قصة بالدارجة المغربية🌹تحت عنوان: #سجينة_العشق🔞🔥

55

🔞🍷سجينة العشق 🍷🔞
بقلمي✏️:خولة غزالي🌺
        🔞📝بارت  55📝🔞

غمضات عينيها ملي حسات بشفايفو على شفايفها كيلتاهم فيهم بشوق و عنف و حنان بزااف مشاعر وصلوها فهاد قبلة لغريبة لدامت مدة طويلة ختمها بعضة حااارة و دمها داز ليها بعد منها و تم جارها متاجه بيها ناحية واحد لبيت تماك عارفة مصيرها مي دغيا ضربات ليها فدماغها انه سادي و طريقة ممارسة ديالو عنيفة ادن ايقتل ليها ولدها جرات ليدها منو و تمات راجعة تلاتة خطوات لور كترعد إحساس أموة غلبها و فاق ،هو تشوكا اول مرة تصرف بحال هكا مهما دار ماكنتش كدوي، هو دبا ماعرفش انها ام تقتل على قبل ولادها شافها كفاش كترعد و عينيها دايزين بدموع بطريقة هستيرية و كتمسح بليديياتها عينيها و نيفها بالخف
نطق ببرود قاتل: اش درتي
ياسمين شافت فيه بواحد نظرة توشاتو بجهد هزات ليديها حطاتهم على قلبها و نطقات برجاء: عااافاك ماتعاقبنيش منقدرش
نطق بهدوء و تبات و برود فنفس لوقت: شي سبب اخليني نعفي عليك و نتي دايرة دنب
تسناها تجاوب بانت ليه غير كترعد زاد خطوة قدام تا وقف مشوكي من لكلمة لي سمعها نطقات بيها
ياسمين نطقات بلا حول ولا قوة لها عرفات راسها اتفضح تفضح اللهم دبا غمضات عينيها و قالتها بزربة : انا حاملة
شافتو جامد و كيشوف فيها بملامح ممحية نطقات برجاء و عينيها غير دايزين ميلات راسها شوية لجنب: عاافاك مدير والو انا مابغيت تاحاجة من عندك غير خليه ليا و ماتقتلوش اه مخديناش احتياطنا داك نهار ومكانش دنبي و لكن ماشي دنبو تا هوا
حطات ليديها على كرشها و هو تبعها بعينيه كملات كلامها بنبرة خافتة ولكن كيسمعها و كيحس بهضرتها كلها مشاعر: مابغيت فلوس مابغيت والو بغيتو غير هو نكبرو معايا بغيتيني نطلق منك و الله تا نديرها بلا ماندوي غير خليه ماتقتلوش، من دبا نمشي و عمرك باقي تشوفني و لا باقي ندير ليك مشاكل و الله غير خليني نمشي و هو معايا الى قتلتيه راه نموت معاه مافيهاش انا و الله ما طالبة واالو غير خليه هو عايش
كملات كلامها كتشوف فيه برجاء و عينيها دايزين تقدم لعندها وقف مقابل معاها نطق ببرود او نقولو غير صدمة باقا مأترة عليه : ا امتى عرفتي
نطقات بصوت خافت و بزز باش كيخرج: لبارح
غمض عينيه ملي تفكر ان اخر مرة نعس معاها ماداروش احتياط بمرة حل عينيه شاف فعينيها نيشان كانو كيرمقوه برجاء و خوف عض على شفايفو بفقصة ملي تفكر اش قالت  قرب ليها كتر شدها من فكها زير عليها مزيااان تا قرب اتهرس ليها نطق من تحت سنانو بصوت خافت
صقر: عاودي اش قلتي
هي مسكينة ما حيلتها لألم لكتحس بيه و لا لخوف منو رجليها بداو كيتفتفو هزات ليديها حطات وحدة على ليدو باش ارخف عليها و ليد لاخرى حطاتها على صدرو قدرات تحس بقلبو لي كان كيضرب مجهد بقا ليه شوية و يسكت نطقات بصوت خاافت و محطم
ياسمين: انا حاملة
نطق بنفس نبرة مستفزة : ماشي هادي
كمشات حواجبها باستغراب و فكها كتحس بيه غيتهرس نطقات بتوتر: عافاك موعتني عافاك
زاد زير عليها كتر و عينيه حمرين بجهد نطق هاد المرة بالغوات تابح صوتو: عمرك تفكري ديريها سمعتي عمرررك
طلق منها و شدها من دراعها بدا كيدي و يجيب فيها عينيه معميين بالغضب: نتي بلاصتك حدااايا سمعتي بلاصتك حدا راجلك معندكش لحق تمشي تغبري واششش كاتسمعيييييي
بدات كتحرك راسها بايجاب بهستيرية و دموع نازلين شاف دموعها تعصب كتر ما هوا معصب طلق منها و غوت بجهد : وااااسكتييي من لبكا انصدق ضاربك سكتييي
بدات كتفتف و تمسحهم و هما غير ما زايدين نطقات ببراءة: راه بوحدهم و الله ما انا
شاف فيها بواحد نظرة فشكل عض شفايفو و نطق بصوت بارد: دخلي لداخل غبري من قدامي دباا
ديك ساعة طارت حمدات الله ماقاسهاش و تلفها على قبلة واخا عارفة موضوع ماسلاش هنا ،اما بالنسبة ليه هو فضل تايهدى و يدوي معاها حيت الى بقات حداه يا يفرعها بالعصا يا يجرحها بالهضرة اللهم تغبر
خرج لجردة من باب لور جبد گاروه جلس و شعلو و بدا كينتر و دماغو خدام فهادشي لي واقع كيسول راسو ميات سؤال و اولهم علاش دبا معصب حيت قالت ليه انمشي عمرك تشوفني ملي قالتها حس بضعف لأول مرة غيحسو تا من قلبو كان شوية غيخونو و يسكت بقوة ما دق هو فالأصل خاصو يتعصب على حمل ديالها ماشي حيت دكرات ليه هروب اه حملها غادي يضمر ليه عائلتو و لكن علاش كيحس براسو مامعصبش او بالأحرى فرحان حيت اتجيب ليه ولد و لا بنت هاد حاجة بضبط خلات قلبو دبا يضرب
حط عليه ليدو لقاه كيضرب بزااف مي ماشي من خوف بالعكس من فرحة و لكن علاش فرحان ياك هاد زواج كلو كان كدبة و لكن كدبة تحولات لحقيقة حيت الى فكرات شي نهار تنهي هاد زواج فغادي ينهي حياتها و ربي كبير اه هو كيبغيها و بلا قيود و لا شروط بين لحظة و تانية لقا راسو كيبغيها و عاد مزايد يبغيها

يتبع...✏️
ياختي مخلاتوش اعاقبها🥺