ناب الذيب

بارت ٨

ضـل ويــاي مــــا ضيعـك بلايــه  وداع
اشوفـك رحمـة الله والرحمـة ماتنبــاع

لــِ عريان السيد خلف

كاعدة اعوضكم بارت احبكم حلاوات قلبي 😩💛

الحجية : جا يمه تريدني اعارك الوادم هو آبنادم الما يعرف الرحمة اغث روحي اتعبها بالزايد ليش  !!

اعوفه لربة هو يرد لو اتعارك ويا هذا وذاك انوب منو يريدني حتى محد يلفي فاتحتي

حسين: ام دودة جبرية ما تلفي هنا بعد، وهذا حجيج يغثني وين ما تكعدين اكعد وياج وتعرفيني اسويها الا اكتلها حتى لو خالتي

الا اخليها ما تندل دربها يغثونج وأنا موجود والله الا ازين شاربها

الصار سنين تلفينه بي كل عيد تعيد بي

خو ريحة اباطها متروسة اصنان

الحجية: يا يا فلكك حسيون شجاك هديت على المرة

الحجي: هههههههههه بهاي اوافق ابنج ذاك اليوم سلمت عليه بالمطبخ اشاهدت على ما خلص سلامها

الحجية : يا انوب الحجي صف وياا لا تاخذون غيبة الناس

وانت حسيون رايحة اجهزلك الحمام

لبنى: واكفة بالباب اريد اعرف هذا منو كل حجيهم وانا واكفة بالباب من كامت الحجية انتبهت إلي

والتفتت للولد كالت اله يمفلوك نسيتني هاي البنية صارت بنيتنه

راح تصير هي ام البيت وان شاء الله ما نقصر وياها

الحجي:تعاي بابا لا تستحين كعدي يمي

لبنى: انتبهت على نفسي لابسة عباية اوو هسه هذول شيكولون عليه

حجيت بالكوا

لا عمو اخذو راحتكم  بس فزعت من الصوت عبالي بيكم شي

وافلت ههههههههههههه
____
الحجي  : اهرجت البت المسودن

حسين : حجي راح اغلس على حجايتكم عبن جنت زعلان فما يصير زعلتين سوا دام راضيتوني راح اغلس

الحجي: واذا زعلت ولك

حسين : اصلا ما يهمك زعلت لو لا بس تتصل عليهم

ها حسين وين ، لا تخلو يطلع، خلوا ياكل،  سواله كليجة يحبها،  اشتروله جمه وفلافل

ها حجي لا عبالك ما ادري

الحجي :  خرب بعشيرته يلي يحجي وياك اطلعة من دينه، 

خييير شو كعدت!!!

حسين:شنو سالفتها هاي ومنو شافتني خلت وشردت  شايفة جني!!

الحجي؛ولك  غير موتتها وجلطتها بجفتك بالله احنه متعودين عليك الا هي انفزعت كالت هذا المسودن منين اجه