ဒီညလည်း ယု အလုပ်မသွားနိူင်တော့ပါ. .။
ကြာရင် အထက်လူကြီး ငြိုငြင်လို့ အလုပ်ပြုတ်တော့မလား မသိဘူး။
ယုမျက်နှာတွေလည်း ငိုထားတာ စုတ်ပြတ်နေပြီ. . ။
အိမ်ပြန်ရောက်တော့ ယုမျက်နှာမကောင်းတာ မာမီရိပ်မိသွားတယ်။ ဒါပေမယ့် ဘာမှတော့ ဝင်မပြောရှာပါဘူး။
အခန်းထဲမှာ အဝတ်အစားလဲပြီး ကော်ဖီပူပူလေး တစ်ခွက်ဖျော်ကာ သောက်ရင်း ဖုန်းထိုင်သုံးမိနေပါတယ်။ ယုစိတ်တွေ ဂဏှာမငြိမ်ဘူးဖြစ်နေတာလေ. . ၊
နားမလည်နိုင်ဘူး ကို. .ဒီနေ့ ကိုက ယုကို ဘာလို့ ဒေါသတွေ အဲ့လောက်ထွက်နေရတာလဲ. .။ တကယ်ဆို စိတ်ဆိုးရမယ့် လူက ယုလေ. .။
ဘာလို့ယုက စိတ်ပျက်ဖို့ ကောင်းရတာလဲ. . ။ ယု ဘာများမှားသွားလို့လဲ. . ။
ခေါင်းကို dryer မမှုတ်ဘူးပြောတဲ့ ကိစ္စမှာ ယုလွန်သွားလို့လား. .။
ပြီးတော့ ကို. . သူ့အလုပ်ထဲမှာများ အဆင်မပြေခဲ့တာတွေ ရှိနေလို့လား. .။
ယုက အလိုက်ကမ်းဆိုး မသိဘဲ ဖြစ်သွားတာလား ..။
ယု စိတ်တွေ ရှုပ်လာလို့ post တွေ တစ်ခုပြီး တစ်ခု share နေမိတယ်။ စုံနေတာပဲ. .
- တစ်ယောက်ထဲ နေတာ ကောင်းတယ်ဆိုတဲ့ စာတွေ- မိန်းကလေးတစ်ယောက် အနေနဲ့ တသက်မှာ တခါ စွန့်စားပြီး လုပ်သင့်တဲ့ အချက် ၁၀ ချက်။- အတွင်းစိတ်ချမ်းသာဖို့ နေထိုင်ကျင့်ကြံရမည့် နည်းလမ်းကောင်းများစသည်ဖြင့် . .စသည်ဖြင့် post တွေ share နေမိတယ်။
ပြီးတော့ မနှင်းကို သတိရသွားလို့ မနှင်းဆီကို ဖုန်းဆက်လိုက်တယ်။
'ဟယ်လို. . မနှင်းလား'
"အေး. . ယု မတွေ့တာကြာပြီနော် ဘယ်နေ့ gym ကိုလာအုံးမှာလဲ"
'ဟုတ်မနှင်း အဂါၤနေ့ လာခဲ့မယ်လေ. . တွေ့ကြတာပေါ့'
YOU ARE READING
စာမျက်နှာသစ် (Myanmar Unicode + Zaw Gyi)
Romanceကိုယ့်ချစ်သူက ကိုယ့်ကို လက်ထပ်လာမယ့်နေ့ကို စောင့်နေတဲ့သူမ . နှစ်တွေ လတွေသာ ကြာလာပေမယ့် အခုထက်ထိ ခြေချုပ်မမိချင်လို့ လက်မထပ်ချင်သေးတဲ့ ကောင်လေး. . . အချိန်တွေ ကြာလာလေ တဖြည်းဖြည်းဝေးလာလေ ဖြစ်လာရတဲ့ သူတို့ရဲ့ ကံကြမ္မာက ဘယ်လိုအဆုံးသတ်မှာလဲ
