ناب الذيب

بارت ٧

‏
الدنيــــــــــا لو رادت تذلــك
تعتني ‎لگلبك تلچمك بالعزيز

لــِ عريان السيد خلف

____________🥀🥀___________

لبنى: دخلت للبيت مستسلمة للواقع

الحجي كعد والحجيه لمتني بحضنها

جنت محتاجة أحد يحسسني بحنيته

بجيت وهم ساكتين وين يلا سكتت

رفعت راسي شفت الحجية مدمعة مسحت عيونها بشيلتها

وكالت اني امج لا تبجين يبعد روحي

الله يرحمهم امر الله هذا

الحجي: وانا اصيرلج ابو احاميج من كلشي واخليج بعيوني أنتِ من هاللحظة بركبتي أمانه ليوم ربي ياخذ أمانته

لبنى:ارتاحيت نوعاً ما

الحجية كالت الحجي شوي ويطلع عدهم كعدة تعالي اوديج ترتاحين

لبنى: رغم ما شايفة النوم بس مجاي انام اعرف لو بقيت لوحدي توجر ناري وتحركني

كتلها لا حجية ابقى يمج اساعدج

حسيتها فرحت

الحجية: كومي يمه وياي ونيس يمي بالمطبخ

لبنى : صدك كمت وياها جان مطبخهم جبير اثاثهم يخبل  

بس ما كل هاي مرتب يمكن لان مرة جبيرة وما تكدر

تذكرت شلون بيتنه خفت احسدهم

صليت على محمد والحجية انطتني وصلة وكالت البيت بيتج مسحي الثلاجة واني راح اكنس

ما قبلت بالتواسيل كعدت تلقط خضرة

كنست بس المطبخ يفحط

نظفت واحس لازم اطلع اجر كعدتي هنا يعني اشتغل بحركة كلب

ساعتين ونص يلا خلصت طابقين واني بطيئة وما متعلمة

كتلها شسوي بعد

كالت يمه تعبتي كعدي جايه تشتغلين شبيج

كلت لا اني مرتاحة هيج جن حست بيه كالت هو شبقى بس الحمامات والحديقة هسه نطلع اني وياج

رحت جبت السطل وترسته ماي
وبديت انظف خذاني الواهس اجلف اني يلي عمري ما منظفة اليوم مدري شجاني

صح مو شغل قوي بس يمشي حاله غسلت

وخلصت رحت دخلت جانت تلقط بالتمن

كالت راح اسوي تمن احمر وسمج شوي تحبي

بقيت صافنة بوجهه شكلها ما ماكلته بقلة حيلة وصوت واضح بي المستحه كلت اي

شنو هذا شلون طعمه تحس الدنيا حقيرة بهيج موقف   

لو امي هنا وتاكل وياي منه جان فرحت اتنهدت بقهر
الله يرحمج يا روحي