قصة بالدارجة المغربية🌹تحت عنوان: #سجينة_العشق🔞🔥

5

🔞🍷سجينة العشق 🍷🔞
بقلمي✏️:خولة غزالي🌺
        🔞📝بارت 5📝🔞

بقا كيشوف فيها باينة فيها كادبة اتار صباع واضح فوجهها باغي يعونها ولكن معندو ميدير ليها خاصها تعاود ليه، اعدى حاجة عندو هي ظلم مكيحملش شي حاجة سميتها ظلم و هاد لبنت لي قدامو كتبان ليه مظلومة ملامح ديالها برييئين لواحد درجة كبيرة حول عينيه لجرحة لي حدا شفايفها و رجع شاف فالفاصمة لي على راسها نطق ببرود: شنو هي جريمة ديالك
عينيها تغرغرو كتر عطاوها منظر خاص نطقات بصوت منغنغ: مدرت والو مظلومة
و هادشي لي باغي يسمع مظلومة غادي يحررها من ظلم نطق بجدية و هو مشابك ليديه: كنسمع
شافت فيه بتوتر معرفاتش واش تعاود ولا لا و لكن اش خاسرة يقدر يعاونها زعما تنهدات و بدات كتعاود ليه داكشي لي عوداتو لزينب تا سكتات لحد لي حبسات لزينب عاد كملات
ياسمين بحزن و دموع فعينيها: لمحات ليا ان فلوس لحرام لي غادي ينفعونا ماديتهاش فيها مرة لولة تا بدات كتلمح ليا نخدم فلحرام و نولي عاهر*ة تصدم قلت غير امكن مكنفهمش كانت فيما تبقا دوي ليا على شي وحدة خرجات طريق و ولاو عدها لفلوس كنقول راه غير كتعاود تال نهار لي جات قالتها ليا نيشان قالت ليا خرجي و ولي عاهر*ة راه هاد طريق لي مسلكاك تا خدمة متقبل عليك مسمعتش ليها خرجت كنقلب على خدمة والو مابقيتش لقيتها لدرجة  مابقاش عندنا ما ناكلو عاودات نفس لهضرة و قالت ليا خرجي عطي لحمك بزز مني سمعت لكلامها بزز مني عفست على شرفي لبست و تقاديت و خرجت و هي فرحانة حيت اخيرا انجيب لفلوس قلت معليش مهم ماما تبقى راضية عليا مشيت لواحد لبار كنت كندوز من حداه
سكتات كتجمع كلمات لي هربو ليها،هو كان كيسمع ليها نطق ببرود: عطيتي لحمك؟
حركات راسها بنفي و كتمسح دموعها نطقات بصوت منغنغ بالبكا: لا وقف معايا الله دخلت و ماكاملة تا خمسة دقايق ناض صداع و المضاربة كولشي هرب و ناس قلال لي بقاو مضاربين انا كنت مصدومة مافقت من صدمة ديالي تا حسيت بالبوليس كيخرجو فالناس و خرجوني معاهم بتهمة ديال فساد
سكتات شافت فعينيه نيشان نطقات بصوت مألم و بريئ: و عرفتي اش لي حطمني كتر هو ماما لي غايبة عليها كتر من ربعيام و عمرها سولات فيا او حاولات تقلب عليا معرفتهم امكن قلبو عليا و مالقاونيش ماعرفتش واش تخلاو عليا و انا هادشي كلو درتو غير على قبلها و لا قلبو و ملقاونيش
سكتات شوية و نطقات ببراءة : و الله مدرت شي حاجة دخلت بتهمة فساد و انا مافسدتش
كيشوف فملامحها بريئة و كفاش كدوي من قلبها ياله اينطق تا سمعو دقان وقف المدير صيب مگانتو و نطق بتبات و هو غادي لجهة لباب: الى كانت هضرتك بصح و نتي مادايرة والو فراه كوني اكيدة اتخرجي من هنا
و قبل متنطق كان حل لباب و بانت منو حارسة لي دات ليه ضوسي كبيلة نطقات بجدية
حارسة: موسيو صقر موسيو اديب كيتسناك فلبيرو ديالك
نطق صقر بجدية: واخا
سكت شوية و كمل كلامو : بالنسبة لسجينة فخليوها هاد نهار هنا تال غدا و تمشي لزنزانة ديالها تفقنا
سالا هضرتو و بلا ميدور لعندها تحرك مخليهم من موراه غير كيشوفو
نطقات ياسمين بفرحة و بصوت خافت: ياربي عاوني و يكون بصح هو أمل ديالي باش يخرجني من هنا
سالات كلامها سكتات شوية و عودات نطقات بصوت خافت: صقر

