ناب الذيب

بارت ١٤

ذياب يكول لبنى؛
گول اجيك عيون ذيب وغيض حيه
وغيمة مروه وهبوب عذيبي اهب "

_______________🥀________________

حسين : لا تبصبصين لج 

لبنى: هاي شبيك حسين ما يشوفني

حسين: حيوانه شنو ما يشوف وهذا اللايت شنو يفصلج تفصال زماله

لبنى: يا فلك بطلت ما اريد اباوع

دار وجهه ما عاجبه ما كدرت المح شي صار فضول يموت

سمعت الحجي يودع بيهم انسد الباب وحسين كال ايييي كلعه ابو النسوان

لبنى: هو منين شاف النسوان    ليش تتبلى

حسين : ادبسزز ناوية يشوفوج

سكتت   اعصاب صاير دخل الحجي يمشي بصف الحجية

حجه الحجي  وهو يوجه كلامه لحسين

باجر عزمت بيت ابو رعد  وبيت ابو هناء

لان ما كدرت اروح اتبارك الهم عاد نعتذر منهم بعزم العائلتين

حسين:هاي هي حجي بس هاي باجر اكعدلها كعدة بس المح واحد يباوع عليها اكتله

الحجية: حتى اكطعك حسييين

دخل حسين كبلنا معصب

بقيت اسب بنفسي شطلعج لو الا تصير مشكلة من وراج يلا ترتاحين

الحجي دخل ضايج من حسين دخلوا هو والحجية لغرفتهم حسين ماكو يمكن صعد بغرفته

انا بقيت اتكرضم شسويت فلكني

لميت المواعين ورتبت كلشي رحت غسلت وجهي

واني بعدني الوم بنفسي

طبيت للغرفة فرشت ونمت

كعدت على صوت جدورة وحسين يكلهم بعد شنزل

رفعت راسي على الساعة جانت ب٧ 

كمت امط بجسمي خرب اليوم عزيمة

دفرت الفراش بملل

شلبس صفنت صدك شلبس!

فرغت الخانه ما مله عيني غير الحمرة لبستها فصلتني تفصل

جان جسمي اكبر من عمري

يعني معالم انوثتي بارزة

شفت خلفيتي مبينه  بس مو كلش كلت يلا هو بالبيت 

عجبني اليوم اتفنن بالكصيبة صفنت بشعري اي حلو

اي انا حلوة شعري ثخين وطويل

صح سمينه بس مو كلش مرتب جسمي

ملامحي عادية بس تجذب 

اكثر شي يجذب بيه هو اسناني من اضحك تحس طفل

ضحكت يلا هو صح راح نشتغل وبدت الدنيا تحتر بس يلااا اهم شي اكشخ

شفت من حياتي البسي يمعودة حتى لو للجدر ههههههههههه