها باين فيهم لغضب و جا خوها تا هوا لي سمع لهضرة من عند صحابو و تا زينب دخلات كولشي مجموع من غير ختها صغيرة لي فالمدرسة نطقات حليمة بغضب: صافي هادشي لي بغيتي ااا غير شوهة هاهيا جبتيها لينا وقفات ياسمين و نطقات بحرقة: على شكون لي قال ليا سيري حلي رجليك ااا شكون مهدي لمح اتار ديال عضان فعنقها مشا ليها نيشان و شدها من شعرها كيديه و يجيبو: اش هادشي القحب*ة على اخير ياماتي تولي ختي قح*بة ياسمين جمعات جهدها كلو و دفعاتو هزات ليديها تال فوق و نزلات عليه و هزات صبعها و نطقات بالغوات: ااااخر مرة تهز عليااااا يدييك واش عند بااالك كبرتي راااه خراااك لا مااصبنتو لييك انا يبقا خانز تا يدود نطقات حليمة بعد ما دارت مهدي موراها: تفرقي على خوك الخانزة هو لي بقا ليك ياسمين حسات بالماس تخشاو ليها فقلبها مي حالفة تا تفرگع رمانة لي بغا يوقع يوقع كملات كلامها و عينيها مغرغرين: خوويا و خليييييني نقول ليه اش كاين واش شم ريحتو بغا يدير فيها واعر كون كنتي وااعر غادي تنوض تجمع راسك و ديها فقرايتك و تعري على كتافك لي ولاو كبر من كتافي و تمشي تقلب على خدمة باش ختك متحلش رجليها و تولي قحب*ة كيما قلتي ماشي مقابل ليا غير سداري و واحد لحيط ديال درب و كتسنى ختك هي لي توكلك و تكسيك و من فوق تعطيك لفلوس باش نت فلخر فاش تخسرهم فلگارو ااااه واش عند بالك ماعرفاكش واش مبلي اه جابوليا خبارك و قلت ولد صغير دبا يجربو و يحيدو ولكن لا حرام واش تفرقتي عليه ،دويت مع مك دوي معاك مي اش قالت خليه دري هداك لي دار جات معاااه ادن نت سكت و خلي لكبار يدويو حيت ختك لا ماهزاتش رجليها هداك لگارو ماكاينش لي يعطيك باش تشريه سمعتييي اوى سكت و سمع سكتات كتنهج و عينيها ما زاگينش من دموع بان ليها كيسوط و عينيه حمرييين بغضب نطق قبل ما يخرج و يخليها مهدي: انقتلك سمعتي يا خرجي من هاد دار و خلي لفلوس يوصلوني يا بقاي و شي نهار تلقاي راسك مقتولا بعدي علينا و ديري لي بغيتي ماشي تحلي غير رجليك سمعتي
يتبع...✏️ شتو راه ماشي بضرورة يكون أخ هو داك صاحبك و هو داك أخ متال حيت فبعض الأحيان كيكون الأخ هو عدوك و كيتسناك امتى طيحي كتر من براني 💋🤧 مهدي👇
Oops! This image does not follow our content guidelines. To continue publishing, please remove it or upload a different image.