لبس شورط قصير و تلاح نيشان فوق ناموسية ناعس ماباغيش يفكر فشي حاجة اخرى ،مخلي لمياء مصدومة من موراه و بداو كيدخلو معاها تناوي حيت معاملة ديالو جابت ليها شك واخا معرت اش دير ولا اشمن دنب ديرو عمرو قطع معاها لفراش الا مرات قليلة فين كتوصل بيه لعضم وهادشي لي كيخليها تمادا فأفعالها ولكن دبا لا شوفة هيا لخرى مابغاش اديرها فيها
نهار جديد و أحدات جديدة دازت سيمانة على أبطال ديالنا كل واحد و عايش نهارو و كل واحد و كيفاش دوزو كانت ساعة تشير ل 7 لعشية واقفة ياسمين كتقاد فشعرها جمعاتو شفنجة وخلات جوج خصلات نازلين كانت لابسة كسوة بيضة كلها خيوطة معرية من لوسط باين صدرها و خصرها و جات رهيفة على طر*متها كتبين سترينغ تاعها كانت حد لفخاض لابسة سندالة عالية شوية تنهدات بعد ما هزات عباية ديالها لبساتها دغيا هزات ساكها و تلفتات لعند زينب لي كانت كتلبس سبرديلتها كانت تاهيا لابسة كسوة حد لفخاض بلكحل و شعرها طالقاه نطقات ياسمين بحزن: لبسي سندالة مغاديش يخليوك دخلي هكا نطقات زينب و هي كتلبس عباية: راه انهزها معايا تال تماك ولبسها حيت اتضرني فرجلي حركات ياسمين راسها و نطقات: ياله دغيا وقفات زينب و تمشاو خارجين من درب ركبو فطاكسي و كسيرا متاجه ناحية لبار غير وصلو وقفو فواحد زنقة خاوية هبطو و تسناو تا مشا مول طاكسي عاد حيدو لعبايات و تمو غادين ناحية بار نطقات ياسمين بحزن واضح: كون غير خلاوني بيها ياك انبدل نبدل شافت فيها زينب: نتي عارفة انهم كيهتمو لمنظر لا شافوك بعباية محال يدخلونا تنهدات ياسمين ملي شافو راسهم وصلو سلمات على گارد و دخلو كان لبار مزال خاوي شوية ياله ناس جايين على عكس ايامات لاخرين ديما كيكون خاوي ولكن من نهار ولات ياسمين خدامة فيه ولا اقبال عليه لواحد درجة كبيرة من حيت كاينيين تا شخصيات من طبقة عالية جاو خصيصا باش يشوفو هديك لي كيدويو عليها و شحال من مرة دواو مع مدير باش ينفاردو بيها متبقاش غير رقاصة بل تا عاهرة و هادشي لي غيخلي مدير اترفح مزيان مي كانت ياسمين خارجة فعودو كيجبد ليها نعاس كتقول ليه انخوي ليك لبار و شوف شكون تعمرو هاد سيمانة لي دوزاتها هنا خلاتها تعرف الى ما خرجات عينيها ياكلوها دياب اللهم تكون هي ديبة كانت جالسة قدام لمراية كيصايبو ليها ميكاب بحكم هي مكتعرفش بزااف غير سالات عطاوها لبسة ديال رقص تلبسها كانت عبارة على ساية طويلة مفتوحة من جناب كتبين رجليها كلهم و معاها صدرية ديالها لي غير خيوطة صدر ديالها باين نصو كانت فلون لكحل غير شافتها خرجات عينيها فلبنت ياسمين: واش من نيتك اش هاد لبسة لا غير نخرج عريانة حسن فين هي لبسة لي مولفة نلبس بعدا شوية مستورة على هادي نطقات لبنت لي معاها: انا ماشي شغلي لبسة لاخرى تحرقات ملي كانو كيصلحوها و هادي لي كاينة لبسيها مابغيتيش منك لمدير ياله اتنطق ياسمين سكتاتها زينب: صافي اختي احفضك ياك غير نهار ما دات ما جابت عضات ياسمين على شفايفها و نطقات: اخر مرة سمعتي كتافات لاخرى غير تهز حاجبها تنهدات ياسمين و دخلات لبساتها دارت خلخالها لي مزين رجيلاتها لبيضين خرجات لعندهم كانت فاتنة بكل معنى لكلمة شعرها لي كيتحرك شي حاجة ناضية و جسدها فتان حكاية خاصة نطقات لبنت قبل ما تخرج : خرجي ازينب نتي تسربي ناس بداو كيجيو هي مزال شوية مغاديش تخرج اومأت ليها زينب و خرجو مخلين ياسمين جالسة و شادة تيلي فليديها نطقات بحزن و عينيها مغرغرين: تا ميساج هو لخر ماتفكرتيني بيه ملي نت كملتي حياتك و نسيتيني علاش انا دايرة هاد لحالة تنهدات و كملات كلامها: عندي جوج حلول يا نخرجك من قلبي و نساك يا نخليك فيه و نكمل واخا بجوج حالات خاصني نكمل حياتي سالات كلامها و طبطبات على قلبها كمحاولة انها تواسيه بعد مدة و ماشي بعيد غير برى فشاريع قدام بار وقفات لوطو نزل منها أمين مبتاسم كيف لعادة و فجيهة لاخرى نزل صقر كيشوف فلمكان ببرود نطق بعد ماوقف قدامو امين صقر: من نيتك امين برجاء: احفضك غير هاد لمرة جيتي جيتي كمل على اجرك شاف فيه صقر بجدية و نطق: قلتي ياله نسهرو عارض عليك صاحبك قلنا ماشي مشكيل ولكن ا امين باش تجيبني لبحال هاد لبلاصة تال هنا و حبس نطق امين بعد ماشاف فيه ببراءة: هانت غير سمع راه صاحبي طلبني و مقدرتش رفض و زيد عليها راه سمعت واحد لقنبولة كاينة هنا ماشي نت لوحيد لي غني تجي لهاد لقنت راه بزااف ناس جاو لهاد لبار على قبلها نطق صقر بعد ما تلفت: انا راجع لدار حبسو امين: وصافي اعشيري غير هاد لمرة شوية و خرج احفضك تلفت لعندو صقر مسح على وجهو بملامح باردة و تقدم تابعو امين مبتاسم داخل و كيشوف فهاد اجواء فشكل مي عندهم زدحة ناضية علاش لا و هو بار ديال ولاد شعب فيه غير زهو تقدم لواحد طبلة كانو جالسين فيها جوج دراري خرين واحد قد صقر و لاخر كبر من امين تسالمو بيناتهم و جلسو مجموعين خالقينها بيناتهم من غير صقر لي غير كيشوف بعينيه بقاو مدة لا بأس بيها و طفاو ضواو ولاو ضواو خافتين ضو لوحيد لي بقا هو ناحية بلاصة رقص تلفتو لعند صاحب امين ملي سمعوه نطق احمد: ها فاتنة اتبدا نطق امين بمزاح: لهاد درجة يوسف بشهوة : شوف وحكم
يتبع...✏️ لبسة ياسمين👇(ماشي ديال رقص)
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
