ناب الذيب

٢٨

‏{أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ}

صرت اضرب على نفسي اريد انهي  الوجع

حسيت مكان رقبتي  يتشكك ويلتحم

اجيت اتخبل

طلعت كبل للمستشفى  اول ما طبيت صادفني ممرض بعدها ما ادري شصار

اصوات ما مفهومة
اشخاص يتحركون يمي
جسمي ما اكدر احركه

فتحت عيوني ما وضح عندي شي سديتهم وفتحتهم اكثر من مرة يلا وضحت عندي الصورة

الم براسي بس خفيف

انا وين !!!

التفت حواليه اتفقد المكان

انا بالمستشفى؟؟؟؟؟

فركت راسي اريد اعرف ليش مجاي اعرف شبيه !!

سحبت المغذي وشمرته

ما هتميت للوجع احس عقلي متشتت

كمت اريد اطلع اول ما طلعت من الغرفة شفت دكتور باوعلي واجه يركض عليه

الدكتور : ابني هاي ليش كمت !!

ضغطك هابط كلش

ذياب : دكتور صار شكد انا هنا ؟؟

الدكتور : يومين انت ابد ما صحيت ايضا بسبب ارتفاع الحرارة الصابك لو ما لطف الله جان متت
بس الله يحبك وكتبلك عمر لان  ضغطك مصفر تقريبا ..

ذياب : الحمدلله
دكتور اريد اطلع اهجس نفسي مختنك

الدكتور : براحتك بس انصحك تبتعد عن كلشي يوتر او يثير اعصابك حاول تنطي نفسك راحه تامة

وبالفعل اخذت اغراضي وطلعت للبيت  اول ما وصلت لباب صفنت

احس شي ناقصني !

دورت بجيوبي المحفظة السويج التلفون كلشي موجود

بقيت افتر حواليني ماكو شي ناقص !

طبيت وانا شارد اعد الاشياء بداخلي على امل انو اعثر على الجزء الضائع مني

مدري هو شعور اثر المرض والتعب

اي اكيد هيج

طلعن كبالي البنات بقن بمكانهن لا سلمن ولا انا سلمت

امي الماخذة ركن وتخابر وتضحك ولا مفتقدة ابنها
بلكي متت ما يحسها قلبها !!!

صعدت للغرفة وانا مكدر خاطري

تعلمت اطبطب على نفسي

قفلت الباب ونمت اتهرب من واقعي

مرت الايام وانا اهجس تزداد الخنكه صرت عصبي الى درجة

البيت داخل انذار محد يفتعل مشاكل

مرت فترة بحدود الاسبوع هيج وانعزمنا بيت الشيخ