ناب الذيب

بارت( ٦ )

القسوة التي أنا عليها اليوم لم تكن عبث،

بينما كانت الأيادي متكاتفة معاً

كنتُ أنا المحارب الوحيد لملايين المصائب

كنتُ وحدي أنجو منها .......

_______________🥀🥀_____________

لبنى: اصعب موقف ممكن يعيشة الإنسان هو فقد الأهل

البيت اخذو جماعة ابوي هم ما اهتميت اذا امي راحت شيفيدني

الدنياا فارغة كاعدة انتظر سيد يطلع

طول يلا طلع جانت ب١٠ ونص بالليل تمشيت بالحديقة واتذكر

هناك جنت اكعد هنا علموني هنا امي جان تعلمني ما اعلي صوتي

منا جنا ندخل ولازمة ايدها

ناااار مشتعلة داخلي باوعت للسيد أحمد يلي عيونه حمر واكف باب الصالة ابتسم بوجهي

بس انا ما بيه انطي اي ردة فعل غير البجي

طلع صعدت ورااا بالسيارة التفت الي وساكت ما يحجي

تجيت راسي على الجامه جانت مفتوحه على النص الهواا باردد يلفح بوجهي وما يبردني

من تفقد عزيز يعني تفقد احساسك مدري صدمة
ما مستوعب يلي يصير وياك تتمنى حلم وبساع تكعد منه ، تبقى تعيش شارد البال تتمنى طيفهم يجيك تعصر بعقلك عصر تخاف تفقد صورته

اكبر هم تشيلة بعد موتهم ما عندك شي منهم بس صورتهم بعقلك دكول للزمن اوكف لا تمشي اخاف انساهم

التفتت على السيد وهو يحاول يشغل السيارة نزل بأنزعاج وحواجبة مطبوكه شعره النازل بأهمال

بقى يحوس بيها نص ساعة وكال نزلي دخلي

ما كلت لا نزلت شافني سيد احمد وهو جان كاعد على المصلى

كال تعاي بتي

تقربت منه صارت عيوني على سبحته عيوني مملية دمع

كواا اباوع كمت افرك بيدي

سيد احمد: اعرف مصابج يأذي بس لا تظنين بس انتِ فاقدة تذكرين من جنت اسولف الج عن اهل البيت

تعرفين محرم والجرى على زينب كتلو سندها كتلوهم اطفال ماتت وغير يلي مات ما تحمل

سبوهم ناس ما عدهم رحمة

الله يحبج دزنا الج نساعدج ومتأكد الله وياج دائما

راح تتفقدين ريحتهم بس لا تنسيهم بالدعاء ما محتاجين غير دعائج وصلاتج راحتج من راحتهم

لبنى: سكتت ما جاوبت بقيت كاعدة ساعتين وطب سيد ناكع

كال تبقين لو ترحين

جاوبته واني كتله اريد اروح جان الوقت متأخر مختنكة كلشش بلكي من اطلع تهود روحي

كال بس يأذن الفجر نطلع