ခွမ်း*သေနတ်သံသာကြားလိုက်ရပြီး တစ်ကိုယ်လုံးအနာအဆာရယ် တစ်နေရာမှမရှိတော့ Sunghoon မျက်လုံးဖွင့်ကြည့်လိုက်သည်။ ဘေးတွင် ကွဲကြေနေသော ပန်းအိုးတစ်လုံးနှင့်မျက်ရည်တွေနှင့် ကောင်လေး။
"ပါး ဘာလို့လဲ"
"သားငယ်အတွက် ပါးလုပ်နေတာ ပါးကလေးလေးအတွက်"
"ပါးလုပ်လိုက်သမျှ သားအတွက်ဆိုတဲ့လုပ်ရပ်တွေကြောင့် သားမှာလေ.. သားကိုစိတ်ရင်းနဲ့ပေါင်းမယ့် သူငယ်ချင်းဆိုတာမရှိဘူး.. သားရဲ့အထီးကျန်တဲ့ဘဝကို Sunghoonie ကပျော်ရွှင်အောင် သူတတ်သလိုစွမ်းဆောင်ပေးနေတာ ဘာကြောင့် သားဘဝထဲကထွက်သွားအောင်လုပ်ဖို့ကြံတာလဲ "
မျက်နှာလေးပင်နီရဲနေကာ ငိုကြီးချက်မနှင့် သူ့အဖေကိုအော်နေသူကြောင့် အကိုကြီးဟာမယုံနိုင်သလိုမျက်လုံးမျိုးနှင့် ကြည့်နေကာ Mingyu ကလည်းအံ့သြတကြီးကြည့်နေလေသည်။
" ပါးရယ် ရပ်လိုက်ပါတော့ သားမှာ Sunghoonie ဆိုတဲ့သူငယ်ချင်း မိတ်ဆွေပဲရှိတော့တာပါ ကျေးဇူးပြုပြီးသားကိုချစ်ရင် ရပ်လိုက်ပါ"
အကိုကြီးသည် မျက်နှာထားကိုလျှော့လိုက်ကာ သက်ပြင်းတစ်ချက်ချလိုက်ပြီး ကြမ်းပြင်ပေါ်တွင် လဲပြိုနေသည့်သူ့ကိုတစ်ချက်ကြည့်သည်။ ပြီးနောက်
" Min Gyu ထ... ငါတို့သွားမယ် "
"ဟုတ် ပါး"
အကုန်ထွက်သွားကြပြီး နှစ်ယောက်တည်းကျန်တော့သည့် အချိန်ရောက်မှ အနှီကောင်လေးက ကျွန်တော့်ကိုလာပွေ့ထူလေသည်။ ထို့နောက် သူ့အခန်းထဲကိုတွဲခေါ်သွားကာ ကုတင်ပေါ်တွင်ထိုင်စေသည်။
" ကြည့်ပါဦး ဒီလောက်ချောတဲ့မျက်နှာကို စုတ်ပြတ်သတ်သွားအောင်ထိုးရတယ်လို့ ပါးကိုစိတ်ဆိုးလိုက်တာ ခဏနော် ကျွန်တော်သန့်ရှင်းရေးလုပ်ပေးမယ်"
လှမ်းဆွဲဖို့တောင်မမီလိုက် လှစ်ခနဲ ရေချိုးခန်းထဲပြေးဝင်ပြီး ပုဝါတစ်ထည်နှင့် ရေဇလုံကိုင်ကာ ပြန်ရောက်လာသည်။ ထို့နောက်ကွဲသွားသော နှုတ်ခမ်း မျက်ခုံးနှင့် ယောင်ကိုင်းနေသော ပါးစောင်ရိုးတို့ကို ဖွဖွလေးတို့ကာထိကာ သန့်ရှင်းရေးလုပ်ပေးလေသည်။
![](https://img.wattpad.com/cover/318212391-288-k433178.jpg)
STAI LEGGENDO
ကိုကိုချစ်သော ကလေးငယ်(mine)
Fanfictionဘဝမွာ လက္ခ်ိဳးေရလို႔ရတဲ့အမွားေတြထဲက မင္းကိုခ်စ္မိခဲ့တာ အလွပဆံုးနဲ႔ ထပ္ခါထပ္ခါ က်ဴးလြန္ခ်င္မိတဲ့အမွားပဲ ကေလး ဘဝမှာ လက်ချိုးရေလို့ရတဲ့အမှားတွေထဲက မင်းကိုချစ်မိခဲ့တာ အလှပဆုံးနဲ့ ထပ်ခါထပ်ခါ ကျူးလွန်ချင်မိတဲ့အမှားပဲ ကလေး