بهيدة ما تگدر عيوني
عيونك هواي
نجمة: حجي الحك الحك شوف حسين شسوا بينه
الحجي طلع يركض من باب الصالة مبهوت
يصيح شكو خيتي شمسوي
نجمة:ولك لحكنه وكلت ميخالف شو هناك ويهبد الرجال بطابوكه ويفشكه يخلي دمه بطولة
الحجي ما حجه نزع نعاله وشمرة على حسين يلي جان وراي اني لطشت بالحايط خاف يلوحني شي
حسين:حجي يولي اشفي غليلي تذكر من جان يجي هنا يجذب ويرزلني
اخذت حقي
الحجي:ولك سنين صارلها ب١٣ سنه ولك شنو من بشر حاقد انتَ
ولك لو ميت الولد شسوي ااااااخ منك يا حسين راح تموتني
الحجي يركض ورا حسين لزم البوري يريد يطكه بس هذاك شرد
خالتي نجمه دكله ادبه الحجية طلعت على الصوت راحت يم الحجي تهدي بي وحسين
يباوع من باب الديوان
الحجي غمه ودخل يتنفس كوا والحجيه دكله صلي على محمد حجي
نجمة جرتني وصاحت على حسين بس تجي افشخك انا
وصدك طلعنه ماكو حسين بقت خالتي ادردم عبرنه من بيت الولد جان لازم راسه والكاع متروسه دم
واهله يمه هوسه
عبرنه الكنطرة وبالشافعات
وصلنه يم باب المرة دكينه الباب ما طولوا شوي وسمعنه صوت مرة جاية جاية
فتحت الباب مرة هيج يجي عمرها نهاية ٣٠
دخلنه غرفة معلكه بجهة ملابس وشكالات وهيج اشياء
خالتي كالت اشتري لا تستحين
المرة كالت بنت اختج كالت خالتي اي
واجيت اشتري الها عبن غالية لبنى
جان المحل مليان بطبعي ابقى اصفن تشبع عيني يلا
وين يلا بديت اشتري ملابس داخلية
وشفت صبغ اضافر مرطب شفه ومرطب ايد
عطور
شفت عطر جان لونه ازرك لزمته خفت يطيح مني وينكسر
تحسه رجالي بس عطرة جذبني اخذته
هيج تحس يرخي اعصابك
واخذت مشط وشفت مخمرية هم عجبتني
صفنت كلت شبيه اصرف هيج هواي منهم خطية
كلت كافي
خالتي توسلت اخذ بس ما قبلت كالت جا نورية المن انطتني الفلوس اشمرهن
كامت هي تخلي وتحط واني اكلها ما اريد والله
وهي دكلي معليج
أنت تقرأ
ناب الذيب
Werewolfبينما انت في قتال شرس تُصارع للبقاء تجد نفسك غريقاً متمسكٍ بقدركَ.. ستشعل وتحرق من معك ولن تكف عن العبث حتى يتحقق القدر .. "نحن نريد ونطغى في الطلب والله يفعل ما يريد" الكاتبة/زينب عبد الرحمن
