ကောင်လေးကျောင်းတွင် assignment ထပ်ပြီးပြန်အလာလမ်းတွင်ဖြစ်သည်။ နှစ်ယောက်လုံးတိတ်ဆိတ်နေကာ ဘာမှသိပ်မပြောဖြစ်။ ဒီရက်ပိုင်း ကောင်လေးလည်းငြိမ်နေတတ်သလို သူလည်းမိဘတွေကိစ္စစုံစမ်းနေမှုကြောင့် မအားလပ်။" Sunghoonie "
"အင်းပြောလေ ကောင်လေး"
"ကျွန်တော်နဲ့ညစာတူတူလိုက်စားပါလား"
"စားတာက စားလို့ရပါတယ် အကိုကြီးကိုခွင့်တောင်းပြီးပြီလား အပြင်မှာထွက်စားမယ်ဆို"
"အင်းတောင်းလိုက်မယ် ဘယ်မှမသွားနဲ့ ကျွန်တော်နဲ့ပဲတူတူလိုက်"
"အကိုကြီးခွင့်ပေးရင် ကိုယ်လိုက်ပို့ပါ့မယ်"
"ဒီရက်ပိုင်း Sunghoonie ကကျွန်တော့်နားလည်းသိပ်မကပ်ဘူး"
"အင်း ကိုယ်ကိစ္စလေးတစ်ခုရှိနေလို့ "
"ဘာကိစ္စလဲ ကျွန်တော့်ကိုလည်းပြောပြလေ"
"ကိုယ့်ကိုယ်ရေးကိုယ်တာမို့ပါကောင်လေးရယ် နောက်ကြပြောပြမယ်"
"အင်း အဲ့နေ့ကိုစောင့်နေမယ် ဒီနေ့တော့ကျွန်တော်ပြောစရာလည်းရှိလို့"
"ဟုတ်ပါပြီ ကိုယ်လိုက်ပို့ပါ့မယ် ဘယ်ဆိုင်သွားစားချင်လဲပဲ စဉ်းစားထား"
မျက်နှာလေးရွှင်ပျသွားမှ စိတ်ချမ်းသာရသည်။ ကောင်လေး၏အပြုံးလေးမြင်ရုံနှင့်သူမောနေသမျှ ဘဝအမောတွေအကုန်ပြေတာပါပဲ။ ကောင်လေးဟာ ဘာတွေဖြစ်လာဖြစ်လာ သူလက်မလွှတ်ချင်ဆုံးလူ။
အကိုကြီးကလည်း သူပါလျှင် လွှတ်မည်ဟု ခွင့်ပြုသဖြင့် သူတို့နှစ်ယောက်ညစာစားရန်ဆိုင်ကောင်းကောင်းတစ်ဆိုင်ကို ဘိုကင်လုပ်လိုက်ကြသည်။ မသွားခင် ထိုကောင်လေးရေချိုးပြီးကာစ ခါးတွင်သဘက်တစ်ထည်နှင့် အဝတ်အစားရွေးတာကိုထိုင်စောင့်ပေးရသေးသည်။
"ကျွန်တော် ဒီအမည်းရောင်နဲ့လိုက်လား ဒီအဖြူရောင်နဲ့လိုက်လား"
"မင်းကဘာဝတ်ဝတ်လိုက်ပါတယ်"
"ကျွန်တော့်ကိုကြည့်ဖြေလေ Sunghoonie ရဲ့"
ဘယ်လိုလုပ်ကြည့်နိုင်မှာလဲ အသားလေးတွေကအချို့နေရာတွင်ရဲနေကာ ဖြူဥနေသေးသည်။ မျက်နှာပင်နီမြန်းကာ တစ်ဖက်ကိုလွှဲထားမိသည်မို့ ထိုကောင်လေးက အမျက်တော်ထွက်လေတော့သည်။
![](https://img.wattpad.com/cover/318212391-288-k433178.jpg)
YOU ARE READING
ကိုကိုချစ်သော ကလေးငယ်(mine)
Fanfictionဘဝမွာ လက္ခ်ိဳးေရလို႔ရတဲ့အမွားေတြထဲက မင္းကိုခ်စ္မိခဲ့တာ အလွပဆံုးနဲ႔ ထပ္ခါထပ္ခါ က်ဴးလြန္ခ်င္မိတဲ့အမွားပဲ ကေလး ဘဝမှာ လက်ချိုးရေလို့ရတဲ့အမှားတွေထဲက မင်းကိုချစ်မိခဲ့တာ အလှပဆုံးနဲ့ ထပ်ခါထပ်ခါ ကျူးလွန်ချင်မိတဲ့အမှားပဲ ကလေး