ناب الذيب

بارت (٢)

يا أيتها النفس أهويه وجربي الخمر الممنوع واحتسيه وذوقي مرهُ وأجرعيه،
ستنالين العقاب الإلهي وتبهتين
ستمطر عيناك ندماً وينفطر قلبكِ وجعاً
وستعلمين آيات الصبر آتيةٌوخبائث الروح زائلةٌ
ستعلمين بأي وهم وقعتي
حواء ستنالين جزاء ما تفعلين
ستعلمين.....🥀🥀

بقلمي/زينب عبد الرحمن

________________🦋🦋_________________

لبنى: عبرت المطبخ وجان اسمع صوت امي بس بشكل غريب تقربت اكثر ،

جزء مني يرجف وجزء يريد يعرف

لزمت يده الباب لاحظته مقفول صحت ماما التفتت ماكو صوت ابوي واخوي يمكن رايحين يشترون لسهرتهم

اعرف هالصوت لأمي بس عجيب ماكو توقعت يكون جن لان ماكو رد

ركضت لغرفتي ارجف واردد كلمات سيد مصطفى(يا ساتر استرني يا لطيف الطف بي يا رحيم ارحمني يا منجي النبي من بطن الحوت اغثني ) يا اللهي مالي غيرك

ذكرت انو نقرأ الحمد ويروح الجن دمعن عيوني ياربييي كمت اقرأ وارجف

انفتح الباب واني احس قلبي وكف اطرافي جمدن ايدي ما اسيطر عليها من الرجفة

شفت امي بجيت من كل قلبي اجتني شبكتني وتحاول تهدئني

اماني: منو وياج ولج كولي احد تحرش بيج اكو ولد لحكج كاتليج احجي

لبنى:اريد احجي ماكو اني من اخاف ما اكدر انطق اخلصها بس بجي

ضربتني راشدي لو اني موتت نفسي من البجي
آخر شي عافتني وطلعت معصبة

ورا ساعة هدئت بس عيوني يحركني وراسي صاير طبل

كمت غسلت وجهي سحلت نفسي بدلت لبست دشداشة حمرة طلعت حلوة عليه ابتسمت ابتسامة بتعب

نزلت شفت امي تنظف نزلت الها شلونج ماما

اماني:تعالي ولج ليش مساع تبجين كلت تسكتين وافتهم احجي وديري بالج تجذبين

لبنى:كلت اكلها احسن وما اجذب سولفت الها كلشي
شفتها صوفر وجها ودموعها بعينها واذكرت اكلها رحت مرحلة جديدة

اماني:كح....ة اموتج اليوم

لبنى:انصدمت منها كامت تضربني كلشي ما مسوية أذتني كلش

دفعتني صارت طيحتي على الحديدة مالت السنك (كبل جانو سنك يكعدو على ارجل حديد فهمتوا)

طلعت من المطبخ وراحت سمعتها ضربت باب الحمام حيل

كامت تصرخ خفت كمت أراجع حجيي يااا شبيها امي بس لا صدك اذاها الجني

طلعت انصدمت عيونها مورمة خدها مخرمش تقربت منها تباوعلي بغضب سكتت خفت تكتلني

عبرتني وملابسها كلها ماي بقيت بحيرتي

خلصت العطلة بتعذيب من امي على شنو أجهل السبب