حسين : فتحت الاتصال وخليته على اذني
اجاني صوت الحجي معصب
الحجي: حسسسين ارجع للبيت الناس كامت اطلع عليها حجي
حسين : انا وين وانت وين حجي
الحجي: حسين لا تخليني اجي اطيح حظك اعرف شلون تحجي
حسين: من الاخر حجي
الحجي: ارجع للبيت هسه ادز وحده
يبقى يمها حسين البنية بغيبوبه
يعني اذا بقيت اولا مراح تكعد
حسين : ما اكدر حجي تعذرني
الحجي :اذا ما اجيت تجبرني اطلعها من خطيتي !
حسين : شسوي يعني تشمرها بالشارع لو تشمرها على هالحيوان !
الحجي : الحيوان رجلها بس خل يبقى بالك!
بس لا مو هيج . اروح ادور عمامها وارجعها
حسين: حجي من الاخر لبنى بركبتي
تموت اموت روحي
تعيش اعيش
تبقى هنا دهر ابقى وياها لحد ما الله ياخذ امانته
الحجي : يصير خير حسين لا تعاتبني بعد على الي يصير
حسين : ولا راح يصير
سوي الي تريده حجي
دير بالك على نفسك
مع السلامة
ما انتظرت اسمع رد منه سديت الاتصال وكمت اكمل الي بديته من فترة
بلشنه بنقل لبنى لمحافظة بعييد عنهم
بدون ما ابلغ احد
زورت ولعبت لعبه اعرف اكو الما يصدك
واكو يصدك وينسى
انطلقت البغداد بدون اي شي لا ملابس ولا شي
عدا العمارة الي اشتريتها من سنين
من جنت اشتغل ويا ابوي بالعقار
الفلوس الحصلتهم اخذتها الي
اي فلس من الحجي ما اخذت
طلعت الشريحه وكسرتها
ما اريد اعرف عنهم شي خلص
من هاي اللحظة تغيرت حياتي
اجت عيني على كلمات من قريتها اعلنت دخولي لعالم اخر عالم مخفي
يارب صبرني بعدني بالبداية وهلكت
وصلت للعمارة الي راح نبلش منها
اجوني ممرضين اثنين وطبيب سامر صديق عزيز وقديم عندي ويا مواقف هواي
نقلوها واكد الي تحتاج اهتمام هالفترة
وحاول يلمح الي صعوبه هالشي كوني ابقى غريب عليها
فكال ادزلكم ممرضة براتب شهري
وثقه انا اعرف ممرضة كد هالشي
بس وافق وانا كل فترة امر عليكم
اي شي تحتاجه ....
قاطع حجيه صوت التلفون نزل بنظرة عليه يقرأ الاسم وجاوب
YOU ARE READING
ناب الذيب
Werewolfبينما انت في قتال شرس تُصارع للبقاء تجد نفسك غريقاً متمسكٍ بقدركَ.. ستشعل وتحرق من معك ولن تكف عن العبث حتى يتحقق القدر .. "نحن نريد ونطغى في الطلب والله يفعل ما يريد" الكاتبة/زينب عبد الرحمن
