ناب الذيب

بارت (٥)

غادرتني وكأني لم أكن هناك حين ذاك
أحرقتني عندما أستدارت تبحث عن أحضان تستوطنها وأنا هنا ، اناديها في داخلي أنا هنا صدقيني فقط أستديري ، ذهبت وعيناي رافقتها انهمرت دموعي وحاوطني سواد دامس احتل بصري ولم يفارقني

بقلمي/زينب عبد الرحمن

_____________🥀🥀______________

سيد مصطفى: ام لبنى اني ارجعها واوديها على مشكلتج على الطريق اني اتحمل مسؤليتها

اماني: سيد انت تعرف البنية باجر عكبة من يسمعون سوالف ابوها واخوها منو ياخذها اخليها كبال عيني حتى محد يلثكها بحجاية لو يطمعون بيها ولد الحرام

سيد مصطفى: ام لبنى اريد اتزوج بنتج على سنة الله ورسوله

اماني:شنوووووو

سيد مصطفى: ما بيها شي ام لبنى رايدها بالحلال اصيرلها ام واب وكلشي تريده

ادللها واعوضها عن كلشي ومستعد اجهزها اغلى جهاز

لبنى: بقيت صافنة اريد افتهم شجاي يحجي يزوجني شنو؟

اماني: ما ازوجها

سيد مصطفى: شنو يلي يمنع

اماني: اكو الحق منها بهذا الزواج

سيد مصطفى:ام لبنى راح اعتبر هالكلام ما سمعته واعيد حجيي اريد بتكم حليله الي

اماني:، وجوابي واحد مراح يتغير

لبنى:صار جدال قوي بين السيد وامي ما اعرف امي شبيها عصبت هلكد تعرف ما اريد اتزوج

السيد يلي شراينه برزت وكل شوي يمسح كصته بهل اثناء دخل سيد احمد من براا استغرب وكعد

سيد مصطفى:يابه الله يساعدك هاي شوف طلبت ايد لبنى حليلة الي ما تقبل تنطيها بسبب مشاعر طيش

احبههه بوية ادللها اطلعها من المنطقة كلها اعيشها ملكه

لبنى:التفت الي وعيونه مغوركة

سيد مصطفى: تقبلين تزوجيني!!!

سيد احمد:مو هيج ابني اهدأ ام لبنى عمي ابني بي غلط دربة عوج كافر!!!

اماني ببكاء:حشى والله خوش رجال

سيد احمد: جا بوية شنو محجوزة البت كاطعين مهرها؟

اماني:لا

سيد احمد:يعني حجي مصطفى صحيح!!!

اماني:بس مو طيش اني المفروض مكانها انا وبس
خلي تاخذ كلشي مني الا هالشي اني احق منها بي

سيد احمد:بابا لبنى اكعدي بالحديقة واطمني محلولة

لبنى:جان وجودي وعدمه واحد

طلعت على المرجوحة واحاول ما افكر بلي حجو بس يبقى سؤال بنى حاجز جبير داخلي بعد سيد عني