بدات كتحرك كتحس براسها غيتشقق عليها كتسمع غير تصفير فودنيها هزات ليدها كتحك راسها ولكن كتحس بيها تقيلة بحال الى مربوطة بدات كتحل عينيها بشوية تا كتشوف صقف ماشي ديال دارهم هزات ليديها كيبان ليها سيروم تفافات جلسات دغيا كيبانو ليها امين و زينب جالسين كيشوفو فيها و ساكتين بانو ليها ماكيرمشوش دليل على سهوة ديالهم شوية بشوية بدات كترجع ليها داكرة و عرفات اش واقع تنهدات و نطقات بصوت هادئ ياسمين: زينب زينب و امين فاقو من صدمتهم ناضو لعندها شدات زينب ليد ديالها و نطقات بخوف: ضراك شي حاجة كتحسي بشي حاجة اا ياسمين حركات راسها بنفي: لا متخفيش راه غير دوخة عادية امكن حيت ما وكلاش امين سرط ريقو شاف فزينب و نطق: اه و كان عليك تاكلي ياسمين لاحظاتهم شحال متوترين و هضرة على طرف لسانهم و مابغاوش اخرجوها نطقات بتقة و خوف: اش واقع واش كاينة شي حاجة امين اومأ لزينب هاد اخير لي شدات ليها وجهها و نطقات بحنان: ياسمين انقولو ليك اش كاين و مالكي مي هادي كتبقا مشيئة ديال الله ماعندنا ما نديرو ياسمين تزاد معاها زايد نطقات بخوف: واش مريضة بشي مرض خايب زينب حركات راسها بنفي و نطقات بتردد: نتي حاملة نتي حاملة هي لي بقات كتردد فودنها خلات قلبها كيضرب معارفاش اش واقع ختالوها بزااف احاسيس مي جوج احاسيس لي قوية لول احساس بالخوف و تاني احساس الأمومة هزات ليديها حطاتها على كرشها و هبطات راسها كتشوف فيها كتحسسها طاحت ليها دمعة من عينيها شوية طاحو دموع و بداو كيتسمعو شهقات دياولها هزات راسها فزينب لي تاهيا كانت كتبكي نطقات بصوت محروق لا حول له ياسمين: زينب مشيت فيها غيقتلني مافيهاش شافت فامين و نطقات برجاء: عافاك عوني كنطلبك نطق امين و هو كيطبطب عليها بقات فيه لواحد درجة كبيرة: واش ما بغاهاش نقول ليهم اديرو ليك اجهاض بدات كتحرك راسها بنفي و ليديها مزيرة على كرشها من لتحت: لا لا لا انا بغاه مابغيتش نطيحو هو ولدي بغيتو ابقا جنبي و نولدو عافاك نت غير عاوني نهرب حيت لا عرف ايقتلني هو ماباغيش لولاد خصوصا مني انا زينب شداتها و عنقاتها: اششش اصحبتي مديريش هكا راه اتوقع ليك و لجنين شي حاجة عافاك تهدني بدات كتمسح ياسمين عينيها بطريقة هستيرية و كضحك: لا هاني مهدنة انا مابغيت توقع ليه والو هو ولدي حبيبي ايتحمل ياكي اومأت زينب بإيجاب و عينيها ماسكتوش تال واحد لحظة نطق امين بجدية : انا باغي نعاونك اياسمين مي لهروب ماشي حل حيت غيلقاك يلقاك اللهم واجهي معاه مشكيل نطقات ياسمين بنفي و عينيها مزگاوش من دموع : لا لا غيقتلو انا متأكدة و الله عافاااك غير عاوني امين تنهد بحسرة شد ليها فليديها و نطق بحنان: سمعيني و خدمي عقلك هانتي هربتي باش اتوكلي دري ااا انا عارف كتخدي لفلوس من عندو حاطهم ليك فلبنكة واش فنظرك ماغيعرفكش فين و نديرو حنا انك خدمتي و لا انا عاونتك و صرفت عليك ملي غيتزاد هاد دري شكون غادي يطلع ليه لوراق واخا راكي مزوجة و هو ولد لحلال فراه كوني اكيدة اتلقاي انتقادات بزااف و هو ايكون منبود اللهم بعدي من هادشي كلو و واجهي صقر باش ما كان ياسمين بدات كتمسح دموع من عينيها و نطقات بصوت محروق: ماباغاش نهرب بمرة باغا نمشي غير رتب افكاري باش نواجهو حيت لا شفتو دبا اقدر ادير اي حاجة و انا مغاديش ندوي زيرات ليه على ليديه و نطقات: غادي غير نرتب افكاري و الله امين كيشوف فعينيها ديريكت كانو مغرغرين مي قدر ايشوف لمعة ديال امل تجاهو مقدرش ارفض و هي املها علقاتهم فيه نطق بهدوء: واخا ياله دبا نوصلك لدار و غدا انشاء الله نجي موراك نديك لدار ديالي راه خاوية صافي ياسمين تلاحت عليه عنقاتو و زيرات عليه: شكرا بزاااف و الله عمري نسا خيرك طبطب عليها و بعد تا تمات داخلة طبيبة بعد ما دقات: سمحو ليا نفحص لمريضة اومأ ليها و بدات كتفحصها تا سالات حيدات ليها سيروم و نطقات: صافي امكن ليكم تخرجوها و راه ماتخافش صحة جنين مزيانة ممكن تمارس حياتها مهنية و تا زوجية عادي نطقات زينب : شكرا ادكتورة ابتاسمات و غادرات خلاتهم هما كيوجدو باش يخرجو و امين مشا يخلص خرجو و ركبو فلوطو و كسيرا بيها لدار و هادشي كلو و كارد تابعهم و كيسجل حيت عارف ملي غادي ارجع صقر فراه خاصو تقرير على اش دارت فغيابو
متكية فبلاصتها فدار مادوات مع تاحد باغا تخمم فحريرتها ماعرفاتش اش دير مي لي عارفة انها غادي تحميه و مستحيل تخلا عليه واخا تربيه غير بوحدها حيت ولدها، هي عارفاه مزيان ماباغيش لولاد كان ديما كيفكرها فلفنيد مي هاد لمرة لخرى نساوه بجوج و زائد انها هي ماشي مرتو و لا شي حاجة راه كتبقى زوجة ديال متعة عاهرة من لخر فراه بطبيعة لحال مغاديش ابغي ولدو يكون من عاهرة خصوصا عارفة شخصية صقر مزيان اقتلو ليها و مايخليهش عايش و يسمح فيه ولكن هي ماعندها تا دخل فهادشي هو لي مدارش بحساب و ماخداش احتياط واش هو هجم عليها و يتسناها تفكر فالفنيد فراه مستحيل
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