حل لباب بكل تبات و رزانة و تحل معاه تا فمو بإبتسامة جدابة كيشوف فيه جالس و مربع ليدو نطق بجدية
صقر: بتي كتحلم بيا
وقف أديب و تاهو تاسعات إبتسامة ديالو كان ولد فعمرو 19 عام كل ما يقال عليه انه جداب بحال الأب ديالو ،شعر زعر و عينين خضرين كانو ملامح ديالو شهبين واخة فعمرو 19 سنة الى و انا فورمتو ناضية عضلات بارزين بحكم حب ديالو لرياضة و ممارسة ملاكمة ،ملامح ديالو بعيدة كل لبعد على ملامح أب ديالو لي كانو حروفو كحلين عكس ولدو شهب
وقف قدام الأب ديالو و عنقو زير عليه مزيان بحال الى كيحاول اوصل ليه مقدار ديال وحش لي موحشو بعد منو و نطق بإبتسامة
أذيب: بغيت نقول ليك توحشتك مي انكون غير كنكدب عليك
صقر رجع واحد خور قدام ولدو قهقهات ديالو هما لي كيتسمعو فلبيرو متقولوش هدا هو المدير العصبي الغامض بالعكس قدام ولدو حيد قناع صرامة من على وجهو
بعد اخد و عطاء فالهضرة وقف أذيب و نطق بتبات : اوى اصقر هو هدا
صقر جمع غوباشتو و نطق: كفاش
أذيب ضحك و نطق: بغيت نقول الواليد
صقر وقف و ملامح جدية رجعات: اوكي سير و بيناتنا تيلي و كنظن انك مغادي تقول لتاحد شي حاجة
نطق أذيب و هو مصغر عينيه: تا امين
صقر مسح بصبعو على نيفو و نطق: و حتا امين و بضبط هو مابغيتش تقول ليه شي حاجة
أذيب هز كتافو و نطق: اوكي
ياله تحرك جوج خطوات وقف عاض على لسانو ملي سمعو نطق
صقر رجع جلس و نطق: هاد ساعة كاينة 5 سوايع توصل 6 نتفاهم معاك
تلفت أذيب لعندو و تصنع لكلاخ : اشمن سوايع الواليد
نطق صقر و هو خدام فلبيسي: مديرش راسك مافاهمش مي هاني علمتك تزيد تغيب ساعة خرى نتفاهم معاك
نطق اذيب و هو كيحك فشعرو: و لكن راه غير
قاطعو صقر بجدية: ماشي حيت رشيتي ادارة ماغاديش توصلني خبارك انا لي عليا درتو و علمتك توصل 6 سوايع انتصرف ديك ساعة منهضرش
شاف فيه و كمل هضرتو: مفهوم
نطق أذيب بجدية: كون هاني
اومأ ليه صقر و ديك ساعة خرج أذيب من بيرو مخلي صقر تابعو بعينيه تا خرج سد لبيسي و جلس جلستو معتادة جبد گارو و غمض عينيه و هز راسو لفوق كيفكر و بزااف مسامر كيطرقو ليه فدماغو 

يتبع...✏️