قصة بالدارجة المغربية🌹تحت عنوان: #سجينة_العشق🔞🔥

46

🔞🍷سجينة العشق 🍷🔞
بقلمي✏️:خولة غزالي🌺
        🔞📝بارت  46📝🔞

اومأت ليه بإيجاب و بقات ساكتة وهي حاطة ليديها على صدرو و كتشوف فيه بواحد نظرة فشكل امكن نظرة ديال شي وحدة طاحت و غرقات و خاص لي يجبدها يا اما يغرق معاها او يعتقها و هو فالمقابل كيشوف فيها ليد حاطها على مؤخرتها متبتها و ليد لاخرى كتلعب فشعرها و عينيه هايمين ولكن ملامح لبرود وجدية هي لي على وجهو نطق بعد مدة و هو كيشوف فيها
صقر بجدية و عقد حواجبو : انغبر شي يامات ملي نرجع نسمع انك عتبتي داك لقنت او خدمتي بصفة عامة اتكون حاجة خرى ا ياسمين تفهمنا
قدر يلمح حزن فنظراتها و توتر ميلات شفايفها لتحت و نطقات بحنان و صوت خافت كيف عادتها: اترجع؟!
زيرها عندو كتر تا حط نيفو على نيفها غمض عينيه و نطق بهدوء: واخا ماتبغيش ابنتي
بتاسمات تا برزو حنيكاتها حس بيها و بعد و هاهوا عوتاني كتلقي عليه تعويدة ديال سحر قليل بزااااف فين كيشوف ابتسامة ديالها خلاتها تبان بريئة ومتيرة كتر مافهمش كفاش هاد مخلوقة لي بين ليديه و لي متاحة غير ليه كتقدر تجمع بين براءة و طفولة و نضج و اتارة فنفس الوقت
هز ليديه بعد ليها خصلات ديال شعرها و نطق بهدوء: علاش
تمحات ابتسامة ديالها و جات ملامح تساؤل فبلاصتهم شافت فيه بعويناتها و نطقات: اش لي علاش
نطق و عينيه كيشوفو فشفايفها: ماكتبتاسميش بزااف
بقات كترمش لمدة دقيقة كتحاول تفهم سبب سؤال فالأخير هزات كتفها ببراءة و نطقات بعفوية: حيت ماشي اي حاجة كتخليني نبتاسم او نضحك
نطق و هو ساهي فيها بصوت خافت ماقدراتش تسمعو: انا انجيب ليك لحوايج لي كيخليوك ضحكي و تبتاسمو
شافت فيه بتساؤل كتر و نطقات: ماسمعتكش
نطق بملامح باردة و هو كيهبط ليها حوايجها على فخاضها: سيري دبا و ملي نرجع نبغي لقاك سمعتي لهضرة تفهمنا
بتاسمات و نطقات و هي كتحرك راسها بإيجاب: واخا
حيدها من فوقو كيتسناها تمشي بانت ليه حلات لباب و ياله اتنزل تلفتات لعندو باستو فحنكو دغيا و نزلات خلاتو جامد و قلبو كيضرب بجهد للحظة شك واش ايسكت ليه تلفت ليها بانت ليه غادة و ماكتلفتش بتاسم برضى هاد طفلة خلاتو يرجع بحال شي مراهق ،غير بانت ليه دخلات لدرب كسيرا غادي لوجهة ديالو

داخلة لدرب و تاهي فرحانة علاش لا و هي مزال ماطلقاتش من هداك لي خلا قلبها كيضرب ياله وقفات قدام باب دار بغات تدخل تا وقفو عليها 5 لعيالات منهم 2 بنات تقادا ديالها لابسين سراول تجين مزيرين و تيشورط طالع شوية  و وحدة كبيرة عليهم شوية لابسة بيجامة بسروالها و لابسة خاتم ديال زواج باينة عليها ياله مزوجة من لحنة لي فليدها و جوج خرين كبار شوية تقريبا تقدا ديال تلاتينيات لابسين بيجامات طوال و جامعين شعرهم لي مصبوغ بفليل ديال درهم
نطقات لبنت لولى(مريم): هادشي مابقا كيعجب فدرب بقا شوية و يدخلو رجالا لدار
نطقات لمرى لي جامعة شعرها بفليل (نجاة) : لا لا هاد درب غادي فالخسران ولادنا ايتعلمو فيه غير فعايل لقحا*ب
غمضات ياسمين عينيها ملي بانت ليها ماماها خرجات و تا زينب و لعيالات بداو كيطلو من شرجم ربعات ليديها كتشوف هادشي فين ايخرج
نطقات لمرى لي ياله تزوجات(هجار) : لا اختي انا وليت خايفة على راجلي سيدي حمد لا يدورو بيه لفعات مع هو غير درويش اديروها بيه بنات لحرام
ياله اتنطق زينب معاجبها حال تانطقات ياسمين بهدوء : جيوني نيشان و قولو اش كاين
تقدمات لمرى تانية و نطقات(خدوج): انجيوك نيشان ابنت الخياط الله ارحمو
نقزات بنت تانية و نطقات(ايمان) : بنتو مابقات خلات تاحد ابقا يترحم عليه
كملات خدوج كلامها: هادشي لي كديري فيه مامسلكناش حنا ،كولشي ولا عارفك اش كتسواي
قاطعاتها نجاة كتندغ فالمسكة: راه بناتنا اتخرجي عليهم بقا ليك شوية و دخليهم لدار اما تا درب راه دخلو ليه
نطقات هجار: تحابينا واش معارفينكش فاش خدامة كتمشي مع نصاصات ليل و كدخلي تال صباح اش فنضارك اتكون خدمتك
قاطعاتها مريم كتعيوج: من غير هزان رجلين
ياسمين عينيها غرغرو ولكن حاولات تمتالك نفسها بانت ليها مها غير كتسمع و مامسوقاش كانت كتسنى منها دافع عليها مي والو ياله اتنطق تا سمعات صوتها
زينب طفح ليها الكيل صافي تال هنا و سطوب بدات كتجمع كمايم بيجامة و كتنطق بالغوات و كولشي كيتفرج لا عيالات لا رجال لا كبير لا صغير: اااييوا تال هنا و حبسو اش دخلكم فيها ياك الى دخلات رجال لدار راه دارها ماكيتسالها حد و ياك لا حلات رجليها حلاتهم راسها منها لربها نتوما اش مشا ليكم خايفين على رجلاتكم حكموهم حيت كون بصح كانو رجال راه مايشوفوش غيركم كيخاف غير لا داير علاش زعما راكم نتوما عندكم لبنات ليوما علينا و غدا عليكم تاواحد ماعرف لاخور اش كيسوى بلى متبقاو حالين فامكم على والو
نطقات إيمان مغددة كطلعها و تهبطها: ونتي اش مشا ليك ااا حنا داوين معاها نتي اش دخلك داروك محامية عليها و لا تانتي بحالها راه زعما كنشوفكم بجوج
ياله اتنطق تجاوبها تا سمعو صوت واحد دري واقف مع دراري نطق: اتفرقو من ياسمين هي لي بقات ليكم
عضات مريم على شفتها حيت كتموت عليه و هاهوا دافع عليها: ياله ها لي قلنا و العيالات لي عندها شي ولد تشدو و لا عندها شي راجل تحبسو راه هاد القح*بة فيما تسمع حس دكر تعري على لحمها

يتبع ..✏️
كتبقا فيا المسخوطة🤧
تخيلو مايرجعش🙄