بقا كيشوف فعينيها ماجوبهاش جدباتو كتر من لزوم لقات عليه سحر بدموعها و فالمقابل تاهي ما نفداتش من سحرو سهات فعينيه مافيقها غير كلمتو امين: مع راجلها شافت فيها عاقداهم و نطقات: ياك طلقو وسع عينيه فيها و نطق: كفااش شافت فيه كترمش و سرسبات ليه كولشي بلا مايسولها : قلت ليك هو سبابها مسح على وجهو بقلة حيرة حيت داك نهار فاش قالت ليه ياسمين راني مابقيتش مرت خوه ستغرب و عند بالو غير كضحك متوقعهاش تكون بصح تهند و نطق بصوت خافت: صقر لاش باغي توصل شاف فيها و كمل كلامو: ياله نوصلك دبا و ياسمين اتجي نطقات زينب بنفي: لا منقدرش ندخل انا بلا ياسمين امين بتساؤل: علاش سرطات ريقها و نطقات: احم بصراحة انا ساكنة معاها و ماماها فشكل منقدرش سكتات شوية و كملات: دبا هو شفتي شنو غير سير خليني هنا صافي شاف فيها شوفة ديال واش من نيتك شدها من ليديها و جرها: زيدي زيدي گلاك خليني خرجو برى كيحاول يوقف طاكسي ،حيت كيف شفتو خوه دا ليه لوطو ديالو ،شافها ساكتة تلفت بانت ليه حانية راسها شافها فين كتشوف بانت ليه كتشوف فليديه لي شادين فيها گعما حس براسو ديك ساعة خطفها و نطق امين: احم ياله نمشيو مقدراتش دوي تحرجات و تاهوا كتر شير لطاكسي عطاه عنوان و تحرك هبطو ملي وصلو لواحد اقامة بقات زينب كتشوف فيها تحرك مابان ليها غير تبعو بقات تابعاه تا دخلو لواحد دار ضورات عينيها فيها و نطقات بتوتر زينب: لاش جينا لهنا نطق بمزاح: خطفتك اش بان ليك شافت فيه تاهيا و نطقات بمزاح كتر منو: لا عافاك نعطيك لي بغيتي غير طلق سراحي بغيتي ڤيلاتي و لا شركات و لا اموال غير حل فمك نعطيك شاف فيها مصدوم مشات معاه فلخط تاهوا ماشي من عاگزين نطق : امم عرض مغري ولكن انا اضاحك معاك انا جبت مرتي تشوف دارها تزنگات و عرفاتو ضاحك تاهيا نطقات: اوى ملي داري خرج عليا منها مالقاكش فيها شافها كيفاش مزنگة و مخرجة عويناتها جابت ليه ضحك ضحك من نيتو: لا نتي خطار تصلاحي تمتيل شاف فيها بجدية و كمل كلامو: مهم انا جبتك هنا حيت قلتي نخليك لهيه مجاتش مهم هانتي راه لبيت نعسي فيه تال غدا و نشوف فين هي ياسمين نديك لعندها نطقات بحزن: ماغادي اوقع ليها والو ياك شاف فيها بهدوء و اطمأنان و نطق: كوني هانية سيري دبا رتاحي شافت فيه بإبتسامة و نطقات: شكرا بتاسم ليها و تحركو كل لواحد لغرفتو
عند ابطال ديالنا ماوقف صقر تال واحد لخلا فيه غير شجر و ڤيلا و ظلام حاجة لي مخلية نوعا ما رعب اتسلل لقلب اي واحد جا بليل ،هبط من لوطو خبط لباب بعصبية بلا مايتكلم اصلا طول طريق و هو ساكت ودبا جا لوقت فين يدوي حل لباب من جيهتها جرها بجهد و تم جارها من موراه دخل لڤيلا سد لباب بجهد دفعها تا جات جالسة على أرض و دموعها ماحبسوش رعب لي فقلبها هاد ساعة ماكيتوصفش عمرها شافتو بهاد شخصية كتعرف شخصيتو وحدة لي هي لباردة و هادئة مي هادي شي حاجة خرى مختالفة كل اختلاف قفزات ملي سمعات صوت تهراس نطقات بصوت مغنغن و متوتر : لاش ج جايبني لهنا ديك ساعة شاف فيها بعينيه لحمرين بحال الى تسناها غير تهضر باش يتفرگع عليها تحنا لعندها شدها من شعرها و تم مطلعها نطق بغضب وااضح و شرار خارج من عينو مشات رزانة و مشات لختورية فخبر كان صقر: صوتك مانسمعوش كتفهمي بربي تا نقطع ليك لسانك لا مازميتيهش شافت فيه بعويناتها لحمرين لخوف ركبها بدات غير كتقفقف صقر: انااااا على اخر ياماتي لي مابقا بيني و بين لقبر غير شعرة يجيو زوااا*مل يزهاو ليا على مرتي و حدايا و بعيني نبقا نشوف فيهم مقيمين عليك خاصهم غير فرصة باش يتلاحو عليك ااا اش هاد تقحب*ين لهاد درجة رخاسيتي اا لحمك شاط عليك كون غير حليتي ليهم رجليك نيت تماك، و مانعرف تكوني درتيها نيت مابقاش عارف اش كيخرج من فمو فكرة انها كانت كتشطح شبه عريانة و هما مقيميين عليها و ماشي بعيد تكون خدمات عاهرة نيت شي حد اخور لمسها و قاص فيها شي حد اخور غرق فجسدها متير كتبغي تسطيه كيبغي يخرج روحو يحرقها و يحرق تا ياسمبن معاه مابغاتش دوز ليه بمرة قلبو كيحس بيه شاعل فيه لعافية ياسمين موسعة عينيها بصدمة تال حد هنا و صافي صبر مشا، جمعات قوتها و دفعاتو بكل جهدها هزات صبعها عليه و نطقات بغوات و صوت مجروح: اسيدي راك كتحلم اشمن مرتك راك نسيتي انا صافي طلقت منك اش مشا ليك الى حليت رجليا على شكون لي فتح ليا طريق نهار لول على شكون سرحني من غيرك ماشي من حقك تحاسبني على شي حاجة و نت عارف مزيااان نهار لول تزوجنا باش تمهدني لطريق فحتارم راسك الله اخليك عضات على شفايفها بندم عمرها ضنات انها اترفع صوتها على شي حد كبر منها و ليه هو بلخصوص مي جرحها كون غير كانت بصح كتنعس مع رجال مايبقاش فيها لحال ولكن لا هي حاولات تحتافض على راسها كان هو اول واحد و اخر واحد ايقيسها كيفاش قدر افكر هكا
يتبع ..✏️ امين👇 كحلاتها ويلي ويلي قفراتها🤦ياله بونوي💋
Oops! This image does not follow our content guidelines. To continue publishing, please remove it or upload a different image.
