نطقات زينب دايرة ليديها على حنكها و ميلاه تاهيا: ماتفكرنيش انا بلاتني بيها بتاسم ليها و نطق بمزاح: نتي بعدا تشاورتي مع راجلك قرة عينك باش تخرجي زينب تزنكات عرفاتو ايبدا عوتاني طالقها و تاهيا طلقاتها: صونيت ليك ماجوبتينيش و خرجت عقد حواجبو و نطق: الا امدام تسنايني نجاوبك كون خطفوك دبا اعدائي اش نديرو زينب شدات على قلبها و نطقات: مافكرتش فيها ماتخافش منبقاش نعاود سمعو شهقة و تلفتو بجوج ميلين راسهم ناحيتها هي لي موسعة عينيها بصدمة و حاطة ليديها على فمها نطقات بصدمة: امتى تزوجتو ياسمين بتاسمات: و تيقتيه راه غير تيضحك ياسمين عاد بدات كترمش تيقاتهم كانو ملامح ديالهم جدية ماكتوحيش على مزاح حكات راسها و نطقات ببلاهة: هيهيهي اه هكاك تلفت ليها هو ونطق: هي بعدا بايرة و نتي لي مرات راجل قلتيها ليه ياسمين بدات كترمش صدمها ولد الدين سرطات ريقها كتفتف تا شافتو كيضحك نطق بمزاح: اضاحك معاك عاد مسكينة تنفسات شافت فليديه لي مدها ليها و نطق بهدوذ و ابتسامة: انا سميتي امين ماسمحاتش لينا الوقت نتعارفو مزيان ولكن ماشي مشكيل نعاودو من لول بتاسمات ليه هي بود و مدات ليديها: انا ياسمين متشرفين امين بعد ليدو و نطق: شرف ليا قرب ليها كتر و نطق بمزاح: فخبارك كون ماكنتيش مرت خويا انا مانفلتكش حيت بحال هاد منتوج مستحيل ابعد على عائلة بدات كترمش فيه مامتيقاش انه دبا كيتعنب عليها بتاسمات ليه بحشمة و تلفتات لعند زينب لي نطقات: ويلي راها مرت خوك حشم امين حط ليديه على فمو و دار راسو مصدوم :اووو نو متقوليش ليا غرتي زينب قربات ليه تاهيا عينيها فعينيه بتاسمات بشفايفها ورديين و نطقات بصوت خافت : على الى مغرت على حبيبي علامن نغير عض على شفايفو واخا عارفها كضحك ولكن جابت ليه رعشة، نوطة ديال لحب وصلاتو طبطب ليها على شعرها و نطق وهو ساهي فملامح ديالها: الله ارضي على بنتي ياسمين مبتاسمة و كتشوف فيهم ملي قال ديك بنتي تفكراتو غير هو لي بنتي كينطقها كتر من سميتها تال واحد لحظة بداو عينيها كضببو نطقات بهدوء ماباغاش تخلعهم: سمحو ليا نمشي لحمام نطق امين بحنان: واخا اتجي تلقايني دومونديت ليكم على حسابي صافي هي ماقدراتش دوي كتافات غير تأومأ ليه و تمات غدا بشوية و ضبابة كتمجهد جالسين تا كيسمعو شي حاجة طاحت مجهدة تلفتو كتبان ليهم ياسمين مليوحة فالأرض و مغمضة عينيها تدعقو خصوصا زينب اما تا امين ناض دغيا جابو ليه لما كيرش عليها والو ديك ساعة هزها و حطها فلوطو بغا يديماري كيشوف اخت ما كاينش رجع لعندها لقاها باقا فلكورسي جرها و ركبها و ديمارا هي عاد فاقت من صدمة ديالها نطقات و دموعها دايزين زينب: امين مال ياسمين اش واقع ليها نطق امين و ليديه كطبطب على فخادها و هو مركز مع سوگان: شششش متخافيش هاحنا غادين بيها سبيطار سكت هو و زينب غير كتبكي كتحاول تفيقها وصلو لسبيطار دخلوها جات عندها طبيبة و هما بقاو واقفين تا داز شوية لوقت عاد خرجات مشاو لعندها كيجريو زينب بخوف: اش واقع ليها مالها عاافاك واش واقع ليها شي حاجة نطق امين : زينب تهدني ماوقع والو خلي طبيبة تقول اش واقع نطقات طبيبة بابتسامة: ماتخافيش مريضة معندها والو راه غير مع لعيا و على ما بان لينا انها ما واكلة والو فطبيعي ايطح ليها طونسيو نطقات زينب بعد ما تنهدات براحة: اووفف الحمد الله ، يعني معندها والو طبيبة طبطبات ليها على كتفها و نطقات: لا معندها والو متخافوش غير ترد لبال لصحتها و صحة لجنين لي فكرشها زينب تشوكات دارت بوز مافهمات والو اما امين فهداك بوحدو بقا جامد نطق بصدمة: جنين طبيبة باستغراب: اه حاملة عندها تلاتة اسابيع دبا على مافخباركمش هما حركو ريوسهم بنفي دقة وحدة شافت فيهم و نطقات: اه عليها مارداش لبال لصحتها مهم انا انكتب ليها شي دوى شوية و نجي نشوفها ملي تفيق من مهدئ و غير يسالي ليها سيروم امكن ليكم تخرجوها متخافوش ماشي شي حاجة مشات و خلاتهم مشوكين فبلاصتهم تلفت امين لعندها و نطق: هي عارفة نطقات زينب بحزن: لا ياله ايتم داخل لعندها تا شداتو و نطقات برجاء: نطلبك شاف فيها بنظرة غريبة و نطق: كنسمع زينب برجاء: متقول لخوك والو خليها هي تقولها ليه من حقها اولا لا بقا ساكت شحال من بعد اومأ ليها و دخل لعندها تبعاتو و جلسو حدا راسها ساهين بجوج نطقات زينب بسهوة: كضن اقدر اتقبلو امين مسح على وجهو بحيرة: ماعرفتش و الله ماعرفتش ولكن راه ولدو مغاديش اسمح فيه زينب شافت فيه بحزن: و غايخليه عايش؟؟ امين شاف فيها بنظرة كدل على انه حيران تنهدات زينب و نطقات: ايكون خير تاتفيق بعدا و نشوفو اش نديرو
يتبع...✏️ فنظاركم ايوقع ملي ايعرف صقر و واش ايعرف اصلا و تخيلو مايقولوهاش لياسمين🤔
Oops! Questa immagine non segue le nostre linee guida sui contenuti. Per continuare la pubblicazione, provare a rimuoverlo o caricare un altro.
