عريان يگول
بكل مكان بغيبتك تارك نشد
المو عزيز وداعتك ما ينفگدرحت نمت وعفت كلشي ما بيه افكر شصار وليش وشكو
جريت مخدة وبطانية قفلت الباب ما امن
نمت ورحت بسابع نومة
كعدت مزعوجة من ضوة يجي من الشباك جانت البردة مفتوحه
مطيت جسمي متكسر تكسر
كمت واحس راسي شلون واحد يضربون بي مديت ايدي لراسي
نزلتها اريد اكوم واشوف كومه شعر بأيدي بجيت
الجلبات كطعنا كمت اشوف اذا بعد متكطع واشوف خصل خصل بي
متت قهر
كمت لملمت الغرفة واخذت شعري دفنته
لان هاي عادة يكولون الشعر مثل الاظافر ما ينشمر بالزبل يندفنالاظفر نسيت قول النبي
بس الشعر لان اخاف يطيح بيد الناس يلي تريد تسوي اعمال ويوصل للجنون اذا انوخذ واتخلى ويا صابون ميت
الله يكفينا شر هالناس وسحرهم وابعد الله عنا اجمعين كل ضر وشر
سبحت واني دموعي ما بطلن طلعت من الحمام كبل للغرفة ما انتبهت لشي ولا افتقدتهم اريد اشوف شعري شكد راح يطيح بعد
كمت امشط وراسي كله مورم تشوط روحي من اخلي المشط يم فروة الرأس بجيت
واشوف شعري يطيح بحضني الله ياخذ حقي منجج
حسبي الله ونعم الوكيل حسبي الله ونعم الوكيل
مسحت دموعي وكلت يطلع غيره
احاول اقنع نفسي
لبست حجابي وطلعت شفت الساعة ب١١ بس ماكو صوت
طبيت للهول شفت هذا الولد الجان وياي وحسين نايمين
شهكت وانا اشوف حسين متمدد ولافين راسه
وصاير اصفر وجهه
رحت يمه ودموعي تصب كعدت قريب منه
واحجي بداخلي كله مني يا بعد اختك كله مني صار بيك هيج
انا نحس تأذيت بسببي بيه ولا بيك
شفته كام يتحرك فتح عيونه وانطا تعبير متألم
تقربت اكثر اخاف يريد شي دوة اكدر اسويله شي
كلت بصوت هامس شسوي حسين شنو يأذيك!!!!!
حسين صفن بوجهي بعدين كال بتعب ؛ لبينه شلونج
هاي الب***ك فشختنيلبنى: هههههههه اضحك وابجي
حسين: لا ادخلين هنا دام ذياب بالبيت خوش لبينه اعرفج عاقلة وتسمعين الحجي!!!
لبنى: هزيت راسي بدون ما اكله ليش حسين الانسان الوحيد يلي اكدر اتكىء عليه من دون ما افكر
YOU ARE READING
ناب الذيب
Werewolfبينما انت في قتال شرس تُصارع للبقاء تجد نفسك غريقاً متمسكٍ بقدركَ.. ستشعل وتحرق من معك ولن تكف عن العبث حتى يتحقق القدر .. "نحن نريد ونطغى في الطلب والله يفعل ما يريد" الكاتبة/زينب عبد الرحمن