ناب الذيب

بارت ١١

أعيش!!

ولا اعرف كيف سأعيش،  يتأرجح الخوف في تلك المسافة ما بين عقلي وقلبي.

سوف أنتزع رداء الخوف أولاً ، ثم أعيش على حافة الانهيار  خوفاً من خذلان  يصيب قلبي...🥀🥀

حسين :شمعرفني ولج ،

هسه انتِ ليش مدوخه نفسج اصلا لا تفكرين الحجي والحجية اهلج وانا اخوج وسندج

عيشي يومج ولا تخلصي بتفكير

واذا عرفتي شراح يتغير فلا تمشين ورا شلعان القلب

امشي نظفي الديوان وانا ونيس الج هههههههه
امشي ورا تعب ظهرج ولا اتعبين قلبج

يلا لبينه شبيج راح تعوين

جاي اعرض عليج انظف وياج وانا من اجيت لهنا ما منظف

لا ملابس ولا بيت لو الدنيا تنكلب ما اسوي شي

بس دام اساعد اخيتي لا هنا يختلف الحجي

هنا حسين يصير غيررررر

لبنى: جان يحجي واني اكول صدك ويا حق خلي اعيش بدون تفكير اتوكل على الله

وارضى بلي انكتب الحمدلله دزلي اياهم

صرخ حسين طورشني

حسين:دكومين لو لا ترى عرض ما يتعوض!!

لبنى: ابتسمت اعرف جاي يحاول  ما يخليني اضوج
الصراحة يلي يتقرب منه يشوفه شكد انسان طيب

عايش بضحك وشقى وحتى لو عصب شكله يضحك

هههههههه

كمت ويا   ابتسم التفت الي وكال

حسين: روحي وهسه اجي خلي ابدل

لبنى: خوش اني راح اطلع الفراش على ما تجي

صعد بدون ما يجاوب من اجه ما صعدت فوك   استحي اصعد

هو جنا الصبح مسودنين ههههههههه

رحت للديوان فتحت الباب ريحة جكاير ادري هم ٣ شدعوا هالريحة

تلعب النفس الريحة

رفعت الشال وخليته على خشمي وفتحت حلكي اتنفس منه

شفت الكطوف بالكاع  اخخخخخ

كمت اشيل  المخاد افتح الوجه فتحت ٣ اجه حسين

حسين: اجيت يلا شنو نفتح هذن

لبنى: اي حتى نغسل الوجوه بعدها ننكت المخاد من التراب ونخليهم شوي على  الشمس 

بدا حسين يفتح بس عبالك يتعارك وياها

الديوان بي هواي مخاد (قبل شيسون مخاد وسجاد
يترتب المخاد على الحايط داير مداير الديوان )

جان جبير ومليان مخاد يا بوية هاي بس هذن وهدن الحيل

حسين كال اني اشيل هذن اكتلهم ههههههههه وانت شيلي هذن  غسليهن