ناب الذيب

٣١

نزع احدهم قلبي
و وضع في صدري حجرة
علي ان اكمل يومي من غير هم او حيرة
فيبان على وجهي كُل عجزي
فأغمض عيني من مرآتي
أن ادرك فيها نفسي .

لبنى : هذا حسين !!!!

جان ياكل ويضحك ويا ولد مقابيل محل مال اقمشة
قريب علينا

اريد اروح اله بس اخاف يفشلني

شوي وشفته ركب سيارته وراح ؟

وانا واكفة اسمع احد يصيح اسمي وانا فاقدة
زاد كرهي لذياب كلشي صار بسببه

شي داخلي يكرهه وشي داخلي يريد يعوف الدنيا ويعيش لوحده

حيييل تعبااانه وتحطمت من اذيت حسين

هذا الشخص حتى صعب اوصفه اغلى من روحي

شلون قبلت اجرحه شلووون انطاني قلبي

حسيت بشخص يهز اكتافي بقوة

بديت استوعب احنه وين شفت الناس تباوع علينه

جرتني خالة من ايدي وهي تحجي عليه بس احس نفسي لسه ما واعيه كل هاي

يروح بالي للبعيد

دخلتني لمحل ملابس كامت تجيب وتخلي هواي اشترت

هوسه الناس ضوجتني كمت ضايجة

انتظر تخلص

واخيرا حاسبت وطلعنا

شلنا العلاليك وهذا الولد واكف يم سيارته يدخن

ما ادري ما ارتاحيت اله !

رغم لا يباوع لا يحجي بس قلبي ما مرتاح اله

حتى ما كلف نفسه واخذ العلاليك منا شكد ما عنده ذوق !
اوووف شهل التعب دخلت وصار العلاليك بكل مكان

هاي بس لا راح انا ابتلي بيهم يبوووي

ساق سريع وصلنا للبيت شفت الباب مفتوح

دخلت وانا عيني تتفقد اريد اعرف منو هنا

توقفت من شفت بنات اختها لخالة

مرت سعيد  ومريم وجانت وياهم بنية اول مرة اشوفها وطفله ايه من الجمال تلعب يمها

دخلت ساكته اباوع الهن

هن كامن باوسني ويباركن وانا بس ساكتة 
استحيت منهم ابتسمت كواا مجاملة

وهن كعدني وبقن يسولفن ويضحكن الا انا احسني بغير عالم

مرت سعيد كالت راح اخذ اغراض مرت حماي وارتبهم وانتن تولن المهمة الثانية

تحجيها بضحك بس انا دك قلبي حيييل

دخلت للغرفة وانصدم كل اغراضي بجنط !

صارت صدك  .

كعدت على ركبي ارجف اريد اسيطر على نفسي ماكو