ناب الذيب

بارت ٩

كلشـي موسـم حته حـب الناس موسـم

لــِ عريان السيد خلف

لبنى :طفرت جانت العباية صايرة فلم

عدلت روحي والغضب الدشداشة بعدني لابستها

عدلت حجابي بسرعة وهذا بعدة يدك

فتحت الباب عاط بيه

حسين: ادري نمتي الحجية مدري شبيه امشينا ناخذها للطبيب

الحجي طالع

وما اكدر اخليج وحدج

لبنى: هزيت راسي وبس اريد افهم بعدني ما مستوعبة

رحت لغرفة الحجية جريت حجابها مشمور على الجرباية

بقيت افتر ادور العباية وهذا ما بطل

وخرت الباب شفتها ورا معلكه بهل الأثناء دخل حسين

حسين:بطلنا بوية انخليها هنا تموت ها شدكولين

جر العباية وراح ركض رحت ورا وانا ساكته 

شفت الحجية مدده بالهول ولازمه بطنها تون

انقهرت عليها

شالها وكال ركض روحي فتحي السيارة هذا المفتاح كدامج

سحبت السويج  ووجهي يعبر عن ارتباكي  ركض كبلهم جانت السيارة مركونه يم الشجرة يلي بنص الحديقة

جربت ادخل السويج  حركته انفتح صار حسين بصفي ويصيح فتحي الباب

فتحت باب الورااا صعد الحجية صعدت من وراااا

كعدت يم الحجية  الدنيا صبح بس بيش الساعة ما اعرف بس شكلها مو ظهر

صعد حسين وطار بينه طير بالف يا علي على ما وصلنا

نزل كال هاج السويج  قفلتها مثل ما كالي هز راسه

ودخلنه للعيادة مجانت بعيدة 

افرك بأيدي كعد الحجية على الكرسي جانت فارغة العيادة

كعدت افرك بأيد الحجية أشرت لحسين يلي ستوا ابتعد بس كل شوي يتلفت النا

اجاها ركض

حسين: ها حجية كولي

الحجية: يمه اريد اروح للتواليت  بطني موتتني

حسين: اي حجية لزمي روحج شوي ههههههه مو تسويها هنا ونحير بيج اني ولبنى

الحجية: ولك روووح

حسين : رايح رايح

لبنى: هههههههههه راح فتح باب صغير وخلا مفتوح واجه استندت عليه ومشت 

طبت الحجية واني لزمت عبايتها وحسين كل شوي شامرلة حجاية اموتني ضحك

اني ضحكتي عالية وكل ما اضحك يخزرني