ناب الذيب

بارت ٢٢

و ازعلنڪ
لذتڪ بـ العشگ من تغتاض
تتگطر إشفافك عسل گنطاري

(و اراضيڪ بـ ولڪ يا بعد هاي وهاي)
و اتعذر سنه و ما تقبل اعــذاري

لــِ عريان السيد خلف

لبنى:، موتتني والرجفة اخذتني عبرتي وهي دك على خدها ودور على  الحجية

وتصيح تصخمتوا وتعزيتي تصخمتييي

متتت حسين بقى صافن مذهول مثلي

طلعت الحجية من الغرفة الوجه اصفر لزمت بالباب وكالت

الحجية : شبيججج منو ماتتت

هناء: لج حجية مصيبة مصيبة يبوووووي يمه يمه قلبي راح يكوف الله لا ينطيجن الله  يحرك قلبجن مثل ما حركتن قلوبنا يا بنات ال*****ة
أمهات ******  ال*****ت

الحجية :ولج موتينا صخاااااام ولج كولييي شبيج هديتي حيلي

لبنى : شبيج هنااااااء احجي وجسمي كله يرجف

كلت هسه دكول واحد مات بس المصيبة جانت اكبرررر بهواااي مستحيل جنت اتخيل ممكن الانسان توصل بي لهل المواصيل

كعدت على الدرج الحجية كابلتها ودكلها احجي فتيتي قلبي وحسين اخيراً تحرك   

اخذت كلاص ماي وايدي ترجف كلت على ساعة يطيح من ايدي

مديته الها وايدي ترجف بشكل مو طبيعي اباوع بالوجوه مو اقل مني

هناء: كاعدين نتغدة وخابر ذياب على سعيد يكله شوف شنو بيتنا صاير اثاري مخابري الجيران

كايلين اله يم بيتكم زلم 

هو لان طالع بغداد كلبه صاير نار راح سعيد وانا الوب  اخاف طلابة وتجي طلقة تايهه 

يوووووو يا طركاعتنا يا مصيبتج يا لبنى سودة عليه

الحجية : يااا  يمه ولج راح تجلطيني كملي

هناء: بلعت ريك وكملت وهي تلهث 

يووووو حجية شيوووخ من المحافظات جاييين تخزينا من وراهن

خالتي ***** ماخذ بناتها حتى ام رأس مشكوك ومخلية الولد طالعين محد بالبيت

لبسي وطلعي للناصرية لبيت شيخ معروف يااا يمه

ومجذبة هواي واخر شي ختمتها من كالت كتلو بناتي لان رادن يحجن ما تحملن يشوفن الحرام بيت رجال فقير 

ولكم دكول شافن حسين ولبنى بوضع رجال ومرته

يبووووي راح يكتلوكم    

حسين  طول حديثها هو ساكت جحض بعيونه باخر شي كالته راد يطلع لزمته الحجيه

الحجية: حسين بس تطلع أغضب عليك ولك يمه والله راح انجلط