ناب الذيب

بارت١٦

ولو تَدريّ انت شگد مُهم !
ليلّيه بين نَجُومَنا نَدورلك نَجمْ .

كعدت يمي هناء وانا ابتسمت الها هي دنت لرجلي وعفست وجها وكالت بخفوت

يا يمه سودة عليه

رفعت عيونها عليه وكالت الله يشافيج حبيبه دفع الله ما كان اعظم

ولا تنغثين لكلام خالتي وبناتها هذا طبعهم يشمرن سمهن على الرايح والجاي

بعدج ما شفتي شي اكيد ما تسكت

لبنى: ارجعت ليورا طابكه حواجبي كتلها بتساؤل شسوي مثلاً؟

هناء: اييي لا تفكرين وتعاي اسولف الج عني
انا بنت دجلة الوسطانية احنه بس ٣ بنات انا هناء واختي الجبيرة رحمه والزغيرة مريم يلي ويا امي مصمغة هههههه

تزوجت سعيد عن حب جان يمر ويا اخوانه ما جنت احبه عادي بس اشوفه يباوع عليه الا ان اجه فد يوم  النا وضايج

كال امج وين كتله راحت ويا خالة نجمه لدكتور 

شو هذا تقرب عليه انا كمت ادك فج بفج

دمعت اريد اكله اوكف كمت بس  احرك بيدي كدامه بمعنى لا تتقرب

ابتسم وكال الجبانه الفيسدة شبيج اريد احاجيج شايفتني سرسري!!!

اتنفست براحه وكلت بتوتر كول سعيد أمرني 

زادت أبتسامته وخله ايده على قلبه وكال يا بوية  ما تصيرين مرة حماها لاختج!!

بلعت ريك وطبكت حواجبي صافنه بوقتها صابني ثول مو طبيعي 

ادنيت يمه بحيث ما يفصلني بس خطوة وكتله يااااا تريد تعرس ياااااااي  منوووو 

ما ركزت بلي كاله شو هذا صفن وكال
الثولة اخطبج الج

انا هنا احس معت من الخجل اريد اسيطر على روحي اوكف ماكو

نزعت النعال وركضت للبيت لحد يسألني ليش هيج سويت ما ادري هههههههههههههه

هو كام بس يضحك سديت الباب ومريم واكفة كبالي تاكل نستلة وتضحك

سمعت صوته يحجي بصوت عالي احبج هناء احبج حمامه

لميت ايدي على قلبي مبتسمة واتجيت على الباب تسرسحت للكاع دكات قلبي تعالت

شعور يجنن اجتاحني 

ما اعرف شنو بالضبط بس اول مرة اصير بهيج موقف احد يتقرب إلي ويكلي  احبج

شخص يحبني أنا ؟؟

غطيت وجهي بأيدية
مريم تضحك ودكول شايف خير ومستاهلها

يمه انا انتهيت

وصدك بالليل اجه هو واخوانه وابو واجت رحمة تضحك وياها بتها خالتها فوك راسها وتدبج