ناب الذيب

بارت ١٠

أنا صامدة....🦋
رغم ثرثرة عقلي المؤلمة 🥀
وصراخ قلباً قط أمتلئ بجراح وغدةٌ
واتساع سواد الليل الذي أحاط عيناي
ورغم ذاك ألالم الحقير في حنجرتي
و عجزي  عن البوح بتلك الحروف العالقة في حبالي الصوتية، ما زلت أردد داخلي أنا صامدة.....

لبنى : التفتت اشوف منو

جان اشوف مرة جثلة (يعني ضخمة ،عملاقة، حجمها حجم رجالي 😂🤷‍♀️)

حجت وهي مستغربة

المرة: منهو أنتِ !!!

لبنى: بقيت ساكته شحجي ما اعرف شحجي بقيت بس اباوعلها

عبرتني وهي تصيح يا اهل البيت تردونه لو نروح

صراحة اخذني الفضول اعرف منو هاي

شفتها تسلم على الحجية والحجية تحسها فرحانه من كل كلبها

نجمة:خيرج شجرالج وهيج مجودرة!!!

الحجية: خية البارحة ثكلت بالاكل  وكعدت لوية وسهال بس هسه الحمدلله زوينه

نجمة: حبيبه ما على كلبج بس العافية

اكلج نورية هذا حسيون شبي يعارك ذبان وجهه

شفته باب الديوان يهذري ويا روحه

الحجية: هو مسودن ومسودنه ويا عوفج منه هسه يرجع ناسي الزعل

نجمة: اي جايتج بحجوة بس قبلها منو هاي البت مو من عربنا ولا من كرابتنا جا منين!!!

الحجية: هاي لبنى بتنا وردة وما حاجة امدحها انت تعرفين البت من مشيتها

وسالفتها سالفة امرج باجر ونحجي.

نجمة:مممم اي يا نورية البت لحمتها طري وعيونها فاهية ما ندشها خبث

ما اكلج فقيرة بس ما هي مكارة  تعرف تفكر قبل ما تخطي

خطواتها ثابته من تمشي

حلوة البت يا نورية وبت بيوت وحسين شاب وانتِ مرة راسج والمخدة 

فتحي عيونج وعيها بت ولازم تاخذ حذرها

شما شفت المقابل حلوو ابقى حذر

الحجية: اييي يا نجمه البارحة افكر بس استخطيت احاجيها كلت اخاف يحز بخاطرها وتتكدر

وانا ما اتحمل اكدر خاطر احد ينمرد كلبي

نجمة:نورية شكتلج ذبحيها هو كليلها تاخذ حذرها حتى لو نعرف الولد ما تطلع منه العيبة

الزوم واحد يحتاط

الحجية : ما ادري شكلج الله كريم

شخبارج صحتج البنات وين ليش ما اجن

نجمة:من الله بخير ورحمه،  بنات الجلبة نجلاء الحياية يجهزن لعرس اخوهن

الحجية: هههههههه والله دجلة فقيرة وبناتها نسخة منها ونجلاء الله يهديها خلفتها البنات بالضيم