قصة بالدارجة المغربية🌹تحت عنوان: #سجينة_العشق🔞🔥

28

🔞🍷سجينة العشق 🍷🔞
بقلمي✏️:خولة غزالي🌺
        🔞📝بارت  28📝🔞

وقف بغا يمشي ولكن مقدرش شاف واحد نظرة فعينيها بحال الى كترجاه كتقول ليه بقا معايا متخلينيش عوتاني اه مقدراتش تنطقها بفمها مي عينيها فاضحينها تاهو بلا عگز اجل كولشي و جلس حداها شد ليها فليديها و ليد لاخرى على شعرها كيدوزها بهدوء غمضات عينيها و ماكملاش 3 دقايق كانت مشات بحال الى كانت كتسنى غير فيه باش تحس بشي حد حارسها و تنعس بلا متخاف
غير حس بيها نعسات وقف بهدوء و تم خارج كل ما تقدر تلمحو فيه هو لبرود ومن غيرو تلمح عروقو لي بارزين وقف قدام نعيمة نطق بجملة وحدة لي خلاتها كافية تبدا تعاود
صقر: دبا تسرسبي اش وقع
نعيمة تنهدات بألم و نطقات: واحد ختنا فزنزانة هي لي متحكمة قبل ماتجي نت كانت كترشي لمديرة باش ملي تعدب لبنات متعاقبش بقات حالة هكا تا جات ياسمين و تاهيا كانت حالفاها فيها خصوصا انها كانت كتغير منها من جمالها و شعرها احم و كانت باغا
سكتات تا قفزات ملي نطق بغضب واضح: كملي
نطقات نعيمة بزربة باش متحشمش: كانت باغا تغتاصبها و لكن تماك فين مشات مديرة و جيتي نت مقدراتش دير مشاكل ولكن واحد نهار فقدات صوابها و ضرباتها و ديناها لطبيبة اه راه نهار لي مشيتي تانت لعند طبيبة و لقيتيها تماك ولكن كدبات و قالت غير طاحت حيت خافت لا تكون تانت رشاتك
سكتات كتشوف فيه صدرو متشنج عليه تفكر داك نهار هز فيها عينيه بنظرة كتخوف و كملات كلامها: من بعد ما تزوجات بيك حيت ماكانتش كتبقا فزنزانة بزااف مابقاتش قربات ليها مي هاد 10 يام دوزات عليها لعداب شحال من مرة نوضاتها فنص ليل باش تصبن ليها و حيت ياسمين مغلوب على امرها كانت كدير داكشي لي قالت ليها و لبارح كانت نهاية ديال هادشي حيت كانت محلفة ليها على شعرها قطعاتو ليها بزيزوار واخا مامشاش منو بزااف و ضرباتها ،بصعوبة باش سقت لخبار و جيت عتقتها
نطق صقر ببرود قاتل كيركب رعب فلي سمعو: شكون هادي
نطقات نعيمة بخوف: عايشة
نطق بجدية: نبغيها ليوم فزنزانة انفرادية و بلا ماكلة و لا شراب و ضو يطفا عليها
سالا هضرتو و عاود دخل لعند ياسمين كيشوف فيها تحنا بشوية هزها و تم غادي بيها ناحية طابق أعلى لي فيه غرفتو دخل و حطها فوق ناموسية و تكا حداها كيتأمل فضرابي لي فوجهها و 100 فكرة فدماغو

بدات كتحل عينيها ببطء كتحس بلحمها مدگدگ تا من عينيها هضرة خرى غير حلات عينيها فصقف و تفكرات اش وقع ليها شهقات بحرقة خصوصا ملي تفكرات شعرها كانت حاجة وحيدة لي كتحاول تحافظ عليها حيت باها كان كيحمقو و على قبلو عمرها فكرات تقطعو هزات ليديها لي كيترعدو و حطاتها على شعرها غمضات عينيها و بدات كتبكي بألم نعسات على جنبها و تكورات بقا فيها لحال بزاااف عيات خصوصا ملي مابانش ليها حداها قالت غير حلمات تهدات بلمزيان گاع داك صبر لي صبراتو 10يام هادي صافي طار دبا
واقف قدام شرجم غير سمع شهقتها تلفت لعندها مخلوع قلبو تعصر دموعها حرقوه طول هاد مدة عمرو شافها بهاد ضعف مخلا ما دوز عليها ولكن صبرات امكن وصلات لحد ديال صبر بانت ليه غمضات عينيها و ضارت جيهتو كتبكي و تشهق بجهد كتحاول تخرج لحگرة لي حسات بيها زير على ليدو و تقدم لعندها جلس حداها غير حسات بليديه و ريحتو حلات عينيها بزربة كتطلب ماتكونش غير كتحلم غير جات عينيها لحمرين و شفارها فازگين فعينيه زادت فلبكا فهاد لحظة حسات بيه هو درع لحامي ديالها حاجة وحدة لي كتمنى يديرها هي يعنقها تحس بحنان لي باغا تحس بيه معاها و حاميها تاهو معطلهاش داكشي لي جا فبالو دارو جرها من عنقها و عنقها لصدرو خشا نيفو فعنقها و بقا على ديك وضعية كيحاول يحسسها بأمان بقاو بحال هكاك مدة هي تبكي و هو كيحرك ليديه على شعرها حرك نيفو فعنقها و نطق بنبرة هادئة
صقر: غادي تندم كوني هانية ابنتي
ياسمين زيرات ليه على قاميجتو و حركات راسها داخل صدرو كتمخشش فيه بعدها عليه بشوية هز صبعو حطها على حنكها تا تأوهات بألم عض على شفايفو و عروق ديالو برزو كانو عينيه حمريين بجهد بقوة غضب نطق بجدية
صقر: علاش ماقلتيش ليا لمرة لولة انها دارت هكاك
نطقات ياسمين بصوت خافت و عيان: قلت غتكون معاها
صقر عقد غوباشتو كتر شاف فيها بحدة و نطق: كولشي نتقبلو اياسمين تال ظلم سمعتي
حركات راسها بإيجاب و هبطات عينيها تنهد هو بحيرة تكا و تكاها معاه جابها على صدرو كيحس براسو توحش دفء ديال حضنها من نهار مشا ماكينعس تا كيبدا اتقلب فبلاصتو جاتو صعيبة انه مولف فراشو عامر تا يخوى
نطق بهدوء كيف ديما: رتاحي دبا تال من بعد و ندويو
حركات راسها بإيجاب و زيرات عليه و غمضات عينيها كتحس بلعيا لدرجة كبيرة واخا يقول ليها نعسي يوماين تنعسهم ،بقا حداها غير حسها نعسات وقف صايب حوايجو و تم خارج من غرفة وقف قدام نعيمة لي كانت قدام واحد زنزانة نطق بجدية
صقر: جيبيها لهاديك زنزانة
حولات عينيها فواحد زنزانة بابها حمر سرطات ريقها حيت عارفة مزيان ديك غرفة ديالاش ،كيعدبو فيها سجناء ولكن غييرر لي داير شي جرييمة نيييت حركات راسها بإيجاب و دخلات لعند عايشة بغات تخرجها تنترات منها و تمات خارجة بوحدها هازا راسها فوق درة خوف مافيهاش دخلاتها لغرفة لاخرى كان واقف تاني كمام قميجتو و حال صدافي لولين غير شافتو عايشة تحلات ولكن دغيا ركبها شوية رعب ملي لمحات لغرفة كيف دايرة كانت باااردة و كتخلع اتار دم فيها و ضواو فلون لحمر نطق صقر ببرود
صقر: خرجي انعيمة

يتبع...✏️