ကားပေါ်တွင် ထိုင်ကာစကားပြောနေပြီးနောက် Sunghoon ဆီမှ ဖုန်းဝင်လာသည်။ Kim Lee ကပြုံးလိုက်ကာ ကလေးငယ်ကိုကြည့်လာသည်။
"ဟဲလို"
"ခင်ဗျားတို့အခုဘယ်မှာလဲ"
"ဘယ်မှာဖြစ်ဖြစ်ပေါ့ ဘာလဲ ငါနဲ့ရင်ဆိုင်မယ်လို့ စိတ်ဆုံးဖြတ်လိုက်လို့လား"
"ဟုတ်တယ် ဒီထက်ပိုပြီးရှောင်မပြေးချင်တော့ဘူး "
"ကောင်းပြီလေ ငါလိပ်စာပို့လိုက်မယ် ရဲခေါ်လာရင် ငါတို့အကုန်တူတူသေလိုက်ကြတာပေါ့"
ဖုန်းကျသွားသည်နှင့် Kim Lee ကညစ်ကျယ်ကျယ်ပြုံးလိုက်ကာ Sunoo ကိုကြည့်လိုက်သည်။ ထို့နောက်တွင် အသံတိုးတိုးနှင့် သားဖြစ်သူကို-
"ငါပြောတာမှတ်မိလား Kim Sunoo မင်းငါ့ကိုလုပ်ပေးရမယ်ဆိုတာလေ"
"မလုပ်ပေးနိုင်ဘူးလို့ပြောထားတယ်လေ ပါး"
"မင်းပါးစပ်ကိုပိတ်ထား!!!!"
ပါးကိုဖျစ်ညှစ်လိုက်တာ နာသွားတာမို့ Sunoo လေး၏မျက်လုံးတွင် မျက်ရည်တို့ဆို့တက်လာသည်။
"နာတယ်...လွှတ်ပေးပါ"
"မင်းကောင်ကိုငါမင်းမျက်စိရှေ့မှာ သတ်ပြမယ်"
ဟင့်အင်း။ ကိုကို့ဘဝကအများကြီးခက်ခဲပြီးပြီမို့ ပျော်ရွှင်စေချင်သည်။ ပျော်ပျော်ရွှင်ရွှင်နဲ့ ဘဝကိုနေထိုင်သွားရဦးမှာ ဒီတိုင်းသေသွားလို့မဖြစ်။ ကိုကို့ကိုမသေစေချင်ပါ။
"မ-မလုပ်ပါနဲ့ ပါး.. ကျွန်တော်ပါးခိုင်းတဲ့အတိုင်းလုပ်ပါ့မယ် ကျေးဇူးပြုပြီး...ကိုကို့ကိုလက်ဖျားနဲ့တောင်မထိပါနဲ့"
"စိတ်နုနုနယ်နယ်နဲ့ သွေးရူးသွေးတန်းပြောနေတာလား Kim Sunoo ဒါမှမဟုတ် ပါးသိပ်ချစ်တဲ့ ပါးရဲ့လိမ္မာတဲ့ သားလေးအဖြစ်လား"
"ပါး-ပါးရဲ့သားအဖြစ်ပြောနေတာပါ"
"ကောင်းပြီလေ .. မင်းရဲ့ ကောင်ကို အညံ့ခံခိုင်းလိုက် ကိစ္စတွေအားလုံးကိုမရှိခဲ့သလိုထားလိုက်ဖို့ မင်းတောင်းပန်.. မင်းပြောတာဆို သူလက်ခံမှာ"
"ပါးရူးသွားပြီလား.. ကျွန်တော်ဘာကောင်ကြီးဖြစ်နေနေ သူ့မိဘတွေကိုသတ်ထားတဲ့သူရဲ့သားဆိုတာကို ပါးမေ့နေတာလား"
YOU ARE READING
ကိုကိုချစ်သော ကလေးငယ်(mine)
Fanfictionဘဝမွာ လက္ခ်ိဳးေရလို႔ရတဲ့အမွားေတြထဲက မင္းကိုခ်စ္မိခဲ့တာ အလွပဆံုးနဲ႔ ထပ္ခါထပ္ခါ က်ဴးလြန္ခ်င္မိတဲ့အမွားပဲ ကေလး ဘဝမှာ လက်ချိုးရေလို့ရတဲ့အမှားတွေထဲက မင်းကိုချစ်မိခဲ့တာ အလှပဆုံးနဲ့ ထပ်ခါထပ်ခါ ကျူးလွန်ချင်မိတဲ့အမှားပဲ ကလေး
