تشكي من جرحك يعايـــل
چا جــرح غيــرك رخيــص ؟
لـــِ ڪاظم العطشان
لبنى: فتحت عيوني على وسعهن شبيها هاي ليش هيج دكول انسحنت روحي
التفتت للمرة يلي واكفة بصفها وكالت
نجلاء: لج لمي بناتج دجلة لا تجرهم لدرب اخخخ بس هو صوج نورية
تلفي منو الجان
دجلة:شبيج وياها نجلاء طفلة شبيج انهديتي بيها شتعرفين عنها!!
نجلاء: ولج امبينه حية ملعبة ديري بالج منها
وانت هناء تعالي كعدي هنا لا تفرفرين وياها
امج وخواتج بالموت الكرفهن دومها هيج خوثه وما تاخذ الحجي وبعدين تتورط
مو من تنهب وحدة من بناتج من ورا هاي تنوحين
لبنى:دموعي نزلت غصب عني سممتني
اختها كعدت وهي ضايجه تباوعلي بقهر عفتهم ورحت للمطبخ لا اكدر اطلع اتنفس براحه وابتعد
باقية كبالهم واتسمم بحجيهم
عبالي اتونس وارتاح تالي ما احصل غير الغلط والقهر
فتحت حنفية السنك واشمر على وجهيي
احس وجهي يذب نااار
التفت لباب المطبخ شفت حسين ولد شاب شايلين القناني
كعدت بالمطبخ كلت مالي خلك يحجي
لفيت حجابي عدل بدت الدنيا تحتر
وانا منا ميته قهر
لزمت الكلينكس امسح بعيوني ويرجعون يكتون دمع
وين يلا سكتت كلت اغلس جا شسوي
يتيمه وصفيت من ايد لايد
هذا حالي من جنت عد اهلي ومن ماتوا
الله لا ير...... استغفر الله ، الله يغفرلك دمرتني
كمت اعدل بنفسي
خلي اخلص اليوم شلون مكان هم شكد يردن يطولن للعصر لليل ويعزلون
رحت يم الحجية جانت خالتي نجمه لازمة الوصلة وكاعدة على طابوكه تسولف ويا الحجية يلي
تفر المنظم حتى تنصي النار على الجدر
حجية اساعدكم بشي!!
حجيت وعيوني بالكاع لان ورمن
خلصت البيت نظيف وضيفتهم هم
الحجية: عفية بالنادرة، يمه خاف وحدة تغثج لا تردين يبلنج تعاي الي انا اردهن
نجمة: والله اذا حجت وحدة منهم اشكها جا موش مرة وبت امها وابوها يلي تغث بنيتنا
لبنى: ما تقصرون لا محد حجه حبابات
YOU ARE READING
ناب الذيب
Werewolfبينما انت في قتال شرس تُصارع للبقاء تجد نفسك غريقاً متمسكٍ بقدركَ.. ستشعل وتحرق من معك ولن تكف عن العبث حتى يتحقق القدر .. "نحن نريد ونطغى في الطلب والله يفعل ما يريد" الكاتبة/زينب عبد الرحمن
