Nakatingin si Cale kay Keanna na tinutupi ang mga damit na binili nila. Sumandal siya sa hamba ng pinto at hindi alam kung kakausapin ba niya ang girlfriend niya.
Hindi pa kumpleto ang mga gamit na nabili nila. Hindi naman nila bibiglain lahat at unti-unti lang muna ang pagbili.
It was eight in the evening. Sa labas na rin sila kumaing dalawa bago umuwi. They enjoyed the night because he only had one more night to stay before his flight.
"Sweetheart?"
Nakita ni Cale ang gulat ni Keanna bago lumingon sa kaniya. Sumilay ang ngiti sa labi nito. "Yep? Tulog ka na?"
"Hindi ka pa umiinom ng milk," ani Cale. "Gusto mo ba ng strawberry na may condensed milk o 'yung avocado na dala na lang nila mommy?"
"Avocado na lang," sagot ni Keanna bago ibinalik ang atensyon sa ginagawa. "Pakilagyan mo ng ice, ha? Gusto kong malamig."
Tumango si Cale bago isinara ang pinto. Sandali siyang sumandal at yumuko dahil kinabukasan, kailangan na niyang sumabay sa mga magulang niya para pumunta sa Manila.
He still had to fix some things about his flight.
Habang naglalakad sila sa Mall noong hapon, hindi niya binibitawan ang kamay ni Keanna. Panay ang titig niya rito dahil mami-miss na naman niya ito.
Malalim na huminga si Cale bago bumaba. Naabutan niya ang parents niya sa living room kasama ang parents ni Keanna. Masayang nagkukuwentuhan ang mga ito.
Dumiretso siya sa kusina at naabutan ang Ate Vianne niya at si Sarki sa kitchen na kumakain ng cornik. Naglalaro ang dalawa ng baraha at mayroon pang mga pera. Mukhang pustahan.
"Laro tayo, Caleigh!" pag-aya ng ate niya.
Umiling si Cale at hinanap ang avocado na nasa counter lang pala. Kinuha rin niya ang tetra pack na condensed milk sa ref at yelo naman sa freezer.
Seryoso niyang hinihiwa ang avocado habang nag-iisip kung paano siya sa mga susunod na araw.
Months ago, leaving Keanna was already hard for him, but leaving his girlfriend again with their baby inside her was even more complicated. His heart clenched, and his breathing became rugged.
Ipinagpatuloy niya ang ginagawa hanggang sa matapos. Hindi na siya nagpaalam sa lahat ng taong nadadanan niya.
Napansin nina Niana at Cavin ang awra ng anak nila. Nagkatinginan sila ngunit hindi nagpahalata. Ang alam nila, maayos na ito at si Keanna, pero pagdating ng dalawa, parehong bumati sa kanila, ngunit pareho ring tahimik.
Dumiretso si Cale sa kwarto ni Keanna at bahagyang nakabukas ang pinto nang makarinig siya nang mahinang pagsinghot mula kay Keanna.
Sumilip siya at nakaupo pa rin ito sa gilid ng kama at nagtutupi ng maliliit na mga damit.
Nagkunwari si Cale na gumawa ng ingay at nakita niya kung paanong nagmadaling magpunas ng mukha ang girlfriend niya. Malalim itong huminga.
"Ang cute niyang banana print," sabi ni Cale na tinutukoy ang hawak ni Keanna na overall na pantulog ng baby. "Hanap tayo noong may strawberry and avocado prints. Favorite mo pa naman."
Ngumiti si Kea at pinakita kay Cale ang maliit na sapatos na ito mismo ang namili.
"Next time, bili tayo ng shoes na pare-pareho tayo tapos sa kaniya, maliit." Ibinaba ni Cale ang bowl sa bedside table at naupo sa kama. "Bibili ako sa New York pagbalik ko."
Sandali siyang tiningnan ni Kea bago ito muling nag-focus sa ginagawa. Kinuha nito ang mga nakatuping damit bago inilagay sa drawer na ipinasadya ni Keanu.
