بتاسمات ملي سمعاتها اش قالت عرفاتها سمعاتها من ولدها نطقات بهدوء: الله ارضي عليك و يبعد عليك لعين ياسمين باست ليها ليديها و نطقات بحنان: اميين ياربي صقر لي كان متبع حراكة ديالهم نطق ببرود : ميمتي انمشي تال لعشية و رجع ياسمين راها معاك بتاسمات ليه و نطقات: الله اديك و يجيبك على خير و بنيتي بين عينيا صقر بتاسم ليها زاح بنظرو لياسمين شاف فيها و نطق: لابغيتي ترتاحي قولي لوحدة من خدامات طلعك لبيت صافي اومأت ليه و خرج بقاو هما بربعة فصالون و بدا امين كيعرفها على زينب داز نهار عندهم غير فالهضرة ياسمين و زينب و الحاجة بقاو غير كيهضرو بعد ما تغداو كل واحد مشا لبيتو يرتاح ،امين مشا لخدمتو و لمياء ملي طلعات ما هبطات كتسنى فصقر يراضيها و اديب تغدا فزنقة عاد جا لدار واقفة فالبالكون كتراقب غروب شمس كان منظر زوين مع غربات و طاحت ضلمة تشعلو ضواو لي فجردة حمقها لمنظر كمشات عينيها فواحد لبلاصة كيبان ليها جالس بوحدو تنهدات شافت فراسها كانت لابسة بيجامة نص كم دو بياس فلغوز بارد و دايرة بانضة فنفس لون لشعرها من لقدام مخليا گصة هابطة و تاشعرها مخلياه مطلوق لبسات كلاكيطة و تمات خارجة بعد ما تأكدات ان لبسها مستور مافيها لي يسمع لهضرة من عندو ،وصلات لتحت بان ليها تاحد ما كاين شوية لمحات واحد لخدامة عيطات ليها وقفات حداها خدامة مهبطة راسها ونطقات خدامة: نعام اللالة نطقات ياسمين بابتسامة حنينة: عافاك اختي وريني طريق ديال جردة خدامة: واخا اللالة تقدمات خدامة و بقات ياسمين تابعاها و كتبرگگ تا وصلو لجردة استأدنات خدامة و خلات ياسمين كتقلب بعينيها عليه تا بان ليها ،متحركش باقي فنفس لبلاصة تمشات بخطواتها صغار تا قربات ليه كان جالس فلأرض على ربيع مسرح رجليها ومكالي على ليديه بجناب واخا كاينين كراسة مي فضل يجلس هكاك تاهيا بلا عگز جلسات حداه مربعة رجليها و شافت قدامها ،هو حس بشي حد جلس حداه تلفت ليها بانت ليه بداك منظر جابت ليه ضحك دبا واش هادي يتزوجو بيها ناس بانت ليه باقا صغيرة خاصها تلعب اشمن زواج تنهد مبغاش ينوض حيت هي لي جات جلسات او بأصح باغيها تهضر يسمعها لاش جات لعندو و ماشي بزااف تاسمع صوتها هادئ و حنين خلاه يعيد نظر واش بصح هي صغيرة حيت صوتها و طريقة هضرتها كبر من عمرها ببزاف ياسمين بهدوء : كنت صغيرة ماعارفة فدنيا والو كل ما كيهمني غير لعب و نتسنا بابا يجي فليل و يجيب معاه ميكة فيها دانون لفنيد بيمو مهم گاع داكشي لي كيعجب دراري صغار شوية بشوية كنكبر و كنعرف اش كاين فدنيا من بعد ما جاو خوتي لدنيا كتولي بوحدك كتراقبي تصرفات دياولك باش لا خايبين تبدليهم باش خوتك مايقلدوهمش كنت عايشة وسط بابا و ماما ماخاصني تا خير واخا ماما عمري حسيت معاها بداك حضن حنين و لكن بعدا كنت كنقول عندي ماما و لا الى ضاربت كنقول ليهم انجيب ليكم ماما ماشي بحال شي بنات مساكن معندهمش الأم ديالهم كانو كيبقاو فيا مي دبا كنحسدهم سكتات شوية و هو فالمقابل كيتسناها تكمل باهتمام لقا راسو باغي يسمع كملات كلامها بعد ما حاولات تقوي راسها و ماينزلوش دموعها: كنت ديما كنشوف ماما و بابا كيتغاوتو كنسولو كيقول ليا راه مناقشة ضروري مي من بعد ما كبرت شوية وليت عارفة ان داك لغوات نص سبابو هو تعامل ديال ماما معايا انا و ختي كانت كتعاملنا على اساس ماشي بناتها بل بنات راجلها كون ما حضرت نهار حملات بختي نقول بصح ماشي ماما و نعدرها مي لا كنا بناتها و لي كيحرقني كتر تعامل ديالها مع خويا معتابراه هو ملك فدار اي حاجة بغاها تحدر بالعكس فرحت على اقل دري ماشي بحالنا حيت بنات كيصبرو على عكس دراري اقدر يتعقد ولكن صبر كيضبر من بعد ما كملت 13 عام كنتصدم بموت بابا كتعرف شناهيا انك تكون بينك و بين موت غير شعرة و فلحظة ديك شعرة تقطع بحال هكاك صبر كلو لي صبرت كان على قبلو مي هو مات وخلانا من بعد صدمة قلنا بعدا ماما اتجمعنا و متخليناش نتشتتو سكتات و ضارت شافت فيه عينيها مغرغرين لقاتو كيشوف فيها بفضول و عينيه فعينيها بتاسمات بهدوء و حزن و نطقات بعد ما ضورات راسها لقدام مكابرة دموعها مايدوزوش: ساعة كنتصدمو بالواقع ماما خرجات تخدم و داكشي ما كافيش نهار طيح كنبقاو بجوع بزز مني خرجاتني من مدرسة كان لي كيسولني كيقول ليا شكون خرجك كنقول انا مي لا هي لي خرجاتني حيت مصروف مدرسة كتير اضطريت اني نخدم فاش ما كان مرة كنبيع الخضرة الميكات لي طاح فبالك بعتو مرة كنت كنخدم فديور شوية شوية حمل بدا كيكبر عليا ماما جلسات من خدمة باش تقابلهم فدار بقيت هكاك كل مرة فاش، بديت كنكبر و مرة مرة نخدم فلقهاوي تا وصلت لهاد سن و خدمة غادا و كتقلال كيجي شي ايام مكلقاش خدمة تا كنتصدم بالهضرة لي خرجات من فم ماما و يا حسرة ماما عرفتي اش طلبات مني شافت فيه و شاف فيها نطق بهدووء : تخرجي من دار حركات راسها بنفي و عينيها شلال نطقات بنبرة حزينة و حرقة فقلبها: طلبات مني نخرج لطريق و نولي عاهرة حيت ديك طريق لي تقبل عليا و تعطيني لفلوس قالتها لي بهاد طريقة
يتبع...✏️ فنضاركم معامن كانت كدوي 🤔 البنات هادو كانو أجزاء اليوم و بغيت نبشركم ياخوتي قصة قربات تسالي بقاو فيها شي 10 اجزاء ولا 11 قولو توقعاتكم فنهاية واش اتكون سعيدة ولا حزينة💃🙆 زينب👇
Oops! This image does not follow our content guidelines. To continue publishing, please remove it or upload a different image.
